Morgunblaðið - Sunnudagur - 13.07.2014, Blaðsíða 15

* „Aldrei skilja matardiskinnþinn eftir undir fuglabúri.“Grettir
13.7. 2014 MORGUNBLAÐIÐ SUNNUDAGUR 15
rafkaup.is
Ármúla 24 • S: 585 2800
SÆNSK FRAMLEIÐSL A
Sumarfríið er tilvalinn tími til að auka við bóklestur
barna, ekki síst þegar sólin felur sig á bak við skýin.
Gaman er að koma við á bókasafninu og velja sér bæk-
ur, enda eru þær besti ferðafélaginn í sumarbústaðinn!
Lesum bækur í sumar
Slökkviliðsmaðurinn Stefán Már
Kristinsson vakti athygli í vikunni, en
hann var af tilviljun staddur í Skeif-
unni þegar þar kviknaði eldur síðustu
helgi. Hann gekk vasklega fram og
hjálpaði til við slökkvistörfin, þrátt
fyrir að vera ekki í eldvarnargalla,
heldur stuttbuxum. Stefán er kvænt-
ur Sigrúnu Eiríksdóttur, spænsku-
kennara og leiðsögumanni, og saman
eiga þau þrjú börn, Kára 13 ára,
Freyju 11 ára og Eirík 8 ára. Kári er mikill fót-
boltamaður en er líka í handbolta, Freyja er í
fimleikum og auk þess í fótbolta á sumrin en
Eiríkur er í handbolta og fimleikum. Kristinn
deilir venjum fjölskyldunnar með lesendum.
Þátturinn sem allir geta horft á? Það er ekk-
ert sem allir horfa saman á, nema Eurovisi-
on kannski. Þá er alltaf partí hjá okkur!
Maturinn sem er í uppáhaldi hjá öllum?
Kjúklingur er alltaf vinsæll, þótt við borðum
töluvert af fiski, of mikið finnst sumum á
heimilinu! Svo er grjónagrautur alltaf vin-
sæll hjá börnunum.
Skemmtilegast að gera saman? Allir elska
að fara í sumarbústað. Svo förum við mjög
mikið í sund saman og hjólum líka töluvert.
Borðið þið morgunmat saman? Já, langoft-
ast, okkur finnst mikilvægt að allir borði
morgunmatinn heima.
Hvað gerið þið saman heima ykkur til
dægrastyttingar? Við spilum mikið, til
dæmis Scrabble, horfum alltaf á fjöl-
skyldumynd á föstudögum og svo er
trampolínið í miklu uppáhaldi, enda
hafa öll börnin verið í fimleikum.
Hvað er á dagskrá í sumar hjá fjöl-
skyldunni? Við erum á leiðinni í stór-
fjölskylduferð til Tenerife og erum búin
að hlakka til í allan vetur! Sumir þó
fyrst og fremst til þess að fara í flugvél,
aðrir til að fara í dýragarð og komast í
hitann! Svo erum við að fara á UMFÍ-
mót á Sauðárkróki í tjaldútilegu í ágúst, þar sem eldri
börnin munu keppa í einhverjum íþróttagreinum.
EFTIRLÆTI FJÖLSKYLDUNNAR
Hlakka til að fara í flugvél
Stefán Már ásamt börnum sínum.
Innihald – fyllingin
340 g rabarbari, sneiddur
340 g epli, skræld og söxuð smátt
40 g rapadura-hrásykur (eða annar
hrásykur)
60 g döðlur, saxaðar smátt
½ tsk. kanill
¼ tsk. múskat (e. nutmeg)
Innihald – toppurinn (deigið)
40 g spelt
40 g byggmjöl
30 g kókosolía, mjúk (ekki fljótandi)
20 g heslihnetur, saxaðar smátt
50 g rapadura-hrásykur (eða annar
hrásykur)
5 msk. appelsínusafi
½ tsk. kanill
Byrjið á fyllingunni:
Skolið rabarbarann og skerið í um
1,5 cm bita. Saxið döðlur og epli
smátt. Setjið rabarbara, döðlur og
epli í stóra skál. Bætið 40 g af hrá-
sykri út í ásamt múskati og ½ tsk. af
kanil. Hrærið allt vel saman og setj-
ið til hliðar.
Í annarri skál skuluð þið setja
saman hráefnið fyrir toppinn:
Mýkið fyrst kókosolíuna aðeins
yfir volgu vatnsbaði, olían á að vera
mjúk en ekki fljótandi.
Bætið út í skálina spelti, bygg-
mjöli, hrásykri og kanil. Hrærið vel.
Bútið eða klípið kókosolíuna út í
deigið og blandið vel saman þannig
að úr verði svolítið kekkjótt blanda.
