Morgunblaðið - Sunnudagur - 13.07.2014, Blaðsíða 43

um þann yngsta, fórum við til Ástr-
alíu og Nick fékk strax vinnu í
flottri uppfærslu, Shakespeare in
the Park. Hann hélt okkur uppi á
leikaralaunum og það kallast gott.“
Bæði tungumálin töluð
Spurð hvernig sé að ala upp fjögur
lítil börn á Íslandi í dag er engan
barlóm að heyra á þeim Ernu og
Nick. „Mér finnst þetta mjög þægi-
legt en þetta var erfitt í byrjun. Í
Ástralíu eru ekki til leikskólar í
þeim tilgangi að koma þar fyrir
ungum börnum fimm daga vik-
unnar,“ bendir Nick á og Erna seg-
ir það líklega túlkað sem vanrækslu
að barn sé fimm daga vikunnar í
leikskóla eða hjá dagforeldri.
„Þar er gert ráð fyrir því að ann-
að foreldrið, yfirleitt konan, sé
heimavinnandi. Þetta er einfaldlega
annars konar hugsunarháttur. Opin-
bera kerfið býður heldur ekki upp á
þetta fyrirkomulag og því er
kostnaðarsamt að vera með börn í
skóla, hvað þá ef þau eru mörg.
Umhverfið í leikskólamálum er í
góðum farvegi hérlendis að mínu
mati en þó þarf að gera betur við
leikskólakennara,“ segir Erna og
Nick bætir við. „Þá má kannski
segja að umhverfi skólamála í Ástr-
alíu sé einhvers staðar mitt á milli
Bandaríkjanna og Íslands en það er
að færast nær bandaríska umhverf-
inu. Það er því að mörgu leyti erf-
iðara að vera með mörg börn í Ástr-
alíu.“
Nick getur ekki neitað því að
fjarlægðin frá hans fólki sé mikil en
þó hafa foreldrar hans komið oftar
en einu sinni til landsins. Ástralska
tengingin fellur því ekki í gleymsk-
unnar dá hjá börnunum. Á heimil-
inu er fastmótað fyrirkomulag
hvernig rætt er við börnin. Faðirinn
talar við þau á ensku og móðirin á
íslensku. Þeim er mikið í mun að
börnin kynnist arfleifðinni frá báð-
um fjölskyldum sínum. Engin sér-
stök regla er hins vegar á því hvort
þau Erna og Nick ræði sín á milli á
íslensku eða ensku, þar sem hvort
tveggja er í boði. Börnin eru með
sterk tengsl við fjölskyldu Ernu
eins og gefur að skilja, en þaðan
hefur borist mikil hjálp við að halda
heimilinu gangandi. Yngsti Snorri
James, er ekki með leikskólapláss.
„Ég er svo heppin að eiga góða fjöl-
skyldu. Mamma segir gjarnan að til
að ala upp barn þurfi heilt þorp.
Ætli fjölskylda mín sé ekki mitt
þorp. Systur mínar eru svo æðis-
legar að börnin eiga nánast þrjár
mömmur. Pabbi sem er kominn á
eftirlaun hefur hjálpað okkur of-
boðslega mikið og mamma var með
þá elstu í júní, en án fjölskyldunnar
gætum við ekki verið bæði á vinnu-
markaði. Ísland er svo mikið fjöl-
skylduland og þetta er íslenska
stemningin. Nú stendur til að Sirk-
us Íslands fari út á land að sýna og
þá er spurning hvort ég og börnin
gerumst „grúppíur“ og eltum
sirkusinn,“ segir Erna og hlær.
Í óformlegu spjalli að viðtalinu
loknu kemur upp úr krafsinu að
blaðamaður og Erna hafa starfað á
sama vinnustað. Erna fer í tölvuna
og flettir upp hversu marga sameig-
inlega vini við eigum á Fésbókinni
og eru þeir fjórtán talsins. „Þetta er
mjög íslenskt,“ segir Nick og glott-
ir.
Morgunblaðið/Eggert
13.7. 2014 MORGUNBLAÐIÐ SUNNUDAGUR 43
Erna Tönsberg starfar við Háskól-
ann í Reykjavík. Hún er verkefn-
isstjóri í Rekstrarnámi fyrir hönn-
uði sem er boðið upp á af Opna
háskólanum í HR, og er unnið í
samstarfi við Hönnunarmiðstöð
Íslands. Erna lauk sjálf BS-gráðu í
viðskiptafræði og mastersgráðu í
alþjóðaviðskiptum.
„Opni háskólinn í HR býður
upp á sí- og endurmenntun fyrir
sérfræðinga og stjórnendur í
samstarfi við akademískar deildir
HR og íslenskt atvinnulíf. Rekstr-
arnám fyrir hönnuði er ný náms-
lína sem verður keyrð samhliða
Rekstrar- og fjármálanámi Opna
háskólans í HR og er í raun þróun
á því námi til að mæta þörfum
hönnuða. Markmiðið með nám-
inu er ekki að breyta hönnuðum í
viðskiptafólk. Við viljum hins veg-
ar vinna með þeim. Við viljum fá
hönnuði til okkar sem geta miðl-
að viðskiptaþekkingunni og brúað
bilið á milli hönnuða og við-
skiptageirans,“ útskýrir Erna og
segir áhugann á náminu vera tölu-
verðan. „Við höfum fengið marg-
ar fyrirspurnir og fólk hefur mik-
inn áhuga á þessu. Ég hef mikla trú
á því að vel muni ganga og að við
getum þróað þetta nám áfram á
næstu árum. Vonandi verður eitt-
hvað mikið og gott til úr þessu,“
sagði Erna og bendir á að hönn-
unargeirinn sé stór hérlendis. „Á
Íslandi eru gríðarlega margir flott-
ir hönnuðir og fólk er að gera
ótrúlega hluti. Að vera með eigin
hönnun getur verið afar persónu-
legt. En stundum þarf maður að
fara aðeins út fyrir þægindaram-
mann til að koma vörunni á fram-
færi. Í kringum mig eru margir
hönnuðir og listamenn sem eru
virkilega hæfileikaríkir en oft á tíð-
um full hógværir.“
Stýrir rekstrarnámi fyrir hönnuði
Eins og fram kemur í viðtalinu starfar Nick Candy með Sirkusi Ís-
lands, sem starfræktur er hér á landi.
Í sumar býðst Íslendingum að sjá þrenns konar sirkussýningar. Ein
er fyrst og fremst ætluð börnum, önnur er fyrir alla fjölskylduna og
sú þriðja er sniðin að fullorðnum.
Fjölskyldusýningin heitir „Heima er best“ og er sú stærsta sem
Sirkus Íslands hefur sett upp.
Auk þess að sýna á Klambratúni í höfuðstaðnum mun hópurinn
halda til Ísafjarðar, Akureyrar, Selfoss, Keflavíkur og aftur til Reykja-
víkur í júlí og ágúst.
Uppistaðan í hópi listamanna Sirkuss Íslands er Íslendingar.
Sirkus Íslands er með heimasíðuna: www.sirkus.is
Sirkus Íslands
Nick er menntaður leikari og leikur hér listir sínar með Sirkusi Íslands.
Morgunblaðið/Eggert