Morgunblaðið - Sunnudagur - 01.06.2014, Blaðsíða 24

24 MORGUNBLAÐIÐ SUNNUDAGUR 1.6. 2014
Heilsa og hreyfing
Reykingar valda fleiri dauðsföllum á Íslandi
en nokkur annar lífsstílstengdur áhrifaþáttur
samkvæmt athugun Landlæknisembættisins á
árunum 1995 til 2004 en á þeim tíma mátti
rekja 18 prósent af dauðsföllum til reykinga.
Besta forvörnin gegn reykingum er að bryja
ekki að reykja en þeir sem hafa tekið sér
rettuna í munn vita að það er hægara sagt en
gert að hætta. Ástæðan er nikótín en það er
mjög vanabindandi og koma fram ýmis frá-
hvarfseinkenni eftir að síðasta sígarettan er
reykt. Meðal einkenna getur verið þunglyndi,
höfuðverkur, kvíði, svefnleysi, aukinn hjart-
sláttur, pirringur og jafnvel aukin matarlyst.
Nikótín er þó ekki alslæmt því það er einnig
notað í lyfjafræðilegum tilgangi, t.d. gegn
hrörnunarsjúkdómum eins og parkinsons-
veiki og Alzheimers-sjúkdómnum.
AFLEIÐING REYKINGA
Best að byrja
aldrei
Flestir fá sinn nikótínskammt í gegnum reykingar
en fáar löglegar neysluvörur komast nærri því að
hafa jafn slæm áhrif á heilsuna og reykingar.
Morgunblaðið/Golli
Ávanabindandi eiginleiki nikótíns gerir flestum
reykingamönnum lífið leitt. Þegar hætta á að
reykja er leitað í nikótín í öðrum vörum.
Nikótín er ekki eingöngu slæmt því það er talið
hafa jákvæð áhrif á hrörnunarsjúkdóma eins og
Alzheimers-sjúkdóminn.
Morgunblaðið/Sverrir
Ú
tihlaup hefur verið vin-
sælt sport á Íslandi í
mörg ár og víða hafa
verið stofnaðir skokk-
hópar og haldnar hlaupaæfingar
fyrir byrjendur. Í Hafnarfirði eins
og öðrum bæjum landsins er virkt
íþrótta- og tómstundastarf enda öfl-
ug íþróttafélög í bænum. Krafturinn
og lífið í íþróttastarfi bæjarins lýsir
sér vel í skokkhópi Hauka en hann
var stofnaður árið 2007 af Sigríði
Kristjánsdóttur og voru meðlimir
hópsins þá fjórir. Hópurinn hefur
stækkað ört á undanförnum árum
og eru meðlimir hans í dag á þriðja
hundrað sem gerir skokkhóp Hauka
þann fjölmennasta á landinu.
„Skokkhópurinn spannar frá ein-
staklingum sem eru að hefja
hlaupaferil sinn til einstaklinga sem
eru lengra komnir. Allt frá stofnun
skokkhópsins hefur áhersla verið
lögð á að hver og einn fái notið sín,“
segir Pétur Svavarsson, meðlimur í
skokkhópi Hauka.
Hlaupið í guðsgrænni
náttúrunni
Skokkhópur Hauka og Sportís efna
til Hvítasunnuhlaups í annað sinn í
ár og er hlaupið um uppland Hafn-
arfjarðar annan í hvítasunnu, 9.
júní. Hlaupið fer því fram utanvega
en Pétur segir vaxandi fjölda fólks
sem kýs að hlaupa í náttúrunni.
„Mikil fjölgun hefur verið á hlaup-
urum sem hlaupa utanvegahlaup á
sumrin til að njóta bæði þess að
hlaupa og vera úti í náttúrunni. Hjá
Haukunum er fjöldi hlaupara sem
hafa notað uppland Hafnarfjarðar til
æfinga, bæði svæðið í kringum
Hvaleyrarvatn, Helgafellið og Heið-
mörkina enda höfum við Hafnfirð-
ingar stórkostlegt útivistarsvæði
rétt við bæjardyrnar.“
Í fyrra tók mikill fjöldi hlaupara
þátt í Hvítasunnuhlaupi Hauka, þar
á meðal margir af fremstu hlaup-
urum landsins. „Í ár hafa boðað
komu sína flestir af sterkustu kven-
og karlkyns utanvegahlaupurum
landsins, meðal annars sigurvegarar
á síðasta ári í Hvítasunnu-, Lauga-
vegs-, Esju- og Snæfellshlaupi auk
þess sem sigurvegari í 21 km
Reykjavíkurmaraþoni mun taka
þátt,“ segir Pétur en hann tekur þó
sérstaklega fram að hlaupið sé fyrir
alla og þeir sem ekki treysti sér til
að hlaupa alla vegalengdina ættu
samt sem áður að skrá sig til leiks
og þá frekar labba hluta leiðarinnar.
