Morgunblaðið - Sunnudagur - 13.07.2014, Blaðsíða 32

Æfingamælum fjölgar enn á markaði og fyrir
stuttu kynnti Samsung slíkan mæli, Samsung
Gear Fit, sem er, eins og nafnið gefur til kynna,
náskylt Samsung Gear-snjallúrunum, en öllu
nettara og ætlað fyrir annars konar notkun.
Eðli málsins samkvæmt er skjárinn lítill, ekki
nema 1,84“ og upplausnin 128x432 pixel.
Skjárinn er bogalaga og mælirinn fellur því vel
að úlnliðnum. Eins og getið er tekur mælirinn
við boðum frá símanum ef hringt er í hann og
hægt að svara með sms eða hafna símtali. Því
til viðbótar er í mælinum púlsmælir, sem virk-
ar merkilega vel, skrefamælir, æfingaforrit fyrir
kraftgöngu eða hlaup, en líka hægt að velja
stillingar fyrir hjólreiðar og fjallgöngur. Líka er
hægt að nota tækið sem svefnmæli.
Við prófanir virkaði tækið eins og til stóð,
sáraeinfalt að taka það í notkun, aðeins þurfti
að sækja viðeigandi hugbúnað í símann og
fljótlegt að tengjast. Mér fannst það líka
fara vel á hendi, fann lítið sem ekkert fyr-
ir því, en fer kannski eftir sverleika úln-
liðs.
Skjárinn á Gear Fit er frábær, ótrúlega
bjartur og skemmtilegur boginn AMO-
LED-skjár, en skýrir rafhlöðuendinguna
því samkvæmt Samsung á rafhlaða að
endast í þrjá til fjóra daga og jafnvel leng-
ur eftir notkun, sem er ekki mikið ef litið
er til æfingamæla almennt. Það er hægt
að stilla hann svo að tækið takið ekki við
símtölum, sem eykur endinguna umtals-
vert, þ.e. ef það er mikið símastúss á annað
borð. Sjálfur mælirinn, að slepptu armbandi,
er 23,4x57,4x11,95 mm og 27 grömm.
Rétt er að taka það fram að Samsung Gear
Fit virkar bara með Samsung-símum. Samsung
Gear Fit kostar 39.990 kr. í netverslun Nova.
ÆFINGAMÆLIR FRÁ SAMSUNG
Mælir með bognum skjá
Græjur
og tækni
Harley á rafmagnsmarkaðinn
Los Angeles Times
*Mótorhjólaframleiðandinn Harley Davidsson hefur kynnt raf-magnsmótorhjólið sitt LiveWire sem á að koma á götur heims-ins á næsta ári. Þetta verður í fyrsta sinn sem Harleyhljóðið mun ekki heyrast í hjólum frá fyr-irtækinu. Time tímaritið birti fyrstumyndina af hjólinu í júní tölublaðinusínu. Samkvæmt umfjöllun tímaritsins
mun hjólið komast í 100 kílómetra
hraða á undir fjórum sekúndum.
Það er ekki mikið mál að byrja að hjóla og þarf ekki flók-inn eða dýran búnað. Hægt er að kaupa þokkaleg hjól áþokkalegu verði og er fljótt að borga sig að hjóla í vinnu
eða skóla, hvort sem það er metið í minni eldsneytiskostnaði
eða meira heilbrigði. Fljótlega langar flesta, ef þeir fá hjóla-
bakteríuna á annað borð, að græja sig aðeins upp, fá sér betra
hjól með betri búnaði, smellupedala og -skó, sérstakan hjóla-
fatnað og svo er það allt hitt – ljós og mælar og myndavélar.
Garmin hefur verið í fararbroddi í GPS-tækni lengur en
elstu menn muna og heldur enn velli og vel það þótt komnar
séu GPS-flögur í alla farsíma. Garmin selur þó ekki bara
GPS-tæki fyrir göngufólk og bíla heldur eru þau fáanleg í
óteljandi stærðum og útfærslum fyrir mismunandi notkun,
hvort sem það er fyrir mótorhjól,
flugvélar, sundæfingar, golfara eða
siglingar. Í þeirri fjölbreyttu flóru
er Garmin Edge 1000 hjólatölvan,
sem kom á markað fyrir stuttu.
Ég hef áður fjallað um Garmin-
hjólatölvu á þessum stað, Garmin
Edge 810, en þó að græjurnar séu
áþekkar að mörgu leyti (og ég
mæli hiklaust með Edge 810 sem
enn er fáanleg) hefur 1000-týpan
umtalsvert fram yfir forverann og ekki bara það að hún er
með mun stærri skjá.
Edge 1000 kostar 89.900 kr. en pakki með hjólatölvunni og
ýmsum mælum kostar 98.900 kr. Skynsamlegast finnst mér að
kaupa eina með öllu, enda eru í pakkanum þá hjólatölvan
sjálf, púlsmælir og ól til að spenna um bringuna, hraðamælir
og snúningshraðamælir (cadence-mælir). Síðastnefnda fyrir-
bærið hljómar kannski ekki forvitnilegt við fyrstu sýn en er
að mínu viti einn helsti kosturinn við pakkann.
Málið er nefnilega það að framan af hjólaæðinu keppast
menn sem mest við hraða og þá skiptir öllu að vera með
hraðamæli, en átta sig svo á að fleira skiptir máli, þar á meðal
snúningshraðinn, sem skiptir verulegu máli, enda gefur rétti
snúningshraðinn besta orkunýtingu og því mesta úthaldið,
aukinheldur sem hann minnkar líkurnar á álagsmeiðslum.
