Morgunblaðið - Sunnudagur - 13.07.2014, Blaðsíða 9

13.7. 2014 MORGUNBLAÐIÐ SUNNUDAGUR 9
É
g var bara að prófa að sjá hvort
vefsíðan okkar kæmi upp á net-
inu og rak þá augun í að lagið
væri í þriðja sæti yfir mest seldu
lögin á iTunes á Kýpur,“ segir
listakonan Semeli og skellir upp úr. Dúettinn
Santa Semeli and the Monks var stofnaður í
fyrra í London þegar Semeli og Haraldur
voru leidd saman af sameiginlegum vini því
þau langaði bæði til að prófa sig áfram í tón-
list.
Ljóðræn orka
Smáskífa dúettsins með laginu Arrividerci
Bob kom einungis út fyrir þremur vikum en
upphaf vinsældanna á Kýpur má e.t.v skýra
með því að föðurfjölskylda föðurfjölskylda
Semeli er þaðan og sjálf lauk hún grunn-
skólanámi þar þótt hún hafi fyrstu árin alist
upp í München í þýskalandi. Haraldur er
fæddur og uppalinn í Kópavogi.
Þau lærðu við The Academy of the Science
of Acting and Directing (ASAD) í London
þótt þau hafi ekki verið samtíða; Semeli
lærði leiklist og leikstjórn en Haraldur er
leikaramenntaður. Þau kynntust fyrst þegar
Semeli réð Harald í hlutverk í stuttmynd en
það var svo mörgum mánuðum síðar að þau
hittust á ný, gagngert til að búa til tónlist.
„Ég átti svo mikið af ljóðum og textum og
langaði í fyrstu til að setja upp einhvers kon-
ar sýningu,“ segir Semeli og Haraldur tekur
við: „Það hafði alltaf blundað í mér að vinna
við tónlist svo að ég var alveg til í að prófa
þetta og við bara smullum saman um leið.
Við eigum nóg efni fyrir fjórar plötur og
mest af því sömdum við fyrstu tvo mán-
uðina.“ Semeli lýsir þessu sem „skapandi ást
við fyrstu sýn“, þau eru jú hvort frá sinni
eyjunni og fundu strax einhvern samhljóm.
„Ég held að ef það er eitthvað sem tengir
okkur sé það svipuð tilfinning fyrir ljóðlist,
en ég veit ekki hvort það sprettur af því að
við erum bæði eyjarskeggjar,“ segir Semeli
og yppir öxlum. „Það er án efa einhver orka
þarna, ljóðræn orka sem myndast þegar
Miðjarðaráhrifin mæta kalda loftinu frá Ís-
landi. Þá verður einhver sprenging,“ bætir
Haraldur við. „Þú finnur varla ólíkara fólk í
útliti!“ segir Semeli og hlær. „Við erum samt
mjög lík en tjáum okkur á mismunandi hátt.“
Tónlist með móðurmjólkinni
Arrivederci Bob er hresst danslag með tor-
ræðum en skondnum texta og minnir á köfl-
um á grúv áttunda áratugarins. Smáskífan er
sjálfstæð tilraunaafurð en ekki hluti af plöt-
unni sem er væntanleg í lok sumars. „Okkur
langaði bara að gera danstónlist og fengum
þannig pródúsent í lið með okkur. Við eigum
fleiri danslög svo það getur vel verið að þau
eigi eftir að heyrast líka, hvort sem þau enda
á plötu eða ekki,“ segir Semeli. Haraldur
leikur á gítar og syngur bakraddir, Semeli
syngur og semur textana en saman semja
þau tónlistina. Spurð hvers konar tónlist dú-
ettinn spili hefja þau bæði að telja upp nær
allar tónlistarstefnur undir sólinni; þau sæki
áhrifin víða að og leyfi sköpunargleðinni að
ráða ferðinni. „Við höfum svo rosalega fjöl-
breyttan tónlistarsmekk,“ útskýrir Haraldur
og bendir á að þau hafi bæði lært á hljóðfæri
sem börn og hafi nokkuð klassískan bak-
grunn; foreldrar hans sungu í óperukór og
faðir Semeli, Nicolas heitinn Economou, var
þekktur einleikari á píanó og tónskáld.
