Morgunblaðið - Sunnudagur - 01.06.2014, Blaðsíða 48

K
unnuglegur hlátur fyllir hin
guðlegu salarkynni þegar
hurðinni að Bústaðakirkju er
hrundið upp á þessum milda
vormorgni. Kristján Jóhanns-
son er greinilega í húsinu. Hvers vegna
hefur engum dottið í hug að tappa hon-
um á brúsa? Það er að segja hlátrinum.
Gæti glatt margt hjartað. Annar ten-
órsöngvari er með Kristjáni, Gissur Páll
Gissurarson, og við flygilinn er Jónas
Þórir. Sumsé valinn maður í hverju rúmi.
Garðar Thór Cortes er rétt ókominn.
„Hann kann ekki á klukku,“ segir Krist-
ján og skellir upp úr. Gissur Páll veitir
því athygli að kollegi hans faðmar okkur
Golla ljósmyndara að sér. „Þeir eru líka
að norðan,“ upplýsir Kristján.
„Hvernig má það vera,“ spyr Gissur
Páll, „að Íslendingar eru rúmlega þrjú
hundruð þúsund en Akureyringar fjórar
milljónir?“
Menn hlæja.
Jónas Þórir tilkynnir að hann sé líka
ættaður að norðan, að vísu ekki frá Ak-
ureyri.
Hafi Gissuri Páli þótt hann vera í
minnihluta fyrir hallar enn á hann þegar
sjálfur sóknarpresturinn, séra Pálmi
Matthíasson, gengur í salinn. Enn einn
Akureyringurinn. Klerkur vindur sér
beint að Kristjáni. „Sæll frændi, hvernig
stendur á því að þú ert í náttbuxunum?“
Búinn að velja feitustu bitana
„Elsku drengurinn,“ gellur í tenórnum
sem faðmar séra Pálma að sér. Skýringin
á „náttbuxunum“ er gefin upp en verður
ekki höfð eftir á prenti.
Það sem sagt er í húsi Guðs verður
eftir í húsi Guðs.
Í því snarast Garðar Thór inn úr dyr-
unum. Hann er líka faðmaður í bak og
fyrir. Ætli hann sé að norðan?
Tenórarnir þrír byrja að blaða í nótum
á flyglinum og Gissur Páll tilkynnir að
hann muni taka þetta lag og hitt.
„Þarna sérðu,“ segir Kristján við Garð-
ar Thór. „Hann er búinn að velja alla
feitustu bitana handa sér. Við tökum svo
restina.“
Hann hlær.
Tenórarnir og píanistinn kasta á milli
sín hugmyndum að lögum. Kristján tekur
tóndæmi. „Þetta er upplagt. Ég syng það
upp á A í lokin. Þú skalt bara reyna það
sjálfur, drengur minn,“ segir hann við
Gissur Pál og rekur honum í leiðinni
kinnhest. Í bókum Kristjáns kallast það
örugglega að klappa honum á kinnina –
blíðlega. Svona vinarhót. En þaðan sem
við Golli stöndum er þetta bara kinn-
hestur. „Hver vill gera Caruso?“ spyr
Gissur Páll.
„Það er svolítið hans,“ svarar Jónas
Þórir og klappar á öxlina á Garðari
Thór.
„Já, Il grande Caruso,“ segir Kristján
dreyminn. „Fer ekki að koma Il grande
Jóhannsson? Hvað er eiginlega í gangi?“
Segðu!
Þetta yrði bomba fyrir þig?
„Má ekki hafa smá húmor í þessu?“ spyr
Jónas og byrjar að spila og syngja lag á
dönsku.
„Kemur nú Norðmaðurinn upp í hon-
um,“ segir Kristján og hristir höfuðið.
„Hvað finnst ykkur?“ spyr Jónas að
flutningi loknum.
„Ég ætla ekki að tjá mig – fyrst það
eru blaðamenn hérna,“ segir Gissur Páll.
Þeir hlæja allir.
Nú rennir Kristján í Ti Voglio Tanto
Bene úr hinni víðfeðmu söngbók Ítala.
Syngur sérstaklega fyrir Garðar Thór.
„Ha, þekkirðu þetta ekki? Þetta yrði
bomba fyrir þig!“
Efnisskráin er smám saman að skríða
saman. Bara Hamraborgin eftir. Það
verður minnsta málið. „Við getum allir
sungið hana,“ segir Kristján.
Það er bara ein dagsetning sem stend-
ur út af borðinu, 12. júní. Þá verða
Kristján og Jónas nefnilega fyrir norðan.
Hvað er að gerast þar?
„Þá verður stærsta bifreiðaverkstæði á
landinu opnað. Við megum ekki missa af
því,“ svarar Kristján að bragði.
„Landinu?“ hnussar í Gissuri Páli.
„Meinarðu ekki stærsta bifreiðaverkstæði
í heimi?“
Nú er Il grande skemmt.
Veisla í mat og söng
Svo við komum okkur að efninu þá
stendur fyrir dyrum söngdagskrá með
þátttöku þessara fjögurra manna á
Björtuloftum, veislusal Hörpu, í sumar –
í bland við dýrindis kvöldverð. Dagskráin
er ekki síst hugsuð fyrir erlenda ferða-
menn en vér mörlandar erum vitaskuld
velkomnir líka – alla vega Akureyringar!
Fyrirhugað er að byrja fyrri partinn í
júní en nákvæmar dagsetningar verða
kynntar síðar.
Gissur Páll og Garðar Thór upplýsa að
hugmyndin sé runnin undan rifjum
bræðranna Einars Bárðarsonar, forstöðu-
manns Höfuðborgarstofu, og Arngríms
Fannars Haraldssonar, verkefnastjóra
tónlistarsviðs Hörpu, og eiginkonu þess
síðarnefnda, Yesmine Olsson.
Fimm rétta kvöldmatur verður borinn
fram á þessum kvöldum af landsliðs-
kokkum veitingastaðarins Kolabraut-
arinnar í Hörpu. „Við verðum með það
allra besta af því sem íslensk náttúra
Hvers vegna
ertu í náttbux-
unum, frændi?
TENÓRSÖNGVARARNIR KRISTJÁN JÓHANNSSON, GARÐAR THÓR
CORTES OG GISSUR PÁLL GISSURARSON SLÁ UPP SÖNG- OG MAT-
ARVEISLU Á BJÖRTULOFTUM Í HÖRPU Í SUMAR. Á EFNISSKRÁ VERÐA
PERLUR ÚR ÝMSUM ÁTTUM OG KRISTJÁN SEGIR SPOSKUR AÐ VERÐI
PILTARNIR ÞÆGIR FÁI ÞEIR EF TIL VILL AÐ SYNGJA MEÐ HONUM.
Texti: Orri Páll Ormarsson orri@mbl.is
Myndir: Kjartan Þorbjörnsson golli@mbl.is
Viðtal
48 MORGUNBLAÐIÐ SUNNUDAGUR 1.6. 2014