„Í ár verður sú breyting á fram-
kvæmd hlaupsins að boðið er upp á
tvær vegalengdir, annarsvegar 17,5
km eins og áður auk þess sem sú
nýjung verður að nú verður boðið
upp á 14 km leið þar sem erf-
iðleikastigið er minnkað mikið.“
Í fyrra heppnaðist hlaupið ein-
staklega vel og mikil ánægja með
hlaupið í heild sinni, að sögn Pét-
urs. „Margir voru heillaðir af
hlaupaleiðinni sem liggur um ein-
staka náttúruperlu Hafnarfjarðar í
nágrenni Hvaleyrarvatns og hefur
hlauparinn stórkostlegt útsýni allt
frá því að hann leggur af stað og
þar til hann kemur í mark enda
stórkostleg náttúran í kringum
Hafnarfjörðinn.“ Hlaupaleiðin er vel
merkt og engin hætta á því að
hlauparar villist af leið þó ekki sé
hlaupið um stræti og götur. Lagt er
af stað frá Ásvöllum, íþróttasvæði
Hauka í Hafnarfirði, en hlaupið
hefst klukkan tíu. Hægt er að sjá
myndbandsupptöku af hlaupaleið-
inni á heimasíðu hlaupsins,
www.hvitasunnuhlaup.is, og þá er
einnig hægt að skrá sig í hlaupið á
síðunni www.hlaup.is.
Allir geta unnið verðlaun
í hlaupinu
Pétur segir ekki bara þá sem koma
fyrstir í mark vinna til verðlauna
því allir þátttakendur geta unnið
stórglæsileg útdráttarverðlaun en
meðal verðlauna eru 6 pör af hlau-
paskóm frá Asics. Þá er sú nýjung
að sjálfboðaliðar sem koma að
hlaupinu geta einnig unnið til verð-
launa. „Sjálfboðaliðum verður skipt
í hópa og munu hlauparar að hlaupi
loknu velja úr besta sjálfboðaliða-
hópinn. Heyrst hefur að sjálf-
boðaliðar taki keppnina mjög alvar-
lega og hafa meðal annars boðað
plötusnúða á staðinn.“
HLAUPIÐ MEÐ STÆRSTA SKOKKHÓPI LANDSINS
Utanvegahlaup um Hafnarfjörðinn
Ljósmynd/Sigurjón Pétursson
HVÍTASUNNUHLAUP SKOKKHÓPS HAUKA VAR HALDIÐ Í FYRSTA SINN Í FYRRA OG VERÐUR ENDURTEKNING Á ÞVÍ Í ÁR. HLAUPIÐ
ER UTANVEGA Í FALLEGRI OG MARGBREYTILEGRI NÁTTÚRUNNI Í KRINGUM HAFNARFJÖRÐ OG ER ÞVÍ HLAUPIÐ Á MÝKRA UNDIRLAGI
EN GENGUR OG GERIST Í INNANBÆJARHLAUPUM ÞEGAR HLAUPIÐ ER Á MALBIKI.
Vilhjámur A. Kjartansson vilhjalmur@mbl.is
Auk stórbrotinnar náttúru leita
margir í utanvegahlaup til að draga
úr álagi á liði og lappir. „Kosturinn
við utanvegahlaup er að hlaupið er á
mýkra undirlendi þannig að þau
hlaup fara betur með lappir. Á vet-
urna og þegar verið er að æfa undir
götuhlaup er samt hlaupið á gang-
stígum.“
Íslendingar eru heppnir að eiga aðgang að frábærum sundlaugum um allt land. Allir geta notið
góðs af því að synda en sérstaklega þeir sem eiga við meiðsli að stríða. Sund getur hjálpað
mörgum að koma sér af stað aftur eftir íþróttameiðsli eða slys en mjúkar hreyfingar í vatni
valda minna álagi á liði og marga vöðva en flest önnur hreyfing eins og hlaup eða göngur.
Nýtum sundlaugarnar okkar vel