Skessuhorn - 26.11.2014, Blaðsíða 42

42 MIÐVIKUDAGUR 26. NÓVEMBER 2014
Ásbyrgi í Stykkishólmi er vinnu-
stofa fyrir fullorðið fólk með tak-
markaða starfsgetu. Hún er rekin
af Félags- og skólaþjónustu Snæ-
fellinga. Þar starfa flestir að ýms-
um verkefnum en eru jafnframt
að hluta úr degi eða viku í störf-
um á almennum vinnumarkaði, þá
með eða án stuðnings. Þannig gefst
fólkinu kostur á að vera þátttakend-
ur í fjölbreyttum störfum í samfé-
laginu, öllum til hagsbóta. Vinnu-
stofan hóf starfsemi í ágúst 2012 og
hefur því verið við lýði í rúm tvö ár.
Reynslan af henni er afar góð. Það
er í nægu að snúast fyrir alla tólf
sem þar starfa í dag.
Nóg að gera
„Þetta gengur mjög vel. Við fáum
mikið af verkefnum. Til dæmis höf-
um við verið að sauma taupoka utan
um svokallaða svínahryggi sem eru
stoðpúðar sem eru notaðir við end-
urhæfingu og æfingar bakveikra
hér á sjúkrahúsinu. Nú síðast í gær
kom svo beiðni um að við tækj-
um að okkur merkingar á staurum
eða rörum í tengslum við ljósleið-
aralagningu í Helgafellssveit. Þetta
er svona nýjasta dæmið um verk-
efni sem við munum sennilega taka
að okkur,“ segir Hanna Jónsdóttir
þroskaþjálfi og forstöðumaður Ás-
byrgis.
Mikið er um endurvinnslu á ýmsu
efni, svo sem úr fatnaði og kertaaf-
göngum sem fara þá í að framleiða
ný kerti. „Við tökum líka við notuð-
um gleraugum, farsímum, umslög-
um með frímerkjum og fleiru. Svo
eru einnig framleiddir hér taupok-
ar sem eru notaðir til innkaupa en
Stykkishólmur varð nýlega plast-
pokalaus bær. Verslanirnar kaupa
þá af okkur. Síðan er framleiðsla á
ýmsu öðru smálegu sem við seljum.
Við erum einnig með matjurtagarð
hér fyrir utan. Lionsmenn komu og
smíðuðu fyrir okkur sólpall. Garð-
húsgögn þar voru svo smíðuð af
starfsfólkinu hér í Ásbyrgi.“
Pakka þurrkuðum þara
Nýjasta verkið sem starfsmenn Ás-
byrgis hafa tekið að sér er að pakka
þurrkuðum þara í neytendapakkn-
ingar. Þurrkaði þarinn er fram-
leiddur af fyrirtækinu Íslenskri blás-
kel í Stykkishólmi og fer til kaup-
enda í Danmörku. Íslensk bláskel
hefur stundað þessa vinnslu með
góðum árangri. Símon Sturluson
framkvæmdastjóri Íslenskrar blás-
keljar segir að þarinn fari á markað
hér innanlands en langmest erlend-
is. Fólk borðar hann sem heilsufæði
og sælgæti. Líkja má þaranum við
fjallagrösin og sölin sem Íslending-
ar hafa borðað um aldir. „Hingað
til höfum við verið að selja hann í
stórum einingum. Núna kom hins
vegar ósk frá Danmörku um að fá
sendingu í neytendapakkningum,
það er 20 grömm í hverjum poka,
bæði af beltisþara og marínkjarna.
Við vorum að senda þúsund slíka
pakka þangað héðan frá Stykkis-
hólmi. Við sömdum við vinnustof-
una Ásbyrgi að þau tækju að sér að
pakka þessu fyrir okkur. Það hefur
gengið mjög vel og fyrsta sendingin
sem sagt farin af stað,“ segir Sím-
on. „Þari og þang til manneldis er
mjög vannýtt auðlind. Eftirspurnin
er alltaf að aukast meir og meir.“
Hanna Jónsdóttir segir að starfs-
menn Ásbyrgis setji 20 grömm af
þurrkaða þaranum í hvern poka,
límt sé fyrir og miðar límdir á rétta
staði. Þetta er nákvæmnisvinna.
„Lionsmenn hér í Stykkishólmi
komu til okkar og gáfu okkur vog,
vél til að prenta merkimiða og tæki
til að líma fyrir pokana.“
Fjölbreytt störf
Þegar blaðamaður Skessuhorns
leit við í Ásbyrgi voru starfsmenn
nýkomnir úr hádegsmat. Vinnu-
dagurinn er frá átta á morgnana til
fjögur síðdegis. „Við borðum allt-
af í hádeginu í mötuneyti Dvalar-
heimilis aldraðra sem er hér hand-
an götunnar. Það er mjög gott að
komast þannig út. Skipta um um-
hverfi og hitta fleira fólk.“
Þrjú þeirra sem starfa í Ásbyrgi
voru inni við þegar blaðamann bar
að garði. Ólafía Sæunn Hafliða-
dóttir sat niðursokkin við sauma-
vélina. „Ég sauma taupokana al-
veg hreint á fullu. Svo skreyti ég
þá. En ég geri líka margt annað,“
sagði hún. Davíð Einar Davíðs-
son sat andpænis henni og mál-
aði á léreft. „Ég er líka að vinna
í Bónus og á lögreglustöðinni,“
sagði hann.
Sigurður Fannar Gunnsteins-
son sinnti öðrum störfum. „Ég er
að hreinsa vaxið úr sprittkertunum.
Ég mála líka dósir utan um útikerti.
Svo vinn ég á bensínstöðinni hérna í
Stykkishólmi.“ Að þessu sögðu kom
Einar Marteinn Bergþórsson í hús
að loknu verkefni úti í bæ. „Ég keyri
hádegismat frá mötuneytinu í Dval-
arheimilinu í grunnskólann. Svo er
ég líka að vinna hjá áhaldahúsinu
hjá Stykkishólmsbæ. Nú förum við
að byrja að setja upp jólaskrautið í
bænum. Það er mikil vinna þar sem
við notum kranabíl. Ég hef líka ver-
ið að pakka þaranum,“ sagði Ein-
ar og sýndi snyrtilega pokana með
innpökkuðum þara frá Íslenskri
bláskel. mþh
Ásbyrgi er til húsa í gamla skólastjórabústaðnum við gamla barnaskólann í Stykkishólmi. Á myndinni ganga starfsmenn til
þess að bera út póst í bænum.
Ásbyrgi í Stykkishólmi hefur starfað í rúm tvö ár:
Næg og fjölbreytt verkefni í samfélaginu
Hanna Jónsdóttir þroskaþjálfi stjórnar störfum í Ásbyrgi. Ólafía Sæunn Hafliðadóttir saumar meðal annars taupoka og skreytir.
Davíð Einar Davíðsson vinnur í Bónus og á lögreglustöðinni þegar hann er ekki
að störfum í Ásbyrgi.
Sigurð Fannar Gunnsteinsson má oft finna í vinnu á bensínstöðinni í Hólminum.
Einar Marteinn Bergþórsson með poka af innpökkuðum þara sem fer á markaði
erlendis.