Morgunblaðið - Sunnudagur - 01.06.2014, Blaðsíða 49

Vinir og kollegar. Tenórarnir
þrír; Gissur Páll Gissurarson,
Kristján Jóhannsson og
Garðar Thór Cortes.
getur boðið bragðlaukunum uppá,“ segir
Leifur Kolbeinsson, eigandi Kolabraut-
arinnar, í fréttatilkynningu. „Frábærir
kokkar og frábært hráefni. Fiskur, lamb,
skyr og grænmeti og svo setjum við
töfrana í þetta. Þetta verður alvöru
veisla.“
Tenórarnir hafa ekki verið spurðir álits
á matseðlinum – alltént ekki enn. Þeir
botna ekkert í því. „Ég held þeir ættu
að gera það,“ segir Kristján. „Alla vega
hvort rauðvínið sé í lagi.“
Ótrúlegt útsýni
Gissur Páll segir upplagt að bjóða upp á
dagskrá af þessu tagi. „Á álagspunktum í
sumar verður borgin full af ferðamönnum
og stórir hópar eiga oftar en ekki í
vandræðum með að finna sér samastað til
að borða og njóta menningar. Markmiðið
er að koma til móts við þetta fólk, þjón-
usta það og gleðja í bjartri íslenskri mið-
næturbirtunni. Útsýnið þarna uppi er
ótrúlegt.“
Þess má geta að kvöldinu mun ljúka
úti á svölum, þar sem gestir skála fyrir
miðnætursólinni og lokalagið verður sung-
ið.
Hugmyndin er að rabba við gesti milli
laga og mun það líklega að mestu verða
gert á ensku. Garðar Thór mun bera hit-
ann og þungann af því spjalli en þefi
þremenningarnir uppi ítölskumælandi fólk
í salnum kemur til kasta Kristjáns og
Gissurar Páls sem báðir hafa búið á Ítal-
íu. „Við lesum bara salinn hverju sinni,“
segir Garðar Thór.
Og hver veit nema fyrsta spurningin
verði: How do you like Iceland?
Þeir hlakka allir til að syngja íslensk
lög fyrir gestina. Ekki vanti perlurnar.
Þá verða á efnisskránni ítalskar óp-
eruaríur og sönglög, þýskar óperettur,
frönsk sönglög, lög úr söngleikjum og
sitthvað fleira. „Þetta verður allur skal-
inn, langmest lög sem fólk kannast við,“
segir Garðar Thór.
Óþvingað andrúmsloft
Hann segir þetta frábært tækifæri til að
vinna með ekki bara einum heldur tveim-
ur kollegum sínum. „Það er ekki á hverj-
um degi sem þrír tenórar koma saman.
Það eru mjög fáar óperur sem innihalda
þrjá tenóra og þær eru ekki oft settar
upp.“
Þremenningarnir þekkja vel hver til
annars og staðhæfa að raddir þeirra
passi vel saman enda þótt þær séu ólík-
ar. „Þetta verður rosaleg skemmtun,“
segja þeir einum rómi og Gissur Páll
bætir við: „Andrúmsloftið verður óþving-
að. Við erum þannig menn. Kristján er
auðvitað voða rólegur og það er gott að
hafa svipuna á bakinu.“
Þeir hlæja allir.
Tenórarnir munu syngja hver í sínu
lagi og jafnvel eitthvað saman. „Ef þeir
verða stilltir þá fá þeir að syngja með
mér,“ segir Kristján brosandi.
Að öllu gríni slepptu kveðst hann stolt-
ur og glaður að vera ennþá í nægilega
góðu formi til að syngja með sér tuttugu
til þrjátíu árum yngri mönnum. Sér-
staklega þar sem þeir séu afar hæfi-
leikaríkir.
Hvernig er ekki hægt að
fylgjast með Kristjáni?
Yngri tenórarnir tveir eru spurðir hvort
þeir hafi ekki fylgst grannt með Kristjáni
gegnum tíðina. „Hvernig er ekki hægt að
fylgjast með Kristjáni?“ spyr Gissur Páll
hlæjandi.
„Auðvitað er hann fyrirmynd,“ bætir
Garðar Thór við. „Frábær söngvari, mik-
ill karakter og umfram allt góður kall.“
Jónas er spurður hvort það sé yfir höf-
uð hægt að vinna með þessum ærslafullu
mönnum. „Tja, ég þarf yfirleitt að taka
inn lyf þegar ég kem heim,“ segir hann
sposkur. „Nei, nei, ég hef þekkt þessa
menn lengi, Kidda í áratugi og strákana
síðan þeir voru börn. Það er yndislegt að
vinna með þeim.“
Þar með er Kristjáni ekki til setunnar
boðið, næsta skuldbinding er framundan,
og hann kveður okkur alla með enn þétt-
ara faðmlagi en hann heilsaði. Í höf-
uðstöðvum Veðurstofu Íslands skammt frá
klóra menn sér í höfðinu. Það datt
skyndilega í dúnalogn í Smáíbúðahverfinu
og Fossvoginum ...
Svona er stemningin á æfingum. Kristján klappar mönnum á vangann og faðmar þá að sér á víxl. Hér fær Gissur Páll að kenna á því.
* „Já, Il grande Caruso,“ segirKristján dreyminn. „Fer
ekki að koma Il grande
Jóhannsson? Hvað er
eiginlega í gangi?“
Tenórarnir þrír ásamt
meðleikara sínum, Jónasi Þóri.
1.6. 2014 MORGUNBLAÐIÐ SUNNUDAGUR 49