„Hann spilaði einmitt einu sinni á Íslandi og
varð heillaður af landinu og þótti mjög mikið
til þess koma hvað svona lítil þjóð væri
menningarlega sinnuð,“ bætir Semeli við.
„Hann langaði til að sjá Kýpur þróast í
menningarkjarna á svipaðan hátt. Það er
þess vegna svolítið skemmtilegt að ég skuli
vera farin að vinna með Íslendingi.“
Pönk, ballöður og þjóðlög
Ástæða þess að tónlistin er svona fjölbreytt
er ekki síður sú að Semeli og Haraldur
leggja áherslu á að segja sögur. „Tónlistin
breytist eftir túlkuninni; eitt laganna heitir
til dæmis Schizophrenic Assholes og þótt við
hefðum getað látið það vera í ballöðustíl
hentaði pönk betur til að segja söguna,“ út-
skýrir Semeli. „Frásögnin er kjarninn í tón-
listinni okkar.“ Fjölbreytnin kemur ekki síð-
ur til vegna þess að Semeli og Haraldur
fengu ýmsa tónlistarmenn í London til að
leggja hönd á plóg við upptökurnar og gáfu
þeim lausan tauminn til að fá innlegg þeirra í
sköpunarferlið. Santa Semeli and the Monks
hefur haldið 15 tónleika í Bretlandi frá ára-
mótum en er nú á kynningarferðalagi í
Bandaríkjunum og vonast til að geta líka
spilað eitthvað þar, en í síðustu heimsókn til
New York fengu þau óvænt að troða upp á
klúbbi á Manhattan, tvö ein og órafmögnuð.
„Við erum líka með áætlanir um fleira en
bara að spila tónlist á næstunni; við viljum
taka upp okkar eigin myndbönd og þess
háttar,“ segir Haraldur og Semeli skýtur því
inn að þau verði að fara til Íslands bráðum
til að taka upp myndband við eitt laganna á
plötunni, lag í þjóðlagastíl. Og að sjálfsögðu
hafa þau í hyggju að troða upp í leiðinni en
nú lítur sem sagt út fyrir að þau verði einnig
að bæta Kýpur á listann.
Santa Semeli and the Monks hefur spilað á klúbbum víða um Lundúnaborg að undanförnu en dúett-
inn er skipaður þeim Haraldi Ágústssyni og Semeli Economou sem rekur uppruna sinn til Kýpur.
HÁLFÍSLENSKUR DÚETT Á ÞRIÐJA VINSÆLASTA LAGIÐ Á ITUNES Á KÝPUR
Tónlistin segir sögur
MARGT BENDIR TIL ÞESS AÐ
SUMARSMELLURINN Á KÝPUR
Í ÁR VERÐI LAGIÐ ARRIVEDERCI BOB
MEÐ SANTA SEMELI AND THE
MONKS, HÁLFÍSLENSKUM DÚETT
SEM SKIPAÐUR ER HARALDI ÁGÚSTS-
SYNI OG SEMELI ECONOMOU.
Ingibjörg Rósa Björnsdóttir
ingibjorgrosa@gmail.com
* „Ég held að ef þaðer eitthvað sem teng-ir okkur sé það svipuð til-
finning fyrir ljóðlist, en ég
veit ekki hvort það sprett-
ur af því að við erum
bæði eyjarskeggjar.“
Draumur þeirra Haralds og Semeli er að spila
tónlist bæði á Íslandi og á Kýpur á næstunni.
Sumarkaffið 2014
Afríkusól valið besta kaffið*
Afríkusól skarar fram úr í gæðum og fékk lang hæstu
einkunn kaffitegunda á íslenskum matvörumarkaði.
Ummæli úr smökkuninni:
„Yes! Nammi namm.“
„Loksins komin góður kaffibolli. Það er karakter í kaffinu.“
„Karamellulitur, ekki bara svart. Það er mjúkt og gott.“
kaffitar.is *skv blindri bragðsmökkun í DV 8.7.2014
kaffitár ÁN KRÓKALEIÐA
kaffitár
ÁN
KRÓKALEIÐA
kaffitár
ÁNKRÓKALEIÐA
kaf
fit
áR
ÁN
KR
ÓK
AL
EI
ÐA
ka
ff
itá
r
ÁN
KRÓ
KAL
EIÐA
besta
kaffið*