Fréttablaðið - 20.09.2014, Qupperneq 80

20. september 2014 LAUGARDAGUR| HELGIN BÆKUR | 40
Það er alls ekki meiningin að reyna að lýsa hlutskipti ungra karlmanna, enda veit ég ekki hvort ég er til þess fallinn. Mér finnst það dálítið mikil ein-földun að útgangspunkturinn
sé viðhorf ungs karlmanns. Ég held að
það hvernig fólk almennt hugsar sé að
breytast, án þess að ég ætli mér að vera
með einhverjar yfirlýsingar um hlutverk
kynjanna,“ segir Sverrir Norland, spurð-
ur hvort hann sé að lýsa hlutskipti ungra
karlmanna í samtímanum í skáldsögunni
Kvíðasnillingar. „Þetta er miklu meira
mín fantasía um mína kynslóð heldur en
einhver raunsæ lýsing á lífi hennar.“
Kvíðasnillingarnir er fyrsta skáld-
saga Sverris en hann hefur áður sent frá
sér smásögur og ljóð auk þess að halda
úti eigin vefsíðu, þar sem ný myndasaga
birtist á hverjum degi, og hafa reynt
fyrir sér sem tónlistarmaður. Þar sem
aðalpersónurnar þrjár, vinirnir Steinar,
Óskar og Herbert, eru myndasöguteikn-
ari, tónlistarmaður og skáld liggur beint
við að spyrja hvort þeir séu birtingar-
myndir ólíkra hliða hans sjálfs. „Já, ætli
það ekki bara,“ segir hann og hlær. „En
þeir hafa auðvitað ýmsa drætti frá öðrum
líka.“
Eitt af því sem vekur athygli við lestur
bókarinnar er málfar persónanna, sem
er ansi sérstakt. „Ég vil ekkert líkja eftir
því hvernig fólk talar í raunveruleikan-
um,“ segir Sverrir. „Ég læt vinina tala
miklu flottara mál þegar þeir eru strákar
heldur en þegar þeir eru fullorðnir og
hugsunin á bak við það var að þegar þeir
eru litlir vita þeir í rauninni ekkert hverj-
ir þeir eru og herma bara eftir því sem
þeim finnst flott. Þegar þeir eldast kemur
í ljós að sérstaklega skáldið kann bara
alls ekki að tala, það endurspeglar dálítið
hver hann er og suma af minni kynslóð
finnst mér.“
Í bókinni eru sterkar vísanir í það sem
hefur gerst í íslensku samfélagi undan-
farin ár en Sverrir segist hafa reynt að
halda því í bakgrunni sögunnar. „Ég er
ekki, allavega ekki enn, neitt að reyna að
predika. Mér finnst það rýra skáldskap-
inn. Ég hef skrifað mjög mikið undan-
farin ár og eiginlega skapað eigin heim,
þótt það hafi ekki verið markmiðið. Það
var kannski bara tilviljun að þessar per-
sónur lentu í þessari bók en ekki einhverri
annarri. Ég er með nokkrar aðrar sögur
í vinnslu þar sem sumar persónurnar úr
þessari koma fyrir.“
En hvernig myndi Sverrir skilgreina
þema Kvíðasnillinganna? „Líklega mætti
súmmera þema bókarinnar upp ein-
hvern veginn svona: Langar okkur ekki
öll að vera hamingjusöm, rækta hæfileika
okkar, finna ástina, bægja burt kvíðanum
og verða heilsteyptar og vandaðar mann-
eskjur? Ég held að bókin fjalli að mestu
leyti um slíka drauma og leitina að sama-
stað í tilverunni. Að verða ástfanginn af
einhverjum sem fagnar manni eins og
maður er og kennir manni að slappa af. Að
kynnast því hvernig vinirnir geta svikið
mann og hvað það er nauðsynlegt að fyrir-
gefa þeim og fatta um leið að það er allt
í lagi að klúðra stundum málum og láta
bara allt fara í steik, þannig er það ein-
faldlega að vera mennskur. Við erum flest,
ef ekki öll, hálfgerðir kvíðasnillingar.“
Friðrika
Benónýsdóttir
fridrikab@frettabladid.is
Fantasía um
eigin kynslóð
Kvíðasnillingarnir eftir Sverri Norland segir sögu þriggja vina
frá æsku til fullorðinsára. Sverrir er þó alls ekki á því að flokka
beri bókina sem strákabók eða líta á hana sem lýsingu á lífi
ungra karlmanna í dag, það sé allt of mikil einföldun.
SVERRIR NORLAND „Langar okkur ekki öll að vera hamingjusöm, rækta hæfileika okkar, finna ástina,
bægja burt kvíðanum og verða heilsteyptar og vandaðar manneskjur?” FRÉTTABLAÐIÐ/VALLI
Íslensku rithöfundarnir Sjón, Yrsa Sig-
urðardóttir, Eiríkur Örn Norðdahl, Andri
Snær Magnason og Lani Yamamoto
koma fram á Bókamessunni í Gautaborg
sem hefst í næstu viku. Bókamessan
á stórafmæli um þessar mundir en
þetta verður í 30. skiptið sem messan
er haldin. Bókamessan er stærsta
bókasýning Norðurlanda en hana sækja
árlega um 100.000 gestir.
Meira verður við haft af Íslendinga
hálfu á bókamessunni í Gautaborg í
september 2015 því þar verða íslenskar
bókmenntir og höfundar í brennidepli í
sérstakri dagskrá messunnar sem kallast
Raddir frá/Röster från. Því verður hópi
íslenskra rithöfunda boðið að taka þátt
í dagskrá messunnar að ári.
FÆRT TIL
BÓKAR
!
Boðið verður upp á furðusagna-
smiðjur með rithöfundinum og
bókmenntafræðingnum Emil
Hjörvari Petersen á Lestrarhátíð í
Bókmenntaborg í október. Emil mun
einnig halda þrjá opna fyrirlestra um
furðusögur og geta áhugasamir því
fræðst um ýmsa anga furðusögunnar.
Furðusagnasmiðjur
Smásagnaverðlaun BBC verða veitt
30. september og tilnefndar sögur,
fimm talsins, eru allar eftir konur. Er
það í þriðja sinn á níu árum sem það
gerist. Saga Zadie Smith þykir sigur-
strangleg en aðrir tilnefndir höfundar
eru Lionel Shriver, Rose Tremain,
Tessa Hadley og Francesca Rhydderch.
Eintómar konur
Bókamessan í Gautaborg að hefj ast
VERÐLAUNABARNABÓKAHÖFUNDAR
Lani Yamamoto og Andri Snær Magnason
eru meðal þeirra íslensku höfunda sem
koma fram á messunni.
LJÓÐ
EINARS MÁS
Á ENSKU
Safn fimmtíu
valdra ljóða
Einars Más
Guðmundssonar
er komið út á
ensku í þýðingum
ýmissa eðal-
þýðenda og nefn-
ist bókin On the
Point of Eruption.