Morgunblaðið - Sunnudagur - 13.07.2014, Blaðsíða 8

8 MORGUNBLAÐIÐ SUNNUDAGUR 13.7. 2014
Fyrir nokkrum árum kom til Íslands ágæturkunningi minn, formaður svissneskubændasamtakanna, ásamt konu sinni. Við
hjónin fórum með þau víða um. Hann hreifst af
landi og þjóð. Á Nesjavallaleið var stoppað fyrir
myndatökur. Frúin myndaði fjallahringinn.
Hann myndaði hitavatnspípurnar. Við Deildar-
tunguhver endurtók sagan sig. Frúin myndaði
heitt vatnið streyma fram. Hann vildi fá að kom-
ast í dæluhúsið til að mynda þar. Átti hann eng-
in orð yfir hinni stórkostlegu hugkvæmni og
tækni við að nýta hverinn til að hita upp híbýli
manna í fjölmennum byggðum.
Við komum á bóndabæ í Húnavatnssýslu, mik-
ið myndarbýli, þar sem bjuggu frumkvöðlar í ís-
lenskum landbúnaði. Íslenski bóndinn lýsti því
að gott veðurfar væri á þessum slóðum. Það var
dumbungur og svalt í lofti. Hinn sólbrúni Alpa-
búi brosti efins. Íslenski bóndinn rétti þá af
kúrsinn og sagði að þegar allt kæmi saman; góð
gróðurmold eins og hann byggi við og íslenskar
aðstæður, þá væri útkoman farsæl. Nú brosti
svissneski bændahöfðinginn ósviknu brosi.
Nokkru eftir þessa Íslandsferð hittum við
þessi hjón á þeirra heimaslóð. Nú voru það þau
sem sýndu okkur búgarðinn sinn, smáan en fal-
legan. Og stolt óku þau með okkur um Júrafjöll-
in og fóru með okkur á bændabýli þar sem for-
maður bændasamtakanna þekkti hvern mann.
Hann minntist Íslandsferðarinnar. Þið eigið
magnaðar náttúrugersemar sagði hann og
tæknina hafið þið nýtt undursamlega. En eftir-
minnilegastur væri þó bóndinn sem elskaði land-
ið sitt. Hann skildi ég svo vel, bætti hann við.
Það er svo gott og heilbrigt að koma auga á það
góða í umhverfi sínu og kunna að meta landið
sitt.
Þessi orð hafa stundum komið upp í hugann
eftir að það fór að tíðkast hér á landi að gera
hróp að fólki sem leyfir sér að segja að því þyki
vænt um Ísland og það sem íslenskt er. Slíkt
þykir bera vott um þjóðrembu og jafnvel útlend-
ingahatur!
Sömu aðilar verða miður sín þegar minnt er á
að á Íslandi er minna um dýrasjúkdóma en víð-
ast hvar annars staðar í heiminum. Þetta er
reynt að hrekja í leiðurum fréttablaða og her-
skarar bloggara naga hvern þann sem vogar sér
að halda þessum sanneika á loft.
Hér er þó ekki um huglægt mat að ræða held-
ur hlutlægt sem hægt er að sýna vísindalega
fram á enda afrakstur markvissrar einangrunar-
stefnu sem stundum hefur verið umdeild. En
hún hefur skilað árangri: Íslensk matvara er
heilnæmari en almennt gerist erlendis. Og það
má tala um það. Það má líka segja að okkur
þyki vænt um Ísland! Hvers vegna ættum við
ekki að gleðjast yfir því sem gott er?
Að þykja vænt um landið sitt
* Við komum á bóndabæ í Húnavatnssýslu, mikið myndarbýli, þar
sem bjuggu frumkvöðlar
í íslenskum landbúnaði.
