Stígandi - 01.10.1943, Side 29

STÍGANDI
HEIÐREKUR GUÐMUNDSSON:
Á FORNUM SLÓÐUM
Leggur þunga lífsins strauma
um loft og jörð og sæ.
Svona fagra dagsins drauma
dreymt mig hefir æ.
Ljómar sól ó himni heiðum,
heillar sérhvert lag.
Framandi á fornum leiðum
ferðast ég í dag.
Sýnist allt í sömu skorðum,
samt er eitthvað breytt.
Var í leiki frjálsa forðum
fögrum dögum eytt.
Hérna liðu æskuárin,
er mig hrifu mest.
Hérna féllu tregatárin
tíðast, þyngst og flest.
Heimabyggðin hugann seiddi,
hillti bernskulönd,
þar sem tárum áður eyddi
ylrík móðurhönd.
Sóluroðnir hnjúkar háir
hérna rísa enn. —
Æskuvinir undursmáir
orðnir vaxnir menn.
Unaðsfögru æskulöndin
augum blasa við.
Sömu fjöll og sama ströndin,
sömu hafsins mið.