Morgunblaðið - Sunnudagur - 13.07.2014, Blaðsíða 48

48 MORGUNBLAÐIÐ SUNNUDAGUR 13.7. 2014
Blóðheitar ástríður Suður-Ameríku og Evr-
ópu verða túlkaðar á tvennum sumartón-
leikum við Mývatn nú um helgina en þeir eru
á dagskrá hinnar árlegu sumartónleikaraðar.
Fyrri tónleikarnir eru í Reykjahlíðarkirkju
á laugardagskvöld og hefjast klukkan 21 en
þeir seinni í Skútustaðakirkju klukkan 21 á
sunnudagskvöld.
Flytjendur eru þau Hlín Péturdóttir Behr-
ens sópran, Pamela de Sensi flautuleikari og
gítarleikarinn Páll Eyjólfsson. Þau flytja þekkt
meistaraverk fyrir sópran, flautu og gítar frá
Ítalíu, Frakklandi, Púertó Ríkó, Brasilíu og
Argentínu. Einnig verður frumflutt verkið
Gala eftir Steingrím Þórhallsson, tónskáld og
organista Neskirkju. Listrænn stjórnandi há-
tíðarinnar er Margrét Bóasdóttir.
TÓNLEIKAR VIÐ MÝVATN
HEITAR ÁSTRÍÐUR
Pamela de Sensi og Páll Eyjólfsson koma fram
ásamt söngkonunni Hlín Pétursdóttur Behrens.
Chrissie Thelma Guðmundsdóttir og Glódís
Margrét Guðmundsdóttir leika í Strandarkirkju.
Tónlistarhátíðin Englar og menn hófst í
Strandarkirkju í Selvogi um liðna helgi og
boðið er upp á tónleika alla laugardaga í júlí. Í
dag 12. júlí kl. 14 koma Chrissie Thelma
Guðmundsdóttir fiðluleikari og Glódís Mar-
grét Guðmundsdóttir píanóleikari fram und-
ir yfirskriftinni „Romanza“. Á efnisskrá
þeirra eru hugljúf verk eftir meðal annars
Sigvalda Kaldalóns, Ragnheiði Erlu Björns-
dóttur, Schubert, Brahms, Chopin, Beethov-
en, Sarasate og Monti.
Markmið hátíðarinnar í Strandarkirkju er
að bjóða upp á lifandi og vandaða tónlistar-
viðburði á hinum sögufræga stað og auðga
um leið tónlistarlíf á Suðurlandi.
HÁTÍÐ Í STRANDARKIRKJU
ROMANZA
Hafdís Huld og gítarleik-
arinn Alisdair Wright
koma fram á stofutópn-
leikum á Gljúfrasteini á
sunnudag og hefjast þeir
klukkan 16. Þau hyggjast
flytja lög af nýjustu sóló-
plötu Hafdísar, Home, í
bland við eldra efni sem
hún hefur hljóðritað og
flutt.
Hafdís Huld hóf tónlistarferil sinn ung að
árum með tónlistarhópnum Gus Gus og
gerði með honum tvær plötur. Árið 2006 út-
skrifaðist hún úr tónlistarnámi við The Lond-
on Centre of Contemporary Music í Bret-
landi og hefur síðan einbeitt sér að sólóferli.
Það sama ár kom út hennar fyrsta plata,
Dirty Paper Cup, og Synchronised Swimm-
ers árið 2009. Einnig hefur hún gefið út tvær
barnaplötur, Engla í ullarsokkum og Vöggu-
vísur.
HAFDÍS HULD Á GLJÚFRASTEINI
LÖG AF HOME
Hafdís Huld
Íslenski safnadagurinn er haldinn hátíðlegur á sunnudaginn 13.júlí. Fjöldi safna um land allt tekur þátt í deginum og bjóðamörg hver upp á sérstaka dagskrá í tilefni hans.
