Fréttablaðið - 04.05.2013, Side 32

4. maí 2013 LAUGARDAGUR| HELGIN | 32
Flautað verður til leiks á Íslandsmóti karla í knattspyrnu um miðj-an dag á morgun eftir lengsta undirbúnings-tímabil í heimi. Gæði
fótboltans og umgjörðin í kringum
mótið, sem í ár ber nafnið Pepsi-
deildin, hafa aukist árlega síðustu
ár og virðist almennur samhljóm-
ur um að flest sé til staðar fyrir
skemmtilegt og spennandi mót.
Svarthvít barátta á toppnum?
Spekingar Fréttablaðsins spá
ríkjandi Íslandsmeistarum sigri
í Pepsi-deildinni. Hafnarfjarðar-
liðið mætir enda ógnarsterkt til
leiks með lítið breytt lið frá síð-
asta tímabili. Meistararnir hafa þó
þurft að sjá á eftir markverðinum
reynda Gunnleifi Gunnleifssyni
og hafa ákveðið að binda trúss sitt
við uppalinn FH-ing, Róbert Örn
Óskarsson, sem hefur ekki áður
verið aðalmarkvörður í efstu deild.
Markvarðarstaðan er því spurn-
ingamerki í liði FH-inga.
Önnur lið sem þykja líkleg til að
gera atlögu að Íslandsmeistaratitl-
inum eru KR, Stjarnan og Breiða-
blik. KR-ingar urðu Íslandsmeist-
arar árið 2011 og framan af sumri
í fyrra gerðu þeir sig líklega til að
endurtaka leikinn. Undir lok leik-
tíðarinnar misstu þeir hins vegar
flugið og enduðu að lokum í fjórða
sæti sem þykir ekki góður árangur
á þeim bænum þótt bikarmeistara-
titill hafi verið bót í máli.
KR-ingar verða líklega án fram-
herjans sterka Kjartans Henry
Finnbogasonar í sumar sem er
mikill missir fyrir liðið sem þó er
með breiðan hóp. Þá hafa KR-ingar
fengið til liðs við sig Eyjamanninn
Andra Ólafsson og Brynjar Björn
Gunnarsson sem er kominn aftur
heim eftir fimmtán ár erlendis.
Breiðablik lenti í öðru sæti í
fyrra eftir öflugan lokasprett og
þykir til alls líklegt í sumar. Blik-
ar eru eins og oft áður með ungt lið
fullt af efnilegum leikmönnum en
hafa bætt landsliðsmarkverðinum
Gunnleifi Gunnleifssyni í hópinn.
Springi ungir leikmenn á borð við
Árna Vilhjálmsson og Elfar Árna
Aðalsteinsson út í sumar gætu
Blikar farið langt.
Spurningarmerki á miðsvæðinu?
Völsurum er spáð fimmta sæti en
eins og síðustu ár hafa orðið mikl-
ar breytingar á liði Vals. Nýverið
varð ljóst að Rúnar Már Sigurjóns-
son, besti maður liðsins á síðustu
leiktíð, mun spila með Val í sumar
og munar miklu um hans framlag.
Hópur Vals er svo sterkur að liðið
getur gert atlögu að titlinum en þá
þarf flest að ganga upp.
Fylkismönnum er spáð sjötta
sæti en þeir hafa misst mikil-
væga leikmenn, þá Ásgeir
Börk Ásgeirsson og Ingi-
mund Níels Óskarsson. Á
móti hafa þeir fengið til liðs við
sig markahrókana Tryggva Guð-
mundsson og Viðar Örn Kjart-
ansson og Framarana Kristján
Hauksson og Heiðar Geir Júlíus-
son. Smelli nýju leikmennirnir vel
inn í liðið getur það gert atlögu að
Evrópusæti en líka lent í basli.
Framarar lentu í vandræðum
síðasta sumar eftir frábært undir-
búningstímabil. Þeir mæta til leiks
með nýja varnarlínu og hafa auk
þess fengið til liðs við sig miðju-
manninn Viktor Bjarka Arnarson
frá KR. Spurningin hvað Fram
varðar er hvernig nýju varnar-
mennirnir koma inn í liðið en með
þá Steven Lennon og Kristin Inga
Halldórsson frammi ættu Framar-
ar að skora nóg af mörkum.
Skagamenn mættu aftur til leiks
í efstu deild í fyrra eftir nokkurra
ára dvöl í 1. deild. Þeir fóru frá-
bærlega af stað en gáfu eftir þegar
leið á sumarið. Gulir og glaðir
mæta til leiks með nær sama lið og
lauk tímabilinu í fyrra en hafa þó
fengið til liðs við sig þrjá erlenda
leikmenn sem spennandi verður að
fylgjast með.
Landsbyggðarlið niður?
Fréttablaðið telur að ÍBV og Þór
sleppi naumlega við fall en að
Keflavík og nýliðar Víkings á
Ólafsvík falli. Þórsarar eru komn-
ir upp á ný eftir árs fjarveru. Þeir
koma nú til leiks reynslunni ríkari
og sem fyrr vel studdir af hinum
Mjölnismönnum.
Keflvíkingum er spáð falli en
þeir hafa verið samfellt í efstu
deild frá 2004. Keflvíkingar
munu sakna Guðmundar Stein-
arsson, markahæsta leikmanns
félagsins frá upphafi, en von-
ast til þess að efnilegir leikmenn
félagsins stígi upp og tryggi gott
sumar í Bítlabænum.
