Morgunblaðið - Sunnudagur - 13.07.2014, Blaðsíða 16

S
tundum fær maður nóg af hinu við-
tekna og hefðbundna og þráir að
komast í snertingu við óvænta og
sérkennilega þætti tilverunnar. Þeir
sem þrá að komast í öðruvísi ferðalag í
sumar þurfa ekki að örvænta, valkostirnir
eru nánast óendanlegir. Hér á eftir fylgja
nokkur uppástungur að áfangastöðum sem
tilvalið er að heimsækja og athæfi sem
vafalaust felur í sér ánægjulega tilbreyt-
ingu frá hversdagslegum vana.
Stolt siglir fleyið mitt, sorpsjónum
á
Ferðalangar sem hafa ræktað með sér
efasemdir um að skella sér í siglingu um
Karíbahaf hafa alltaf þann möguleika til
vara að borga 10.000 bandaríkjadollara fyrir
að fá að sigla um Sorpreitinn mikla í
Kyrrahafi (e. The Great Pacific Garbage
Patch). Svæðið er á stærð við við Texas-ríki
og vegna kröftugra hafstrauma í Kyrrahafi
hefur safnast þar saman gríðarlegt magn af
plastrusli, efnaúrgangi og braki.
Dásamlegt frí á yfirgefnu geð-
sjúkrahúsi
Beechworth-geðsjúkrahúsið í Ástralíu er í
dag vinsæll áfangastaður ferðamanna sem
hafa áhuga á reimleikum og návist við
framliðna. Á heimasíðunni Salon.com kemur
fram að um 9.000 vistmenn hafi dáið þar
milli 1865-1995. Hægt er að panta sér her-
bergi á sjúkrahúsinu og fara í spennandi
draugatúra.
Einvera á Kýpur
Sumir vilja nota fríin sín til að vera með
sjálfum sér, núllstilla hugann og safna orku
eftir erfiða vinnutörn. Fyrir þá sem vilja
njóta einveru í kraftmeiri skilningi en að
vera einn á hótelherbergi ættu að íhuga að
heimsækja þorpið Varosha á Kýpur. Þorpið
var yfirgefin árið 1974 og þar hefur enginn
verið síðan.
Geimveruhöfuðborgin Roswell
Bærinn Roswell í Nýju-Mexíkó er að
sögn „geimveruhöfuðborg heimsins.“ Gestir
geta skellt sér á margvíslegar sýningar og
skemmtanir helgaðar lífi á öðrum hnöttum.
Area 51-safnið nýtur jafnframt mikilla vin-
sælda. Þá er haldin virt Sci-Fi-kvik-
myndahátíð þar í júlí.
Bjóddu gíraffa upp á drykk
Tilvalið er fyrir ferðamenn sem hafa
áhuga á að verja fríinu sínu í návist gír-
affa að panta sér herbergi á Giraffe Ma-
nor-hótelinu í Nairobi. Í grennd við hótelið
býr gíraffahjörð sem heimsækir gesti
kvölds og morgna. Gíraffarnir stinga höfð-
inu inn um opna glugga og óska eftir góð-
gæti.
Hauslausar dúkkur í trjám
„La isla de las Munecas“ eða „Dúkku-
eyjan“ suður af Mexíkó er milli tveggja
skurða og fram kemur á vefsíðu hennar að
eyjan sé tilteinkuð „minningu fátækrar
stúlku sem mætti örlögum sínum alltof
fljótt“. Á eyjunni hanga mörg hundruð
skelfilegar dúkkur, sem hafa verið af-
höfðaðar og limlestar, niður úr trjám. Óður
maður er sagður hafa komið þeim fyrir
þar.
AFP
VILJI FÓLK FARA Í ÓVENJULEG FRÍ ER HAFSJÓR AF MÖGULEIKUM Í BOÐI
Gerðu eitt-
hvað öðruvísi
í sumarfríinu
NÆTUR Á GEÐSJÚKRAHÚSI, GÍRAFFAHÓTEL OG SIGLING
UM SORPHAF ERU MEÐAL SÉRKENNILEGRA MÖGULEIKA
SEM HÆGT ER AÐ NÝTA FRÍTÍMANN Í.
Halldór A. Ásgeirsson haa@mbl.is
Ferðalög
og flakk
AFP
*Nýjum einkennisfatnaði flugfreyja- og þjónaVirgin Atlantic var fagnað með veglegri veisluí austurhluta Lundúna í vikunni. Hönnuðurfatnaðarins er engin önnur en VivienneWestwood. Eigandi Virgin, Richard Branson,lét hafa eftir sér að fatnaðurinn, sem er
rauður í stíl við vörumerki Virgin, væri „af-
skaplega heillandi“.
Hæ allir heima! Hér á Möltu er sól og blíða alla daga, gylltar strandir og tær
sjór. Fólkið er afslappað og vingjarnlegt og alltaf til í spjall á götum úti sem end-
urspeglast í afar hægu og óáreiðanlegu strætókerfi. Á sumrin er hér mikið um að
vera, því eyjarskeggjar halda bæjarhátíðir víðs vegar um eyjuna hverja helgi.
Hátíðunum fylgja mikil læti og flugeldasýningar, sem margar hverjar byrja eigi
síðar en kl. 6 á morgnana, því að sögn heimamanna er „ómögulegt að halda partí
án flugelda“. Enn sem komið er líkar mér dvölin á Möltu vel en hef þó rekið mig
á eitt vandamál: Ég veit aldrei hvort fólk er að tala saman eða rífast. Það er
áhugavert að fylgjast með Maltverjum og giska á hvort um samtal eða rifrildi sé
að ræða. Þegar ég er orðin sannfærð um að allt sé á suðupunkti með tilheyrandi
öskrum og handahreyfingum brýst allt út í hlátrasköllum og faðmlögum …
Sendi kveðjur heim í rigninguna! Lára Ósk Eggertsdóttir Claessen
Flugeldar kl. 6 að morgni
PÓSTKORT F
RÁ MÖLTU
Ströndin „Golden Beach“ á Möltu svíkur engan! St. Peter’s Pool er mjög falleg.
Valletta, höfuðborg Möltu.
Westwood hannar
fyrir Virgin