Íslenski safnadagurinn var fyrst haldinn árið 1997 að frumkvæði
starfsfólks á söfnum. Markmiðið með deginum er að benda á mikil-
vægi faglegrar varðveislu og miðlunar sameiginlegra verðmæta
þjóðarinnar og þá einstöku leið til lifandi þekkingaröflunar og
skemmtunar sem finna má á söfnum.
Að venju kennir ýmissa grasa í söfnum sem taka þátt. Sem dæmi
má nefna að í Hafnarborg, sem tilnefnd var til Íslensku safnaverð-
launanna í ár, er boðið upp á fjölskylduleiðsögn um sýninguna Um-
merki sköpunar í fylgd listamanna; í Þjóðminjasafninu, sem einnig
var tilnefnt til Íslensku safnaverðlaunanna nú, eru leiðsagnir um
grunnsýninguna; í Listasafni Einars Jónssonar býður starfsfólk
safnsins gestum í samtal um valdar styttur á safninu; á Gljúfrasteini
eru tónleikar; í Menningarmiðstöð Þingeyinga er aldarafmælissýning
Héraðssambands Þingeyinga og farandsýning Þjóðminjasafnsins,
Snertið ekki jörðina – leikir 10 ára barna, og í Norska húsinu í
Stykkishólmi er sýningin Pixlaður tími … svo fátt eitt sé nefnt.
Frekari upplýsingar má sjá á vefnum www.safnmenn.is
ÍSLENSKI SAFNADAGURINN Á SUNNUDAG
Sameiginleg
verðmæti
„Tjaldkonan“ eftir Gjörningaklúbbinn er eitt verkanna á sýningunni
„Þín samsetta sjón“ í Listasafni Reykjavíkur – Hafnarhúsi.
Í Ljósmyndasafni Reykjavíkur er yfirlitssýningin „Spegill lífsins“ með
ljósmyndum eftir Ragnar Axelsson frá síðustu áratugum.
Morgunblaðið/Árni Sæberg
Á ÍSLENSKA SAFNADEGINUM ER BENT Á MIKILVÆGI
FAGLEGRAR VARÐVEISLU OG ÞÁ LIFANDI ÞEKKINGAR-
ÖFLUN OG SKEMMTUN SEM SÖFN BJÓÐA UPP Á.
Menning
V
iðamikil alþjóðleg myndlistar-
sýning, Rúllandi snjóbolti/5,
Djúpivogur, verður opnuð í dag,
laugardag, klukkan 15 í Bræðsl-
unni á Djúpavogi, en fiskimjöls-
verksmiðjan hefur skipt um hlutverk og þar
er nú vandaður sýningarsalur. Alls eiga 33
listamenn, íslenskir, kínverskir og frá Evrópu,
verk á sýningunni, sem er skipulögð af Chi-
nese European Art Center (CEAC).
Sýningin er samvinnuverkefni Djúpavogs-
hrepps og CEAC, en þessi kínversk-evrópska
menningarmiðstöð, sem hefur höfuðstöðvar í
borginni Xiamen í Kína, hefur staðið fyrir
mörgum stórum sýningum þar í landi en Ís-
land er fyrsta landið utan Kína þar sem stofn-
unin stendur fyrir sýningu. CEAC er sjálfs-
eignarstofnun sem var hleypt af stokkunum
árið 1999 af Ineke Gudmundsson með stuðn-
ingi eiginmanns hennar, Sigurðar Guðmunds-
sonar, myndlistarmanns og rithöfundar. Þau
hjón eiga hús á Djúpavogi, þar sem þau
dvelja iðulega á sumrin, og þar er að finna
vísi að þessu metnaðarfulla sýningarverkefni.
„Hugmyndin að sýningunni kom upp fyrir
rúmu ári þegar við Ineke vorum hér á Djúpa-
vogi,“ segir Sigurður, sem er einn sýnend-
anna. Aðrir íslenskir listamenn sem taka þátt
eru Kristján bróðir hans, Ragnar Kjartans-
son, Hrafnkell Sigurðsson, Sara Riel, Þór
Vigfússon, Árni Guðmundsson, Rúrí, Erró og
Ragna Róbertsdóttir.
