Skessuhorn - 26.11.2014, Side 32

32 MIÐVIKUDAGUR 26. NÓVEMBER 2014
Andri Geir Alexandersson, 24
ára námsmaður frá Akranesi, er
nú að ljúka námi í George Wash-
ington University í Washington
DC í Bandaríkjunum. Þangað fór
Andri til að stunda nám í alþjóða-
viðskiptum og fjármálum haustið
2012 en hann hefur einnig verið
lykilleikmaður í fótboltaliði skól-
ans. Andri býr nú í Washington
ásamt Svövu Mjöll Viðarsdóttur,
eiginkonu sinni, og segir hann að
fótboltinn hafi í raun opnað fyr-
ir þann möguleika að fara til náms
í útlöndum. „Eftir að ég kláraði
framhaldsskóla blundaði einhver
ævintýraþrá í mér og ég vildi prófa
eitthvað alveg nýtt. Ég komst að
því að ég gæti sótt um styrk til
náms í gegnum fótbolta en ég var
þá að spila með ÍA. Það var auð-
vitað frábært að geta nýtt sér slíkt
tækifæri. Ég sendi því tölvupósta
til aðila ytra og loks myndbönd af
mér að spila fótbolta og fékk fljót-
lega inngöngu í skóla. Fyrsta vet-
urinn minn í Bandaríkjunum var
ég í Miami. Þar gekk mér mjög vel
og var boðið að ganga í George
Washington University næsta
skólaár. Mér leist strax mjög vel á
það tilboð enda skólinn góður og
er ég mjög þakklátur fyrir að hafa
fengið slíkt tækifæri,“ segir Andri
og bætir við að hann hefði senni-
lega aldrei lagt í þetta nám án þess
að hafa fengið styrk til þess. „Þess-
ir styrkir skipta öllu enda er nám-
ið mjög dýrt. Í Miami var árið að
kosta um þrjár milljónir króna og
í Washington helmingi meira. Ég
hefði því aldrei getað farið í þetta
nám án fótboltastyrksins sem
borgar skólagjöldin, allar trygg-
ingar og bækur.“
Mikill heiður að
vera fyrirliði
Andri spilaði nú í sumar með HK
í fyrstu deildinni en áður hefur
hann spilað með ÍA, meðal annars
í Pepsí-deildinni. Hann segir að
háskólafótboltinn í Bandaríkjun-
um sé ólíkur þeim íslenska. „Þetta
er náttúrulega mjög stórt og fjöl-
mennt land svo það eru mjög mörg
lið. Ég er að spila í efstu deild há-
skólaboltans en ég myndi samt ekki
segja að þar sé spilaður betri fót-
bolti en í efstu deild heima á Ís-
landi. Hérna er meira um hlaup
og líkamlega áreynslu á meðan það
Vélsleðamennirnir Róbert Mars-
hall og Ingólfur Eldjárn hafa
komið fyrir þriggja metra háum
viðvörunarþríhyrningi við gjá
suður af Skjaldbreið þar sem hinn
fyrrnefndi stórslasaðist síðasta
vetur. Á þrífætinum er áletrun-
in HÆTTA! ásamt GPS hnitum
staðarins. Það var myndlistamað-
urinn Árni Páll Jóhannsson sem
hannaði viðvörunarmerkið sem er
með vindhana efst en það er bolt-
að í bergið við gjánna. Trygginga-
félögin TM, Sjóvá, VÍS, og Vörð-
ur styrktu framtakið, ásamt Land-
sambandi Vélsleðamanna.
Það var í mars síðastliðnum
sem þeir félagar fóru í vélsleða-
ferð og lá leið þeirra m.a. um fjall-
ið Skjaldbreið. Leiðangurinn fékk
snöggan og vondan endi þegar
sleði Róberts steyptist ofan í jarð-
fall mikið við rætur fjallsins. Hlaut
hann umtalsverða áverka en slapp
þó með ólíkindum vel miðað við
aðstæður og hefur að fullu náð
fyrri styrk og getu og sestur að
nýju á Alþingi. Fljótlega eftir slys-
ið kom upp sú hugmynd í samtöl-
um þeirra ferðafélaga að merkja
þyrfti þennan stað öðrum til varn-
aðar, en þarna var áður viðvörun-
armerki sem hafði veðrast burt.
