Fréttablaðið - 20.09.2014, Page 6

20. september 2014 LAUGARDAGUR| FRÉTTIR |
NÁTTÚRA Hreindýraveiðitímabilinu
lýkur í dag, en kýr eru almennt
veiddar til 20. september og tarfar
til 15. september. Heildar kvótinn
var 657 kýr og 620 tarfar. Allir tarf-
arnir veiddust nema tíu.
„Það hefur gengið treglega að
úthluta síðustu daga þeim leyfum
sem eru eftir vegna þess að það er
síður að menn taki leyfi þegar það
er þoka,“ segir Jóhann Guttormur
Gunnarsson hjá Umhverfis stofnun.
Jóhann Guttormur segist ekki
merkja breytta hegðun dýranna
vegna eldgossins í Holuhrauni. Enda
séu dýrin langt frá gosinu sjálfu og
það séu því bara loftefnin sem hafi
áhrif á þau. Einn leiðsögumaðurinn
hafi þó fundið fyrir viðbrögðum
dýranna seinni partinn í síðustu
viku. Þá var sá með tvo veiðimenn
með sér og mesta brennisteinsdíox-
íðið mældist í Reyðarfirðinum.
„En þá var hann kominn upp í
meiri hæð en þau svæði sem hrein-
dýrin eru á og það var komið logn og
móðan var farin að leggjast niður,“
segir Jóhann Guttormur. Annars
hafi menn meira orðið varir við gos-
efnin sem mökk í loftinu og þau hafi
ekki náð til jarðar.
„Menn hafa ekki verið að tala
mikið um þetta og ég held að menn
hafi verið dálítið heppnir með það
hvernig þetta hefur lagst. Þetta
hefur lagst á svæði þar sem ekki er
mikið af dýrum,“ segir hann. - jhh
Heildar-
kvóti
hreindýra á Íslandi.
1277
6
Mikil þoka leiddi til þess að treglega gekk að úthluta hreindýraveiðileyfum síðustu daga veiðitímabilsins:
Tíu tarfar urðu eftir af hreindýrakvótanum
Á VEIÐUM Sævar Guðjónsson, leið-
sögumaður frá Mjóeyri, mundar
byssuna. FRÉTTABLAÐIÐ/VALLI
LÖGREGLUMÁL Þingfesting í máli
35 ára manns sem ákærður er
fyrir sérstaklega hættulega lík-
amsárás fór fram í Héraðsdómi
Reykjavíkur í gær.
Honum er gefið að sök að hafa
aðfaranótt 9. september 2012,
á veitingastaðnum Dillon við
Laugaveg, slegið mann ítrekað
með glerflösku í höfuðið með
þeim afleiðingum að hann hlaut
mörg opin sár á höfði. Árásar-
maðurinn er krafinn um eina
milljón króna í miskabætur. - hó
Þingfesting í héraðsdómi:
Sleginn ítrekað
með flösku
Otrivin Comp - gegn
nefstíflu og nefrennsli
Andaðu með nefinu
BRETLAND Alex Salmond, fyrsti
ráðherra skosku stjórnarinnar,
ætlar að láta af ráðherraembætti
og embætti formanns skoska Þjóð-
arflokksins.
Ákvörðunin var tilkynnt í gær
en Skotar höfnuðu sjálfstæði í
þjóðaratkvæðagreiðslu sem fram
fór í fyrradag. Um 55 prósent
kjósenda greiddu atkvæði með
áframhaldandi aðild að breska
sambandsveldinu en 45 prósent
kjósenda greiddu atkvæði með
aðskilnaði. Eftir að úrslitin lágu
fyrir hvatti Salmond flokkana sem
aðhyllast sameinað Bretland að
treysta Skotum fyrir meiri áhrif-
um innan sambandsveldisins.
David Cameron, forsætisráð-
herra Breta, fagnar úrslitunum
og sagði í gær að Bretar myndu
sýna samstöðu. Staðið yrði við
loforð um að skoska þingi fengi
aukin áhrif. Hann hefur skipað
Smith lávarð af Kelvin til þess að
hafa umsjón með nauðsynlegum
aðgerðum til að loforðunum verði
framfylgt. Cameron sagði líka að
það þyrfti að fást niðurstaða við
„ensku spurningunni“ eins og hún
er kölluð. Það er hvort þingmenn
frá Skotlandi, Norður-Írlandi og
Wales fái aukin áhrif á málefni
Englands.
