Morgunblaðið - Sunnudagur - 13.07.2014, Blaðsíða 12

12 MORGUNBLAÐIÐ SUNNUDAGUR 13.7. 2014
F
rosti Logason stjórnmálafræð-
ingur er annar umsjónarmanna
útvarpsþáttarins Harmageddon á
X-inu, ásamt Mána Péturssyni.
Frosti var, eins og alkunna er,
gítarleikari í hljómsveitinni Mínus en
hætti í hljómsveinni árið 2007 og hóf
sama ár nám í stjórnmálafræði við Há-
skóla Íslands.
Harmageddon er afar vinsæll útvarps-
þáttur og Frosti lýsir starfinu þar sem
draumastarfi. „Við Máni fjöllum þar um
atburði líðandi stundar og tökum viðtöl
við alls kyns fólk en það sem er einna
skemmtilegast við þessa vinnu er að geta
hóað í fólk sem manni finnst áhugavert.
Við Máni sitjum í hljóðveri í þrjá tíma á
dag og gagnrýnum fólk og málefni og
höfum skoðanir á öllu og oft sitthvora
skoðunina, sem skapar skemmtilega dýna-
mík,“ segir hann. Spurður um samstarf
þeirra Mána segir hann: „Samstarfið gæti
ekki verið betra. Máni er besti vinur
minn og sálufélagi. Við ólumst báðir upp í
Garðabænum og urðum vinir á tánings-
aldri. Það er eins og við séum samvaxnir
tvíburabræður og við skipuleggjum líf
okkar og frí með hvorn annan í huga.
Það er dýrmætt að vera með samstarfs-
félaga sem er svo góður vinur og félagi.“
Frjálshyggjuanarkisti
Þú ert stjórnmálafræðingur að mennt. Af
hverju ákvaðstu að læra stjórnmálafræði?
„Ég var þungarokkari sem var slétt-
sama um alla pólitík en þegar ég keypti
mér íbúð og var kominn með nokkurra
milljóna króna lán sem var háð sveiflum í
þjóðlífinu fann ég fyrir auknum áhuga á
pólitík. Ein besta ákvörðun lífs míns var
að fara árið 2007 í stjórnmálafræði í Há-
skóla Íslands. Námið er mjög áhugavert
og skemmtilegt enda eru þar margir frá-
bærir kennarar þar sem Hannes Hólm-
steinn og Svanur Kristjánsson eru þeir
bestu og ekki er heldur ónýtt að hafa
verið í tímum hjá Gunnari Helga Krist-
inssyni, Baldri Þórhallssyni og Huldu Þór-
isdóttur. Allt þetta fólk er mjög vandað, í
raun fjársjóður af fróðleik hvert á sinn
hátt.
Ég hef áhuga á því hvernig stjórnmálin
hafa áhrif á samfélagið og snerta líf okk-
ar. Ég hef ekki áhuga á því að starfa í
opinberri stjórnsýslu eða neitt slíkt en
mig dreymir um að geta með tímanum
helgað mig blaðamennsku í meiri mæli en
nú er og þar er stjórnmálafræðimenntun
góður grunnur. Ég hef verið að skrifa
stuttar fréttir og greinar inn á visir.is og
myndi vilja gera meira af því.“
Hvaða hugmyndafræðingur heldurðu að
hafi haft mest áhrif á þig?
„Ég hef verið undir miklum áhrifum frá
rithöfundinum Christopher Hitchens. Hann
hefur haft mjög mótandi áhrif á líf mitt
og það hvernig ég nálgast starf mitt í út-
varpi. Hitchens var mótþróaseggur og um
leið réttsýnn lýðræðissinni sem aðhylltist
efahyggju og gætti sín á því að elta ekki
fjöldann til illa verka. Hann var mælskur
og réttsýnn, óhræddur við að taka óvin-
sæla afstöðu og fylgdi ætíð sannfæringu
sinni. Ein bóka hans er God Is Not Great
– How Religion Poisons Everything, þar
sem hann færir sterk rök fyrir því að
trúarbrögðin séu böl fyrir mannkynið.
Sjálfur er ég fullkomlega trúlaus.“
Ertu hægrimaður, vinstrimaður eða
miðjumaður?
„Ég myndi tvímælalaust flokkast sem
hægrimaður en hef ekki fundið hjá mér
löngun til að styðja flokka. Ætli það megi
ekki kalla mig frjálshyggjuanarkista. For-
ingjadýrkun og hvers konar átrúnaður á
goð finnst mér afleit hugmyndafræði. Ég
vil að einstaklingurinn fái að vera í friði
fyrir ríkisvaldinu því að ríkið er eign
þegnanna en þegnarnir er ekki eign rík-
isins. Ég er andstæðingur forræðishyggju,
sem er þokkalega rík í íslensku samfélagi
þrátt fyrir að við þykjumst vera mjög
frjálslynd þjóð.“
Finnst þér of mikill pólitískur rétttrún-
aður í þjóðfélaginu?
„Bæði og. Mér finnst óþolandi þegar
fólk sem haldið er rasisma svarar fyrir
sig með því að segja að gagnrýni á mál-
flutning þess sé pólitískur rétttrúnaður og
kvartar undan því að fá ekki að hafa
pólitískar skoðanir sínar í friði. En vissu-
lega er óþarfa rétttrúnaður á ákveðnum
sviðum. Ýmislegt í femínísku flóðbylgjunni
jaðrar við dogmatísk trúarbrögð, sem ég
er í grunninn mótfallinn. Þegar menn
hoppa á þann vagn að femínismi eigi að
vera innprentaður í grunnskólabörn er það
pólitísk stefna, rétt eins og ef þess yrði
HANN VAR ÞUNGAROKKARI SEM HAFÐI EKKI ÁHUGA Á PÓLITÍK EN ER NÚ ORÐINN STJÓRN-
MÁLAFRÆÐINGUR OG ANNAR UMSJÓNARMANNA ÚTVARPSÞÁTTARINS HARMAGEDDON.
FROSTI LOGASON RÆÐIR Í VIÐTALI UM ÁRIN Í MÍNUS, PÓLITÍSKAN RÉTTRÚNAÐ OG TRÚLEYSI.
Kolbrún Bergþórsdóttir kolbrun@mbl.is
„Svo þarf ég einhvern tíma að eignast
afkvæmi og tel það reyndar vera eina
af skyldum hins trúlausa,“ segir Frosti.
Morgunblaðið/Þórður
Fagna lífinu af ákefð
Svipmynd