Það er von þeirra að þetta megi
verða til að gera ferðir þeirra sem
ferðast um svæðið öruggari. mm
Komu upp viðvörunar­
þríhyrningi á slysstað
við Skjaldbreið
Fótboltinn opnaði dyrnar fyrir nám erlendis
Rætt við Andra Geir Alexandersson háskólanema og knattspyrnumann í Bandaríkjunum
er mun meira um tækni og leik-
skilning í íslenska boltanum. Há-
skóladeildin hér ytra er þó alltaf að
batna og koma erlendra leikmanna
spilar þar stórt hlutverk. Íslenskir
leikmenn, bæði stelpur og strákar,
eru sem dæmi mjög eftirsóttir leik-
menn hérna,“ segir Andri. Hann
hefur staðið sig vel með fótboltaliði
skólans og var meðal annars fyrir-
liði þess og kjörinn besti leikmað-
ur þarsíðasta skólaárs. „Það er búið
að ganga mjög vel hjá mér. Ég spil-
aði alla leiki og var orðinn fyrirliði
strax eftir fyrstu önnina. Það var
mikill heiður enda ekki oft sem út-
lendingar fá fyrirliðabandið. Þá var
ég kjörinn besti leikmaður liðsins á
þarsíðasta skólaári og var það einn-
ig mikill heiður.“
Námið hefur forgang
Andri segir að námið og fótboltinn
fari mjög vel saman en námið sé
þó alltaf sett í forgang. „Þeir setja
upp námið fyrir mig þannig að ég
er aldrei í skólanum á sama tíma og
það er æfing. Yfirleitt er ég á æf-
ingu á morgnana og í skólanum eft-
ir hádegi. Þeir hjá skólanum leggja
mikla áherslu á að námið komi
fyrst og gera kröfu til að nemend-
ur sem eru í íþróttaliðunum standi
sig vel í náminu. Að vera í fótbolta-
liðinu hefur einnig haft marga kosti
utan skólans. Um leið og ég kom á
fyrstu æfingu var ég strax búinn að
eignast 20 nýja vini og það mynd-
ast góður kjarni sem ég gat hangið
með utan skólatíma. Einnig fór ég í
fjölda keppnisferða með liðinu. Ég
held að ég sé búinn að heimsækja
allavega tólf fylki í slíkum ferðum.
Það hefði ég sennilega aldrei gert ef
ég væri ekki í fótboltaliðinu,“ seg-
ir Andri.
Kann vel við skólalífið
í Washington
Andri segist kunna mjög vel við sig
í höfuðborginni en hann og Svava
leigja íbúð á háskólasvæðinu sem
Andri segir að sé mikið alþjóðasam-
félag. „Það er ótrúlega gaman hvað
ég hef kynnst mörgum frá ólíkum
löndum. Bæði eru leikmenn liðsins
frá mörgum löndum og þeir nem-
endur sem ég stunda námið með,“
segir Andri en auk þess að kynnast
mörgu ólíku fólki segir hann félags-
lífið vera mjög gott. „Hér er alltaf
eitthvað um að vera. Það eru fullt af
háskólabörum þar sem fólk hittist,
allskonar nefndir í skólanum sem
skipuleggja fjölda viðburða og svo
er auðvitað mikið að gerast í sjálfri
borginni. Hér er til dæmis hægt að
skella sér á körfubolta-, íshokkí-
eða ameríska fótboltaleiki og kosta
miðar á þá yfirleitt ekki mikið. Þá
eru oft einhverjir tónleikar og aðr-
ir viðburðir í borginni,“ segir Andri
um kosti þess að búa í Washing-
ton.
Frábær tími en nú
verður haldið heim
Andri hefur nú spilað sinn síðasta
leik fyrir liðið og var haldinn við-
eigandi athöfn til að kveðja íslenska
fyrirliðann. Fjölskylda Andra mætti
til að horfa á leikinn og segist hann
geta skilið sáttur við liðið og skól-
ann þegar hann fer endanlega heim
til Íslands um jólin. „Eftir þrjú og
hálft ár í Bandaríkjunum er kom-
inn tími til að fara aftur heim. Þetta
er búið að vera mikið ævintýri og
ótrúlega gaman. Við Svava erum
spennt að flytja aftur heim til Ís-
lands og verða nálægt fjölskyldu
og vinum á ný. Næst á dagskrá hjá
okkur er að finna góða vinnu á Ís-
landi og sjá svo til með framhald-
ið, segir Andri að lokum. Hann vill
segja við alla þá sem eru að íhuga
að sækja um íþróttastyrki í Banda-
ríkjunum: „Ég mæli hiklaust með
því að þeir, sem eiga þess kost að
komast í nám með íþróttastyrki, láti
vaða og drífi sig út, þið munuð ekki
sjá eftir því.“ jsb
Andri og Svava ásamt fjölskyldu Andra í þeirra síðustu heimsókn en í bakgrunni
má sjá eitt frægasta kennileiti borgarinnar, Washington Monument.
Andri Geir í skólanum í Washington.
Hér sést Andri ásamt Arnþóri Inga Kristinssyni þegar þeir félagar léku í liði há-
skólans í Miami.