Morgunblaðið - Sunnudagur - 13.07.2014, Blaðsíða 22

22 MORGUNBLAÐIÐ SUNNUDAGUR 13.7. 2014
Heilsa og hreyfing
Sund er ein þeirra íþrótta sem flest okkar
geta stundað og er allt í senn holl hreyfing
sem reynir á flesta vöðva líkamanns og byggir
á mjúkum hreyfingum í vatni og dregur því úr
hættunni á meiðslum sem fylgja svo mörgum
íþróttum. Þá er fátt sem brennir hitaein-
ingum hraðar en sund. Hjólreiðar eru líka til-
valin leið til að fullnægja daglegri hreyfingu og
á meðalhraða er hægt að brenna allt að 490
kcal á klukkutíma, það fer þó vissulega eftir
aldrei og þyngd. Góður hálftíma göngutúr á
dag ætti að vera tilvalinn fyrir þá sem vilja
fara rólega af stað en mestu máli skiptir að
velja sér eitthvað sem hentar heilsu okkar og
áhuga. Það má vera fótbolti, fjallgöngur,
líkamsræktin, crossfit, fimleikar, dans eða
aðrar íþróttir. Munum bara að hreyfa okkur
að lágmarki hálftíma á dag.
Börn þurfa að hreyfa sig að minnstakosti klukkutíma á dag og fullorðnirað lágmarki hálftíma samkvæmt ráð-leggingum landlæknis. Þetta er til
viðbótar við þær venjulegu daglegu athafnir
sem við stundum. Hreyfingin þarf auk þess
að vera við miðlungs- eða mikla ákefð. Þegar
kemur að hreyfingu skiptir mestu máli að
finna sér eitthvað sem við höfum virkilega
gaman af og nennum að stunda reglulega.
Góður árangur næst sjaldan ef engin ánægja
er af hreyfingunni.
Flest hreyfing er góð en sumir treysta sér
ekki í mikil átök eða hreinlega nenna ekki of
miklum átökum. Góðu fréttirnar eru þær að
til er fjöldi íþrótta sem flestir ættu að geta
stundað án þess að vera í of miklum átökum
eða eiga á hættu að lenda í álagsmeiðslum.
HREYFUM OKKUR MINNST HÁLFTÍMA Á DAG
Hver er þín daglega hreyfing?
Göngur eru góð leið fyrir flesta til að byrja að
hreyfa sig og koma sér af stað.
Fátt jafnast á við skemmtilegan hjólreiðatúr
með góðum vinum á fallegum degi.
Morgunblaðið/Ómar
S
tyrkur, snerpa og þrek virðist meðfætt
hjá sumum íþróttamönnum. Þeir sem
fylgst hafa með heimsmeistaramótinu
í knattspyrnu hafa séð leikmenn eins
og Arjen Robben spretta fram úr yngri leik-
mönnum og dansa í kringum knöttinn eins og
ballerína. Bandaríska landsliðið hefur einnig
vakið athygli fyrir ótrúlegt líkamlegt form
leikmanna, sem virðast hafa endalausa orku
til að hlaupa á eftir boltanum þó svo að komið
sé í síðari hálfleik framlengingar. Líkamlegt
form þessara kappa er þó alls ekki meðfætt
og ættu flestir sem eru tilbúnir að leggja hart
að sér að geta bætt sig þegar kemur að styrk,
snerpu og þreki.
Róbert Traustason, rekstrarstjóri og þjálf-
ari hjá BootCamp, er einn margra brautryðj-
enda nýrra æfingakerfa á Íslandi, en Boot-
Camp hefur kynnt Íslendingum bæði Boot
Camp- og Crossfit-æfingakerfin og hafa þau
notið gífurlegra vinsælda á hér á landi. Boot-
Camp, líkt og viðskiptavinir stöðvarinnar,
er sífellt að bæta sig að sögn
Róberts og finna nýjar
leiðir til að koma til
móts við íþrótta- og
afreksfólk og alla
aðra sem vilja bæta
sig og styrkja. Nýlega
var því tekið upp nýtt
æfingakerfi sem ein-
blínir á styrk og þrek.