„CEAK er afskaplega flott stofnun sem
stuðlar að menningarsamskiptum milli
Evrópulanda og Kína. Fjöldi fólks kemur að
starfseminni og er deild frá henni starfrækt í
Hollandi,“ segir Sigurður og bætir við að allir
listamennirnir sem þau hafi leitað til um þátt-
töku á þessari sýningu, sem starfa flestir á al-
þjóðlegum vettvangi, hafi strax samþykkt að
taka þátt. Þeir sem eigi heimangengt muni
vera viðstaddir opnunina í dag. Þá kemur út
vegleg litprentuð sýningarskrá á íslensku, kín-
versku og ensku. „Hópur fólks hefur legið yfir
þessu verkefni í nokkra mánuði og nú eru
verkin að koma upp á veggi og gólf hér á
Djúpavogi,“ segir hann. En hvers vegna að
setja upp sýningu sem þessa á Austfjörðum, á
Djúpavogi?
„Við Ineke eigum hér hús, sem við byggð-
um að hálfu leyti, og höfum komið hingað í
fjölmörg ár og kynnst fólkinu. Ineke fékk
þessa hugmynd með Gauta Jóhannessyni
sveitarstjóra og síðan var gengið hreint til
verks. Við gengum í að finna listamenn og á
ferðum mínum til Evrópu frá Kína hef ég sel-
flutt verk, til að draga úr kostnaði við
sýningarhaldið, á sama tíma og Djúpavogs-
hreppur byggði afskaplega fínan sýningarsal í
Bræðslunni. Þessi sýning er mikill menningar-
viðburður, það er óhætt að segja, enda marg-
reynt og fínt fólk sem sýnir.“
Hann bætir við að hluti af framkvæmdinni
sé gestavinnustofa þar sem tvær hollenskar
listakonur starfa nú í tvo mánuði. „Og allt er
þetta til frambúðar, enda kjöraðstæður til að
setja upp sýningu sem þessa. Aðstaðan er
eins og best verður í öðrum borgum og lönd-
um. Þegar CEAC setur upp sýningar í öðrum
borgum en Xiamen er það alltaf undir yfir-
skriftinni Rúllandi snjóbolti. Þetta er í fimmta
skipti sem það er gert. Næstu sýningar hér
verða mögulega Rúllandi snjóboltar 7 og 8,
með undirtitlum, því eins og ég segi eru sýn-
ingarnar til frambúðar. Það er klárt mál,“
segir Sigurður ákveðinn.
Meiriháttar listviðburður
Gauti sveitarstjóri segir hugmyndin að sýn-
ingunni upphaflega vera hugmynd hjónanna,
Ineke og Sigurðar, en sveitarfélagið hafi átt
við þau afskaplega mikil og góð samskipti
ALÞJÓÐLEG MYNDLISTARSÝNING, RÚLLANDI SNJÓBOLTI/5, DJÚPIVOGUR, VERÐUR OPNUÐ Í DAG
„Þessi sýning er mikill
menningarviðburður“
SVEITARSTJÓRINN Á DJÚPAVOGI FAGNAR ÞVÍ AÐ ÓLÍKIR MENNINGARSTRAUMAR SKULI ENN MÆTAST
Í ÞORPINU. „ALLT ER ÞETTA KOMIÐ TIL AÐ VERA, ENDA KJÖRAÐSTÆÐUR TIL AÐ SETJA UPP SÝNINGU SEM
ÞESSA,“ SEGIR SIGURÐUR GUÐMUNDSSON MYNDLISTARMAÐUR, EINN AÐSTANDENDA SÝNINGARINNAR.
Einar Falur Ingólfsson efi@mbl.is
Ragna Róbertsdóttir er meðal íslensku mynd-
listamannanna sem taka þátt í sýningunni.
Þór Vigfússon setur verk sitt upp í nýja
sýningarrýminu í Bræðslunni á Djúpavogi.