Barack Obama, forseti Banda-
ríkjanna, fagnaði líka niður-
stöðunni og óskaði Skotum til
hamingju með lýðræðislegar
kosningar. „Við eigum enga nán-
ari bandamenn en breska kon-
ungsveldið. Og við hlökkum til
samskipta okkar við fólkið í Bret-
landi og Norður-Írlandi við að fást
við þau verkefni sem allur heim-
urinn stendur andspænis í dag,“
sagði Obama í yfirlýsingu. Sterk
viðbrögð urðu við úrslitunum á
breskum mörkuðum. Royal Bank
of Scotland tilkynnti að bankinn
yrði áfram með höfuðstöðvar í
Skotlandi, en stjórnendur bankans
höfðu hótað því að þær yrðu flutt-
ar. Þá hækkuðu hlutabréf í bresku
Kauphöllinni umtalsvert.
jonhakon@frettabladid.is
Aðgerðir til að efna
loforðin við Skota
Skotar höfnuðu sjálfstæði í þjóðaratkvæðagreiðslu sem fram fór í fyrradag. For-
sætisráðherra Breta fagnar niðurstöðunni og heitir því að staðið verði við loforð
um að auka áhrif skoska þingsins. Nauðsynlegt sé að svara „ensku spurningunni“.
NIÐURSTÖÐUNNI FAGNAÐ Samveldissinnar höfðu ástæðu til að gleðjast aðfara-
nótt föstudagsins. NORDICPHOTOS/AFP
Pauline McCarthy hefur búið hér á Íslandi um nokkurt
skeið og vildi aðskilnað Skota. „Ég held að margir þeirra
sem sögðu nei hafi verið hræddir,“ segir hún um niðurstöð-
ur kosninganna. „Pabbi aðhylltist aðskilnað og svo mánuði
fyrr skipti hann um skoðun og kaus sameinað Bretland,“
segir McCarthy. Þegar hún hafi spurt föður sinn um breytta
afstöðu hafi hann sagt að hann væri hræddur um að missa
eftirlaunin sín ef Skotar yrðu sjálfstæðir. Nú sé að bíða og
sjá hvort staðið verði við loforð um aukin áhrif Skota. „Í
raun eru þetta eintóm loforð því Cameron hefur ekki umboð til þess að
gefa þessi loforð. Margir þingmenn munu leggjast gegn því að Skotar geti
haft áhrif á málefni Englands án þess að Englendingar geti haft áhrif á
Skota,“ segir hún.
Margir sem sögðu nei voru hræddir
BRETLAND „Þetta var vissulega
niðurstaðan sem breska ríkis-
stjórnin vonaðist eftir,“ segir
Stuart Gill, sendiherra Breta á
Íslandi, um niðurstöðu þjóðarat-
kvæðagreiðslunnar í Skotlandi.
„Fólkið hefur sagt sína skoðun og
nú tökum við næstu skref út frá
því.“
Gill segist telja það mikilvægt
að skoða niðurstöður atkvæða-
greiðslunnar og taka tillit til þess
að 45 prósent kosningabærra
Skota hafi kosið sjálfstæði þjóðar
sinnar.
„Skoska þjóðin hefur nú meðal
annars greitt atkvæði með sterk-
ara þingi,“ segir Gill. „Það er
þess vegna sem Cameron hefur
tilkynnt að hann muni ásamt
Smith lávarði af Kelvin ganga
hratt til verks við að innleiða
þessar nýju tillögur um aukið
framsal valds.“
Gill á ekki von á því að sam-
band Englendinga og Skota breyt-
ist mikið í kjölfar kosninganna.
Saga Bretlandseyja hafi í gegn-
um tíðina mótast af fjölmörgum
stjórnar skrárbreytingum. „Síð-
ustu 307 árin hafa þessar breyt-
ingar svo átt sér stað innan sam-
bandsins, og því verður eins
háttað nú,“ segir hann. „Það verða
breytingar en þær verða allar
gerðar innan sambandsins.“ - bá
Sendiherra Breta telur það mikilvægt að taka tillit til úrslita kosninganna:
Niðurstaðan sem stjórnin vildi
SÁTTUR VIÐ
NIÐURSTÖÐ-
UNA Stuart Gill
sendiherra segir
að bresk stjórn-
völd muni sem
fyrst innleiða
breytingar á sam-
bandi Englands
og Skotlands.
FRÉTTABLAÐIÐ/ANTON