Skjárinn á Edge 1000 er ekki bara stærri en á fyrri gerð-
um, það er líka önnur tækni á bak við hann sem gerir hann
nákvæmari en líka ónákvæmari, ef svo má segja. Skjárinn á
Edge 810 var áþekkur því sem tíðkaðist á fyrstu gerðum
snertiskjáa, þ.e. þunnt lag ofan á
skjánum en skjárinn sjálfur gaf eftir,
en skjárinn á Edge 1000 byggir á raf-
þéttum sem skynja yfirborðsspennu.
Slíkir skjáir, sem eru almennt notaðir
á farsíma og spjaldtölvur í dag, eru
nákvæmari og betri, en eðli málsins
samkvæmt er erfiðara að nota þá í vot-
viðri eða með hanska. Að því sögðu
virkaði Edge 1000-skjárinn mjög vel fannst
mér, nóg af rigningu til að prófa hann (varla þarf að taka
fram að græjan er vatnsþétt og höggvarin), og þó að ég væri
með hanska var auðvelt að velja allar helstu stillingar og
fletta á milli síðna. Birtustilling er líka sjálfvirk þannig að
skjárinn varð bjartari þegar hjólað var í gegnum undirgöng
og dofnaði svo sjálfkrafa.
Í græjunni eru innbyggð kort úr OpenStreetMap-
kortagrunninum, sem er býsna góður, en hingað til hefur
Garmin alla jafna stuðst við kort frá Navteq (sem Nokia
keypti fyrir nokkrum árum). Kortin eru alla jafna mjög góð,
væntanlega ekki eins góð á fáförnum slóðum, en með götum
og hjólastígum og geymd er í tækinu svo að ekki þarf net- eða
símasamband til að átta sig á því hvar maður er staddur eða
hvert á að halda. Maður getur líka sótt sér leiðir á tcx-sniði
og sett inn, til að mynda á vefsíður eins og Ride with GPS eða
Map My Ride, en þar má finna aragrúa af hjólaferðum um
allan heim.
Skemmtileg viðbót er að geta slegið inn hversu langur túr-
inn á að vera og tækið leggur til þrjá mismunandi hjólahringi
eftir því hvar maður er staddur og gefur að auki ýmsar upp-
lýsingar um leiðirnar eins og hækkun og viðlíka. Einnig er
hægt að setja inn ferð með viðkomustöðum, þ.e. ekki bara
með upphafs- og endapunkti.
Hægt er að senda upplýsingar úr tæk-
inu í gegnum þráðlaust net eða USB-
snúru og svo getur hún líka talað við far-
síma með Bluetooth og þannig til að mynda
leyft áhugasömum að fylgjast með hvar
maður er staddur hverju sinni.
Eins og Garmin er siður er sáraein-
falt að setja mælana á, það þurfti
reyndar smá lagni við að spenna hraða-
mælinn á nöfina á afturhjólinu, enda
erfitt að athafna sig inni á milli tein-
anna á afturhjólinu (hægt er að hafa
mælinn á framhjólinu en nákvæmara að
hafa hann að aftan), en mjög fljótlegt að festa snúnings-
hraðamælinn á sveifina (pedalann) – þurfti bara að velja rétta
stærð af teygju. Það er líka auðvelt að festa mælinn á stýrið
með teygjukerfinu sem Garmin hefur stuðst við um hríð, en
líka fylgir með armur sem hægt er að festa tækið á ef þörf
krefur.
Þó að lykilatriði við Edge 1000 sé auðvitað GPS-tæknin er
líka hægt að nota það innan dyra, til að mynda á æfingahjól-
inu heima. Þá er auðvitað slökkt á GPS en allt annað í gangi,
púls-, hraða- og snúningsmælir eftir því sem við á.
EIN MEÐ ÖLLU
FYRST KEMUR HJÓLIÐ, SVO HJÓLAFÖTIN
OG SVO ALLT HITT, ÞAR Á MEÐAL HJÓLA-
TÖLVA EINS OG GARMIN EDGE 1000 SEM
GERIR KLEIFT AÐ SKRÁ HJÓLATÚRINN;
LEIÐINA, HRAÐANN, HÆKKUNINA, AFLIÐ,
PÚLSINN, SNÚINGSHRAÐANN, HITANN
OG REYNDAR NÁNAST HVAÐ SEM ER.
* Ekki er langt síðan Shimano kynnti rafeindaskiptinu fyrirreiðhjól, Di2, og þó Edge 1000 geti aðeins lesið upplýsingar
frá skiptingunni má gera ráð fyrir að hún, og fleiri reið-
hjólatölvur, muni geta stýrt henni í fyllingu tímans og þá er
maður kominn með sjálfskiptingu á hjólið sem getur til að
mynda haldið tilteknum snúningshraða eða átaki.
.
* Skjárinn er 3" og græjan öll 5,8x11,2x2,0 sm að stærðog 144 g að þyngd. Hægt er að hafa skjáinn ýmist lóðréttan
eða láréttan. Rafhlaðan endist að sögn allt að fimmtán tíma,
en fer væntanlega eftir stillingum og notkun.. Hægt er að
stilla birtu á skjánum eða hafa sjálfvirka birtustillingu.
* Ekki er bara hægt að senda gögn úr tæki í síma í gegn-um Bluetooth heldur getur tækið líka látið vita ef það er
hringt í símann og eins birt SMS, það er að segja ef síminn er
iPhone. Þessi viðbót er víst væntanleg fyrir Android-síma og
því gat ég ekki prófað hana, en notagildið er augljóst.
Græjan
ÁRNI
MATTHÍASSON