Bætið appelsínusafa út í, skeið fyrir
skeið, og hrærið í deiginu þannig að
það verði enn kekkjóttara. Saxið
heslihneturnar frekar smátt og
blandið þeim út í deigið.
Smyrjið 22 cm eldfast mót með
smávegis af kókosolíu (setjið nokkra
dropa af kókosolíu í eldhúspappír og
strjúkið formið að innan). Hellið fyll-
ingunni fyrst út í mótið. Athugið að
fyllingin virkar mjög mikil en hún á
eftir að síga aðeins þegar hún bak-
ast. Hellið deiginu ofan á og passið
að það dreifist jafnt yfir fyllinguna.
Bakið við 190 °C í 35–40 mínútur
eða þangað til eplin og rabarbarinn
eru farin að sjóða og toppurinn orð-
inn gullinn. Takið úr ofninum og lát-
ið kólna í 10 mínútur.
Berið bökuna fram volga með ís.
Bakan geymist í ísskáp í nokkra
daga og má hita hana upp í ofninum í
um 15 mínútur við 180 °C. Þannig
verður hún eins og nýbökuð.
LEIÐRÉTT UPPSKRIFT FRÁ ÞVÍ Í SÍÐASTA BLAÐI
Rabarbara- og eplabaka
F
erðafélag barnanna var
stofnað árið 2009 að norskri
fyrirmynd, en félagið er á
vegum Ferðafélags Íslands.
Aðalmarkmið félagsins er að hvetja
til útiveru og samveru barna og
foreldra í íslenskri náttúru, en fé-
lagið skipuleggur ferðir fyrir börn
og fjölskyldur þeirra nær allan árs-
ins hring. Ferðirnar eru skipulagð-
ar sérstaklega með börn í huga og
henta því þörfum þeirra og getu.
„Aðsókn í ferðirnar hjá okkur er
góð en fer auðvitað einnig eftir
veðri,“ segir Brynhildur Ólafs-
dóttir, einn leiðsögumanna félags-
ins. „Mest er aðsókn í styttri ferð-
ir.“ Spurð hvaða aldurshópar sæki
helst í ferðirnar svarar Brynhildur
því til að bilið sé breitt. „Í lengri
gönguferðum eru börnin yfirleitt
eldri, en almennt er þetta allt frá
kornabörnum sem hanga í burðar-
pokum framan á foreldrunum og
upp í unglinga.“
Þrjár ferðir eru á döfinni hjá
félaginu það sem eftir er af júlí.
Lagt verður af stað í fjölskyldu-
göngu um Laugaveginn miðviku-
daginn 16. júlí. Göngumenn þurfa
hvorki að bera farangur né mat,
heldur verður hann fluttur á milli
skála. Eins og í öllum ferðum
félagsins þegar gist er á leiðinni er
áhersla lögð á skemmtilegar og
huggulegar kvöldstundir. Sams
konar gönguferð um Laugaveginn
er á dagskrá fimmtudaginn 31. júlí.
Þriðjudaginn 29. júlí verður
síðan styttri ganga um hvera-
svæðið í Klambragili. Göngumenn
geta skellt sér í bað í heitum læk
og að því loknu grillað sér pylsur
og sykurpúða. Ekki amalegt það!
Dagskráin er síst verri í ágúst,
en meðal ágústferða má nefna
Ævintýraferð um slóðir drauga og
útilegumanna, sem farin verður um
Kjalveg hinn forna, og Sveppaferð
í Heiðmörk, þar sem sérfræðingar
frá Líf- og umhverfisvísindadeild
Háskóla Íslands munu leiðbeina
stóru sem smáu sveppatínslufólki,
enda eru ekki allir sveppir ætir.
Forföllnum borgarbörnum má
síðan benda á ferðina Leyndar-
dómar Laugarnessins, sem farin
verður 12. ágúst, en Laugarnesið
er spennandi svæði sem oft vill
gleymast þegar hugað er að útivist.
Allar upplýsingar um félagið og
ferðir þess má nálgast á heimasíðu
þess, ferdafelagbarnanna.is. Þar
má auk þess finna leiðbeinandi
lista yfir nauðsynlegan útbúnað og
mörg góð ráð varðandi útivist með
börnum.
FERÐAFÉLAG BARNANNA
Gengið á fjöll og
buslað í heitum læk
Börn og fullorðnir skemmta sér vel með Ferðafélagi barnanna. Ferðirnar eru
mislangar en allar fullar af ævintýrum fyrir stóra sem smáa ferðalanga.
FERÐAFÉLAG BARNANNA
BÝÐUR Í SUMAR UPP Á
MARGAR SKEMMTILEGAR
FERÐIR FYRIR BÖRN.
Guðrún Ingibjörg Þorgeirsdóttir
gith@mbl.is