ÚR ÓLÍKUM ÁTTUM
Ögmundur Jónasson
ogmundur@althingi.is
Egill Helgason
sjónvarpsmaður
skrifaði á Face-
book á fimmtudag
að hann væri með
innlegg í hina sí-
vinsælu mannanafnaumræðu, en
hann og fjölskylda hans eru á ferða-
lagi erlendis. „Innlegg í
mannanafnaumræðuna: Kári kall-
aður Mr. Helgason hér á hótelinu
þar sem við dveljum.“ Upp úr
þessu spretta umræður en þar á
Árni Snævarr, upplýsingafulltrúi
hjá Sameinuðu þjóðunum, rúsínuna
í pylsuendanum; „Önnur hliða
absúrdismans var að við vorum sex
stykki Snævarr (pabbi plús 5 börn)
og svo mamma Ms. Sigurðar-
dóttir....).“
Rithöfundurinn
Guðmundur
Andri Thorsson
skrifaði á vegg
tónlistarmannsins
Valgeirs Guð-
jónssonar í vikunni: „Mig dreymdi
í fyrrinótt að komið væri nýtt lag
eftir þig, og það var held ég sér-
staklega auglýst með mynd af þér.
Nafnið á laginu sat í mér þegar ég
vaknaði, því það var svo ein-
kennilegt. Það var svona: Nafn þitt
er ekki málsháttur. Því miður vakn-
aði ég áður en mér gafst færi á að
hlýða á lagið.“
Valgeir svaraði um hæl: „Blessi
þig alla daga fyrir svo ótalmargt -
Þig hefur trúlega dreymt fyrir lag-
inu Baldur og Konni sem er komið í
mulningskvörn unglingahljómsveit-
arinnar ódrepandi - nafn mitt er
ekki málsháttur hlýtur að vera ögr-
un öllum orðhögum einstaklingum
að glíma við í sumarbreyskjunni.“
Margir urðu til
þess að birta ljós-
myndir á Face-
book, Twitter og
Instagram af brun-
anum í Skeifunni
og fóru misnálægt brunastað.
Baráttukonan Hildur Lilliendahl
Viggósdóttir birti hins vegar eina
mynd af Skeifunni daginn eftir þar
sem sjá mátti umferðarteppu –
enda ekki færri sem lögðu leið sína
til að skoða ummerkin daginn eftir.
AF NETINU
Breski raunveruleikaþátturinn GeordieShore var, eins greint var frá í frétt-um í vetur, tekinn upp á Íslandi fyrr
á þessu ári. Þátturinn er bresk útgáfa af
bandarísku þáttunum Jersey Shore, en báð-
ar seríurnar hafa verið sýndar á MTV-
sjónvarpsstöðinni.
Vitað var að tökur fóru meðal annars
fram á skemmtistaðnum b5, þar sem
djammandi unglingar ferðast um allan heim
til að skemmta sér.
Nú er auglýsingaherferð hafin fyrir þessa
þætti og ljóst að hópurinn gerði margt ann-
að forvitnilegt en að hanga inni á b5, því
að í auglýsingum er einkum áhersla á að
kíkt hafi verið á hið sérstaka Reðasafn.
Einnig er nefnt að hópurinn hafi ferðast
töluvert og skoðað sögufræga staði sem og
hefðbundna ferðamannastaði og framið „alls
konar prakkarastrik“.
Fyrsti þáttur nýju seríunnar fer í loftið
22. júlí en aðalhlutverk leika Aaron Chal-
mers, Charlotte Letitia Crosby, Gary
Beadle, Holly Hagan, James Tindale, Mar-
nie Simpson, Scott Timlin og Vicky Patti-
son.
Ekki er vitað til þess að þáttagerðarfólk
og leikarar hafi valdið ónæði hérlendis.
Fyrir nokkrum dögum birtist þó frétt þess
efnis að tökuliðinu hefði verið meinaður að-
gangur að ströndum Blackpool í Englandi,
þar sem yfirvöld vildu ekki að leikarar
væru öðrum til ónæðis og vandræða, en
partíþáttunum fylgja að sjálfsögðu mikil
læti og hávaði oft og tíðum.
Geordie Shore hefur notið vinsælda, en þætt-
irnir eru sýndir á MTV.
Morgunblaðið/Kristinn
Fóru á Reðasafnið
Mikið er gert úr heimsókn raunveruleikaþáttarins á hið íslenska Reðasafn í auglýsingum.
FYRSTI ÞÁTTURINN UM ÍSLANDS-
FERÐ LEIKARANNA Í GEORDIE
SHORE VERÐUR SÝNDUR 22. JÚLÍ Á
MTV. AUGLÝSINGAR Á ÞÆTTINUM
ERU FARNAR Í LOFTIÐ YTRA.
Vettvangur