Morgunblaðið - Sunnudagur - 13.07.2014, Blaðsíða 4

4 MORGUNBLAÐIÐ SUNNUDAGUR 13.7. 2014
Það getur dregið dilk á eftir sér að hlíta ekki fyrirmælum lögreglu. Þeir
sem fóru yfir borða lögreglu í Skeifunni, sem settur var upp til að
tryggja vinnufrið slökkviliðs, brutu strangt til tekið gegn lögreglulögum
nr. 90/1996.
Í 19.grein þeirra laga segir orðrétt:
„Almenningi er skylt að hlýða fyrirmælum sem lögreglan gefur, svo
sem vegna umferðarstjórnar eða til þess að halda uppi lögum og reglu
á almannafæri.“
Í 41. grein laganna er fjallað um refsingu og segir þar að brot gegn 19.
grein laganna varði fésektum, nema þyngri refsing liggi við samkvæmt
öðrum lögum. Í fyrirmælum ríkissaksóknara frá árinu 2009 segir enn-
fremur: „Brot gegn 19. gr. lögreglulaga, fyrirmælum lögreglu ekki hlýtt.
Sekt ákvarðast eftir eðli og umfangi brota kr. 10.000 - 500.000.“
T
öluverð hætta skapaðist
í stórbrunanum í Skeif-
unni í vikunni vegna
sprengihættu, eldglær-
inga og hættulegra efna
sem spýttust út í andrúmsloftið. Til
að tryggja öryggi þeirra sem komu
til að verða vitni að brunanum setti
lögreglan upp borða, gulan að lit,
sem á stendur; AÐGANGUR
BANNAÐUR – LÖGREGLAN.
Fjölmargir virtu hins vegar ekki
lokanirnar og
gengu yfir eða
undir borðann eins
og ekkert væri
sjálfsagðara. Voru
þetta bæði full-
orðnir og börn.
Ágúst Svansson,
aðalvarðstjóri hjá
lögreglunni á
höfuðborgarsvæðinu, hefur marg-
sinnis starfað á viðlíka vettvangi þar
sem loka þarf tilteknum svæðum
vegna hættuástands.
Lokanir í samráði
við slökkvilið
„Eins og menn sáu var þetta mikið
umfang þarna í Skeifunni og ómeð-
vitað dregst fólk að þessu. Þegar
svona stór vettvangur er, eins og
þessi bruni var, er nóg að gera fyrir
alla að tryggja vinnufrið og öryggi á
staðnum. Þetta er lokaður vett-
vangur og þegar lögreglan setur
upp borða, þá er aðgangur bann-
aður.
Við veitum slökkviliðinu ákveðið
svigrúm til að vinna vinnuna sína
með svokölluðum innri og ytri lok-
unum.
Ytri lokanir eru svæði sem við
viljum ekki fá fólk inn á en al-
gjörlega blátt bann er við því að
fara á innra svæðið nema með sér-
stöku leyfi,“ segir Ágúst.
Fólk sem á myndum frá Skeifu-
brunanum sást fara yfir eða undir
lögregluborðann virti ekki svokall-
aða ytri lokun en engin dæmi eru
um að vegfarendur færu inn fyrir
innri lokun.
Ekkert einsdæmi
Þetta er ekki í fyrsta sinn sem
fréttir eru sagðar af fólki sem finnst
að lögregluborðinn eigi hreinlega
ekki við um sig. Í desember 2012
varð bruni á Laugavegi og í fréttum
eftir brunann sást fólk smeygja sér
undir borða lögreglunnar og hlaupa
framhjá slökkviliðsmönnum að
störfum og brennandi húsinu. Á
Facebook-síðu lögreglunnar eftir
þann bruna sagði: „Lögreglumenn
sem gættu vettvangs á Laugavegi
þegar aðgerðir stóðu sem hæst
vegna bruna í fjölbýlishúsi, við
björgun fólks og verðmæta, mættu
undarlegu viðmóti vegfarenda. Þrátt
fyrir skýr merki með lokunarborð-
um lögreglu „AÐGANGUR BANN-
AÐUR – LÖGREGLAN“ sáu
margir sig knúna til að klofa yfir
eða skríða undir lokunarborða.“
Ágúst segir að þótt það sé ekkert
einsdæmi að fólk virði ekki lög-
regluborðann taki flestir beinum til-
mælum vel og hlýði lögreglunni,
þótt sumir þurfi nokkrar áminn-
ingar. „Við höfum líka lent í svip-
aðri hegðun varðandi umferðarslys.
En það er alveg ljóst að lögreglan
er ekki að leggja bíl á miðjum vegi
með blikkandi ljós bara til að leika
sér. Það er tilgangur með þessu og
hann er að tryggja ákveðinn vett-
vang, tryggja öryggi, bæði þeirra
sem eru að vinna á vettvangi og
þeirra sem koma á vettvang og eru
utan hans.
Maður veit ekki alveg hvernig
það stendur á þessu. Fólki finnst
þetta bara í lagi af einhverjum or-
sökum. Það hugsar kannski með
sér; „Ef þessi má fara þarna þá má
ég það líka.“ Auðvitað getum við
farið út í handtökur ef fólk er ekki
að hlýða fyrirmælum lögreglu en
við reynum að gera þetta í sátt og
samlyndi við fólk,“ segir Ágúst.
Lögreglan getur sektað fólk fari
vegfarendur ekki eftir fyrirmælum
lögreglu og hefur það komið fyrir -
það er þó mjög sjaldgæft.
Þótt flestir hafi hlýtt
fyrirmælum og haldið sig
utan við borða lögregl-
unnar voru einhverjir
sem vildu komast nær.
Morgunblaðið/Þórður
Vegfarendur virtu ekki
vinnufrið slökkviliðsins
Í STÓRBRUNANUM Í SKEIFUNNI Í VIKUNNI VAR TÖLUVERT UM AÐ FÓLK HUNSAÐI LÖGREGLUBORÐA SEM VAR BÚIÐ AÐ STRENGJA Í KRINGUM
VINNUSVÆÐI SLÖKKVILIÐSINS. MYNDBAND SEM SETT VAR INN Á FACEBOOK SÝNDI FÓLK, UNGA SEM ALDNA, FARA YFIR BORÐANN EINS OG
HANN HREINLEGA VÆRI EKKI ÞAR. SEKT FYRIR AÐ FARA EKKI EFTIR FYRIRMÆLUM LÖGREGLU GETUR NUMIÐ ALLT AÐ HÁLFRI MILLJÓN KRÓNA.
#skeifubruni varð vinsælt á Twitter, Instagram og Facebook kvöldið sem
bruninn varð enda fólk duglegt að taka myndir af sér með eldinn í baksýn.
Það þurfti að loka stórum hluta Skeif-
unnar vegna sprengihættu.
Morgunblaðið/Styrmir Kári
„Lögreglan sýndi þolinmæði en þó þurftu þeir að byrsta sig við nokkra sem
stóðu sem fastast, beinandi snjallsímunum í átt að eldinum,“ sagði í frétt mbl.is.
Ágúst Svansson
FÉSEKT FYRIR AÐ FYLGJA EKKI FYRIRMÆLUM
Myndband sem Óttar Guðlaugsson birti á Facebook fékk mikla at-
hygli þar sem börn og fullorðnir virtu lögregluborðann að vettugi.
* Þetta er lokaður vettvangur og þegar lögreglansetur upp borða, þá er aðgangur bannaður.Ágúst Svansson, aðalvarðstjóri.ÞjóðmálBENEDIKT BÓAS
benedikt@mbl.is