Íslandsmótið í knattspyrnu er haldið í 102. skipti í sumar
en mótið fór fyrst fram 1912. KR hefur oftast orðið Ís-
landsmeistari, alls 25 sinnum, en næst því kemur Valur með
tuttugu titla og ÍA með nítján. Síðasta áratuginn hafa FH-ingar
borið höfuð og herðar yfir önnur lið en þeir hafa unnið sex
sinnum á síðustu tíu árum. Átta af þeim tólf liðum sem spila
í efstu deild í ár hafa hampað Íslandsmeistaratitlinum en
Stjarnan, Fylkir, Þór og Víkingur Ólafsvík eiga það eftir.
➜ KR-ingar sigursælastir allra
Eftir níu ára fjarveru komu Stjörnumenn sterkir til leiks í efstu deild sum-
arið 2009 og hafa síðan fest sig í sessi sem eitt af betri liðum deildarinnar.
Síðustu ár hefur þeim oft verið spáð góðu gengi en þegar á hólminn hefur
verið komið hefur vantað herslumuninn til þess að gera alvöru atlögu
að Íslandsmeistaratitlinum. Nú velta hins vegar margir Garðbæ-
ingar fyrir sér hvort árið 2013 verði ár Stjörnumanna sem hafa
fengið til liðs við sig Garðbæinginn Veigar Pál Gunnarsson.
Veigar hefur síðasta áratuginn verið landsliðsmaður og einn
besti leikmaður norsku úrvalsdeildarinnar. Síðast þegar hann
lék á Íslandi var hann lykilmaður í liði KR sem vann tvo Ís-
landsmeistaratitla 2002 til 2003. Vonast Stjörnumenn til
þess að Veigar geti leikið sama leik með uppeldis-
félaginu en það gæti ráðist af því hvernig
gengur að binda vörnina saman.
➜ Kemur Veigar Páll Stjörnunni alla leið?
Eyjamenn hefja keppni með nýja stjörnu í broddi fylkingar:
David James, fyrrverandi landsliðsmarkvörð Englendinga.
James er sennilega stærsta nafnið sem keppt hefur í
efstu deild á Íslandi en er þó reyndar kominn af léttasta
skeiði en hann verður 43 ára í sumar. James kemur
hingað til lands í gegnum tengsl sín við nýjan
þjálfara Eyjamanna, fyrrverandi landsliðsfyrirliðann
Hermann Hreiðarsson, en þeir spiluðu saman hjá
Ports mouth í ensku úrvalsdeildinni um árabil.
Fréttablaðið spáir Eyjamönnum 9. sæti í sumar en
þeir hafa misst nokkra sterka leikmenn þegar liðið
hafnaði í 3. sæti. Vörn Eyjamanna verður sterk
eins og síðustu ár í sumar, ekki síst þar sem Eiður
Aron Sigurbjörnsson, er kominn aftur til ÍBV, en
þeir gætu lent í vandræðum framar á vellinum.
➜ Stærsta nafnið í íslenska boltanum?
Víkingur frá Ólafsvík leikur í efstu deild í fyrsta sinn í
ár eftir flott sumar í fyrstu deildinni í fyrra. Spámenn
Fréttablaðsins spá því að Víkingar fari beinustu leið aftur
niður í fyrstu deild þrátt fyrir góðan árangur á undir-
búningstímabilinu. Víkingum hefur gengið illa að styrkja
leikmannahópinn fyrir átökin í sumar og misstu þar að
auki einn besta leikmann sinn, Edin Besilja, til Þórs.
Ljóst er að mikið mun mæða á lykilmanni liðsins,
Guðmundi Steini Hafsteinssyni sem var markahæsti
leikmaður fyrstu deildarinnar í fyrra, og þá hafa
Víkingar fengið til liðs við sig þrjá erlenda leikmenn
sem gætu hafa styrkt liðið. Fari Víkingar vel af stað og
takist þeim að byggja upp stemningu í kringum liðið er
aldrei að vita hve langt þeir geta farið en skrefið upp úr
fyrstu deild gæti reynst liðinu of stórt.
➜ Ólsarar mættir til leiks
1.
SÆ
TI
2.
SÆ
TI
Næsta laugardag verður fjallað um
Pepsi-deild kvenna sem fer af stað á
þriðjudag.
SPÁ FRÉTTABLAÐSINS 2013
3.
S
Æ
TI 4. S
ÆT
I
5.
S
Æ
TI
6.
SÆ
TI
7.
SÆ
TI
8.
SÆ
TI
9.
SÆ
TI
10
. SÆ
TI
11
. S
Æ
TI
12.
SÆ
TI

FR
ÉT
TA
BL
AÐ
IÐ
/S
TE
FÁ
N
FH spáð Íslandsmeistaratitlinum
Boltinn byrjar að rúlla í Pepsi-deild karla á morgun en opnunarleikur Íslandsmótsins verður leikur ÍBV og ÍA í Vestmanna-
eyjum. Spekingar Fréttablaðsins spá því að FH verji Íslandsmeistaratitill sinn frá því í fyrra en mörg sterk lið standa í veginum.
Magnús Þorlákur
Lúðvíksson
magnusl@frettabladid.is