„Strength-æfingarnar, eins og þær
eru jafnan kallaðar, eru tiltölulega
nýjar í æfingaflóru okkar, en til-
gangur þeirra er að auka styrk og
snerpu þeirra sem þær sækja. Kerf-
ið er hannað af okkur frá grunni og
æfingarnar byggðar upp á mark-
vissan hátt. Við höfum einnig þá sér-
stöðu að geta nýtt okkur ákveðna þætti
sem við höfum fullkomnað í Boot
Camp-æfingakerfinu,“ segir Róbert,
sem vill þó ekki meina að æfingakerfið sé ein-
hæft þó að nafnið gefi til kynna að einblínt sé
á mjög afmarkaða hluti. „Þú færð að vinna
með styrk þinn á fjölbreyttan hátt og eykur
ekki aðeins hámarksstyrk þinn heldur einnig
vöðvaúthald og snerpu. Síðari hluti nafnsins
vísar svo til þreksins sem við vinnum með,
enda ætti það aldrei að vera undanskilið úr
þjálfun neins og þú munt svitna og hækka
púlsinn á æfingum.“
Skemmtilegir hóptímar
Ólíkt tækjasölum margra líkamsræktarstöðva
er æft í hópi hjá BootCamp, en það gerir æf-
ingarnar skemmtilegri og markvissari að sögn
Róberts. „Strength-æfingarnar eru leið til að
auka vöðvastyrk og úthald á skemmtilegan
hátt því að hópastemmningin sem er okkar
sérstaða tryggir það að þú færð aðhald, fé-
lagsskap og nærð hraðar árangri heldur en ef
þú myndir æfa á eigin spýtur. Hóparnir eru
ekki mjög fjölmennir því við viljum að
þjálfarar hafi góða
yfirsýn yfir allt það
sem fer fram á
æfingunni og
nái að fylgjast
persónulega með
hverjum og ein-
um.“
Hámarksstyrkur
er ekki eiginlegt markmið æf-
ingakerfisins heldur segir Róbert
fyrst og fremst vera horft til þess
að bæta allt í senn, styrk,
snerpu, hraða og úthald. Þannig
fái hver og einn meira út úr
kerfinu þegar eingöngu er
horft á einn einstakan þátt.
„Við byggjum æfingarnar
upp á markvissan hátt svo að
þú munt bæta þig á allan hátt.
Í grunninn erum við að tala um
markvissa styrktarþjálfun en ekki eingöngu
með áherslu á hámarksstyrk heldur einnig
snerpu, hraða og úthald. Þetta hentar því sér-
staklega vel íþróttamönnum sem þurfa að
auka snerpuna, stökkkraftinn og styrk sinn
en einnig öllum þeim sem vilja bæta þessa
hluti og vilja gera það í skemmtilegu um-
hverfi. Við heyrum iðulega frá okkar fólki að
það hafi þurft að vinna í þessum þáttum en
leiðst að fara í lyftingasal. Þarna finnur það
þetta skemmtilega element sem þú færð ekki
þegar þú ert einn að æfa. Hópþjálfunin hefur
upp á svo margt að bjóða sem kemur til góðs,
s.s. samvinnuna, hvatninguna, heilbrigða sam-
keppni o.fl.“
Gott að hafa einhvern grunn fyrir
„Flestir meðlima okkar eru með grunn úr
Boot Camp eða Crossfit, sem er mjög góður
grunnur fyrir þessar æfingar,“ segir Róbert
og bendir á að auðvitað sé best að þátttak-
endur hafi náð þokkalegum tökum á hreyf-
ingum með eigin líkama, s.s. í hné-
beygjum og armbeygjum, áður en farið
er að gera sambærilegar hreyfingar
með aukaþyngd, t.d. stöng og lóðum.
„Hjá okkur er hver og einn að vinna út
frá sinni eigin getu og því fá allir að
taka þyngdir og hreyfingar við sitt
hæfi. Sá sem er sterkur tekur því meiri
þyngd í styrktaræfingunum en sá sem
hefur ekki náð eins langt enn. Við
vinnum síðan mikið með hlutfall af
styrk hvers og eins og því fá allir jafnt
út úr æfingunum.“
Róbert segir námskeiðið hafa gengið
framar björtustu vonum og viðtökurnar
verið miklu meiri en þá óraði fyrir fyrir
í byrjun. „Margir eru búnir að vera hjá
okkur núna frá upphafi æfingakerfisins,
í rúma níu mánuði, og eru enn að bæta
sig á mörgum sviðum. Í upphafi voru
þetta mestmegnis strákar en núna er
kynjahlutfallið nokkurn veginn jafnt.“
GÆÐI KOMA FYRST, MAGNIÐ SÍÐAR ÞVÍ GÆÐI LEIÐA TIL ÁRANGURS
Auka snerpu, styrk
og þol þátttakenda
HJÁ BOOTCAMP HEFUR ÁVALLT VERIÐ LEITAST VIÐ AÐ BÆTA ÁRANGUR
ÍÞRÓTTAFÓLKS OG FINNA NÝJAR OG BETRI LEIÐIR TIL AÐ NÁ ÁRANGRI.
NÝTT ÆFINGAKERFI SEM BOOTCAMP ÞRÓAÐI SJÁLFT HJÁLPAR FÓLKI AÐ
AUKA BÆÐI STYRK OG ÞREK Á SKÖMMUM TÍMA.
Vilhjálmur A. Kjartansson vilhjalmur@mbl.is
Formið skiptir
engu máli, það
eru allir flottir í
BootCamp.
Núna þegar heimsmeistaramótinu í knattspyrnu er að ljúka er tilvalið að koma sér úr sóf-
anum, slökkva á sjónvarpinu og fara út að hreyfa sig. Víða um land hafa verið settir upp batta-
vellir og því er engin afsökun fyrir því að fara ekki út með börnin eða heyra í vinunum og spila
fótbolta í sumarblíðunni. Gott er að hafa í huga að fótbolti er leikur sem á að hafa gaman af.
Fótbolti í fallegu sumarveðri