Morgunblaðið - Sunnudagur - 13.07.2014, Blaðsíða 28

G
amla vegasjoppan við mót Snæfellsnes-
vegar og Vatnaleiðar í Miklaholtshreppi á
Snæfellsnesi var gædd nýju lífi þegar Sig-
rún Erla Eyjólfsdóttir og eiginmaður
hennar Gabríel Franch komu inn í reksturinn sem er
í eigu foreldra Sigrúnar, Hrefnu Birkisdóttur og Eyj-
ólfs Gísla Garðarssonar. „Eftir að við komum heim
frá Barcelona í fyrra ákváðum við að koma inn í
reksturinn ásamt foreldrum mínum. Breytingar urðu
á rekstrinum 3. apríl 2014 en þá opnuðum við hótel
og breyttum gömlu vegasjoppunni í alvöru veitinga-
og kaffihús. Í dag heitir staðurinn Rjúkandi og er vel
staðstettur nærri helstu stöðum á Snæfellsnesi,“ segir
Sigrún, sem leggur mikið upp úr því að nota
gæðahráefni úr sveitinni í kring.
„Það sem við höfum upp á að bjóða er góður matur
og okkar mottó er að vinna með eðalhráefni, beint frá
bónda. Við erum í samstarfi við fólkið í kringum okk-
ur með að fá úrvalshráefni og vinnum mikið með það
sem hægt er að fá hér í héraði. Við bjóðum því upp á
ferskt og gott íslenskt hráefni sem er eldað í Miðjarð-
arhafsstíl enda með snilldarkokk frá Barcelona.“
Vinsælasti réttur staðarins að sögn Sigrúnar
er fiskisúpa Rjúkandi; úr skarkola og þorski,
tómötum, papriku, fersku chili, engifer, kókos-
mjólk og rjóma. Síðan er hún borin fram með
nætursöltuðum þorski, hver getur staðist slíka
freistingu? „Einnig erum við með grillað lamba-
kjöt; þorsk úr Breiðafirðinum borinn fram með
sætum kartöflum og Miðjarðarhafsdressingu;
vistvænt ræktað salat frá ræktunarstöðinni Lága-
felli og fleira.“
Á kaffihúsinu má svo finna eitt besta kaffi
landsins og mætti halda að það kæmi beint úr
kaffivélunum í Barcelona. Kaffið í bland við kök-
urnar gerir það vel þess virði að líta inn á Rjúk-
anda. „Við bjóðum upp á heimabakaðar kökur
sem mamma bakar og amma, þannig að allar
kökur eru bakaðar af ástríðu. Á kaffihúsinu er-
um við einnig með smurt brauð og leggjum
mikla áherslu á að hafa allt ferskt og gott. Við
erum með alvöru espresso-kaffivél þannig að við
bjóðum upp á eðalkaffi sem viðskiptavinurinn er
mjög ánægður með.“
HEIMABAKAÐAR KÖKUR, KAFFI OG SUÐUREVRÓPSKIR RÉTTIR
Miðjarðar-
hafsstemning
á Snæfellsnesi
Í GAMALLI VEGASJOPPU Á SNÆFELLSNESI ER NÚ RISIÐ HÓTELIÐ, VEITINGASTAÐURINN
OG KAFFIHÚSIÐ RJÚKANDI. ÞAR ER BOÐIÐ UPP Á EÐALKAFFI, MIÐJARÐARHAFSRÉTTI
ÚR ÍSLENSKU HRÁEFNI OG HEIMABAKAÐAR KÖKUR ÚR SVEITINNI.
Vilhjálmur A. Kjartansson vilhjalmur@mbl.is
KAKAN
4 egg
2 dl sykur
200 g suðusúkkulaði
200 g smjör
1 dl hveiti
SÚKKULAÐIBRÁÐ
150 g 70% suðusúkkulaði
70 g smjör
2 msk agavesíróp
Bræðið smjör og súkkulaði saman
yfir vatnsbaði. Þeytið saman egg og
sykur. Blandið súkkulaðiblöndunni
saman við eggjablönduna og bætið
hveitinu varlega saman við.
26 cm hringlaga form er smurt og
klætt með bökunarpappír og deigið
sett í.
Bakað við 170°C í 27 mín.
Kakan er tekin úr forminu og sett á
disk og kæld í 1 klst. Þá er súkku-
laðibráðinni smurt á. Gott er að bera
fram ís eða rjóma með kökunni.
Frönsk Jules
Verne-súkku-
laðikaka
Girnilegir réttir af mat-
seðli Rjúkandi en þar er
að finna kökur, kaffi og
Miðjarðarhafsrétti úr
íslensku hráefni.
Matur
og drykkir
Kaffi og te fyrir hjartað
Morgunblaðið/Styrmir Kári
*Árið 2010 var birt rannsókn í Journal of the Am-erican Heart Association um neyslu tes og kaffis.Þar kom fram að nokkrir bollar af te á dag drægjuúr líkum á hjartasjúkdómum. Rannsóknin, sem erhollensk, komst einnig að þeirri niðurstöðu aðtveir kaffibollar á dag gætu dregið úr líkum áhjartasjúkdómum um tuttugu prósent. Reykingar
og hreyfingarleysi ásamt kaffi- og tedrykkju geta
þó eytt öllum ávinningi af drykkjunni.