Hrund - 01.11.1967, Blaðsíða 3
m
HRUND
OKT.
1967
6
EFNISYFIRLIT:
Fyrir skömmu barst okkur bréf frá konu nokkurri utan Reykjavíkur,
sem gerzt hafði áskrifandi að HRUND fljótlega eftir að blaðið hóf
göngu sína. Lét hún í Ijós mikla ánægju með blaðið sjálft, en kvartaði
sáran undan afgreiðslu þess. Hún kvaðst hafa fengið 1. tölublað með
skilum, en svo varð bið á, að næstu blöð kæmu. Þegar hún hafði
hvorki fengið annað né þriðja tölublað, kvartaði hún við skrifstofuna.
Þar var brugðið við skjótt með þeim árangri, að nú fékk hún ekki
aðeins eitt, heldur tvö tölublöð af hvoru og tvö blöð af næstu tveimur
tölublöðum. Ofan á allt þetta bárust henni tvær innheimtur og henni
fannst þá eðlilega nóg komið af svo góðu.
Þetta er eitt af verstu dæmunum um mistók á afgreiðslu blaðsins
og er mjög slæmt bæði fyrir lesendur og okkur, að slíkt skuli gerast.
Okkur þykir það leitt, mistök eru alltaf hvimleið en við munum gera
allt sem í okkar valdi stendur til að bæta úr þeim.
Það er geysileg vinna fólgin í því að afla blaðinu áskrifenda, en
ennþá meiri vinna að koma upp réttri og fullkominni spjaldskrá sem
tryggir áskrifendum, að þeir fái blaðið á réttum tíma. Þetta starf var frá
upphafi unnið með miklum hraða,og spjaldskráin fór um margar hendur,
áður en henni yrði komið upp að fullu, með leiðréttum nöfnum og
heimilisföngum. Af því stafa mistök, eins og það, sem að ofan greinir,
en með góðri samvinnu við áskrifendur vonumst við til að geta komizt
fyrir allar slíkar villur. Viljum við biðja þær konur, sem ekki hafa fengið
blaðið með skilum eða fengið of mörg blöð, að hafa samband við
okkur, svo að á þessu verði unnin bót.
Að þessu sinni er blaðið 52 blaðsíður að stærð og næsta tölublað,
jólablaðið verður 56 síður. Þá er í vændum fyrsta „sérblað" Hrundar,
sem við nefnum „Matreiðsla og Borðskreyting". Það telzt 8. tölublað
HRUNDAR og er til þess gert að koma til móts við óskir lesenda um
fleiri mataruppskriftir, — óskir, sem hafa komið fram við skoðana —
könnun á vilja lesenda og áhuga á efni í blaðið. í þessu fyrsta sérblaði
verða hátt á annað hundrað uppskriftir ýmis konar, auk leiðbeininga
um borðskreytingu og sjá sérmenntaðar konur um hvort tveggja. Taki
lesendur þessu blaði vel munu fleiri fylgja á eftir um ýmis þau efni, sem
lesendur hafa látið í Ijós áhuga á.
Að lokum viljum við þakka mörg góð bréf frá lesendum, bæði þau
sem flutt hafa lof og hin, sem lastað hafa. Þau eru sem betur fer færri
en við viljum gjarna, að lesendur segi hreinskilnislega álit sitt á efni
blaðsins og frágangi öllum.
dkírsfr**?
6 Með íslenzkum konum í London. Viðtöl við
Rósu Ingólfsdóttur, Elínborgu Ferrier og
Huldu Whitmore.
10 María og Thelma. Ljósmyndir: Gunnar
Larsen
12 Nýir mjnir í Þjóðminjasafni. Texti: Silja
Aðalsteinsdóttir. Ljósmyndir: Gísli
Gestsson.
15 Handavinnuþáttur. Ólöf Karlsdóttir leið-
beinir.
16 Smásaga og ljóð, Unnur Eiríksdóttir.
18 Farah Diba, þýð.: Silja Aðalsteinsdóttir.
Ljósmyndir: T.W.F.S. (frá Trans World
Feature Syndicate, m. einkarétti á íslandi).
23 Stjörnuspá.
24 Það skiptir mestu, að konan sé ánægð.
Umræðufundur um útivinnu kvenna. Ljós-
myndir: Ingimundur Magnússon.
30 Leikbrúðurnar sjö, framhaldssaga eftir Paul
Gallico, þýð. Silja Aðalsteinsdóttir. Mynd-
skreyting: Einar Hákonarson.
32 Kvöldverðarboð hjá Justitsráði og Justitiarii,
Magnúsi Stephensen.
34 Herdís Egilsdóttir, kennari skrifar fyrir
börnin.
37 Gengið í búðir. Texti: Edda Þórarinsdóttir.
Ljósmyndir: Ingimundur Magnússon.
39 Frúarleikfimi. Bára Magnúsdóttir leiðbeinir.
Ljósmyndir: Lars Björk.
40 Húsbúnaður.
42 Spáð í spil.
44 Móðureðlið.
46 Alan Bates, (frá U.P.I. með einkarétti á
íslandi).
FORSlÐUMYNDIN
ólafur K. Magnússon, Ijós-
myndari var á ferö um Austur-
stræti einn rigningardaginn í
haust, er hann mætti þessari
tvítugu Reykjavikurstúlku, sem
að þessu sinni skartar á for-
síöu HRUNDAR. Hún heitir
Dagný Erla Lárusdóttir og starf-
ar nú hjá Morgunblaöinu, en
hefur víöa flakkað frá þvi hún
iauk gagnfræðaskólaprófi fyrir
nokkrum árum, m.a. dvalizt I
Englandi, Þýzkalandi og Dan-
mörku viö nám og störf.
3