Skessuhorn - 26.11.2014, Síða 76

76 MIÐVIKUDAGUR 26. NÓVEMBER 2014
Mestallt þetta ár hefur ungur lækn-
ir frá Akranesi, Bergþóra Þorgeirs-
dóttir, starfað á Fjórðungssjúkra-
húsinu á Akureyri þar sem hún ætlar
að starfa fram á næsta sumar. Með-
fram læknisstarfinu á sjúkrahúsinu
bregður hún sér upp í sjúkraflugvél-
ar að sinna þeim sjúklingum sem á
því þurfa að halda. Bergþóra er fædd
á sjúkrahúsinu á Akranesi 6. nóvem-
ber 1987 og er því nýorðin 27 ára.
Hún er dóttir Þorgeirs Jósefsson-
ar sem starfar hjá Skaganum hf og
Guðbjargar Þórisdóttur leikskóla-
kennara á Akraseli á Akranesi. „Ég
er einnig ótrúlega heppin að eiga
yndislega fósturmóður, Pálínu Ás-
geirsdóttur og þrjú frábær systk-
ini, Jósef Halldór, Þóru Björk og
Svönu.“ Bergþóra flutti mjög ung
með móður sinni í Garðabæ og bjó
þar þangað til þær fluttum aftur á
Skagann árið 2003. Sambýlismað-
ur Bergþóru er Arnar Hákonarson
úr Grafarvoginum í Reykjavík en
hann útskrifaðist úr læknisfræði frá
háskólanum í Debrecen í Ungverja-
landi í sumar og vinnur líka á sjúkra-
húsinu á Akureyri.
Kynntist vel
sjúkrahúsi í æsku
Snemma á ævinni kynntist Bergþóra
sjúkrahúsi. „Ég átti heima á Vífils-
stöðum til tíu ára aldurs þar sem
ég var annað hvort að klifra í trjám
eða væflast um Vífilsstaðaspítala að
benda fólki á áhættur reykinga, var
sem sagt óþolandi barn. Ég held að
ég hafi vanist sjúkrahúsum ágætlega
þarna og vissi frekar snemma að mig
langaði að eiga hlustunarpípu og
reyna að lækna fólk. Annars ætlaði
ég að verða fræg leikkona í Holly-
wood. Það verður kannski seinna.
Annars skiptust áhugamálin eftir
stöðum. Ég var yfirleitt á sumrin á
Akranesi og hafði þá mikinn áhuga
á fótbolta og æfði stíft, líklega af því
að allir hinir voru svo áhugasamir.
Svo hætti það þegar ég fór í bæinn á
veturna en þá var ég í ballett.“
Var bent á læknanámið
í vinnunni
Þegar grunnskólanámi Bergþóru
lauk ákvað mamma hennar að flytja
aftur til Akraness. „Ég fylgdi með og
fór í FVA á náttúrufræðibraut. Fékk
þar ótrúlegan áhuga á frönsku og
sótti um að fara sem skiptinemi til
Frakklands. Fyrst var ekki nægilega
mikið pláss svo ég sendi skiptinema-
samtökunum þar mjög smeðju-
legt bréf um hversu frönsk ég væri
í hjartanu og þeir bættu við plássi
fyrir mig. Þar var ég hjá góðri fjöl-
skyldu í eina önn og lærði frönsk-
una mjög vel. Því miður virðist ég
núna bara geta talað hana þegar ég
er í gleðskap en hún skilst víst ekk-
ert rosalega vel.“ Bergþóra kom svo
heim og kláraði Fjölbraut ári seinna,
vorið 2006. „Ég var ekki alveg til-
búin að fara strax í skóla og ákvað
ásamt fjórum góðum vinkonum að
fara til Danmerkur í lýðháskóla þar
sem við vorum í eina gleðiönn. Eftir
það var ég svo að vinna og hafa það
skemmtilegt. Vann m.a. á sjúkrahús-
inu á Akranesi sem starfstúlka á E-
deildinni gömlu. Þar var sjúkraliði
sem þekkti læknanema í háskólan-
um í Debrecen í Ungverjalandi og
benti mér á að það væri inntökuvið-
tal í skólann daginn eftir. Eftir mikið
Bergþóra Þorgeirsdóttir læknir frá Akranesi:
Ákvað með dags fyrirvara að fara í inntökuviðtal fyrir læknanám
og gott pepp frá annarri starfsstúlku
á deildinni ákvað ég að slá til og hún
keyrði mig þangað og beið með-
an ég fór í viðtalið. Ég fór algjör-
lega óundirbúin og gat ekki svar-
að mörgum spurningum en komst
inn því ég var með svo jákvætt við-
horf til lífsins. Ég flaug svo út viku
seinna. Ekki alveg útpælt en án efa
besta ákvörðun sem ég hef tekið. Ári
seinna fór ég svo með hinni starfs-
stúlkunni í inntökuviðtalið, hún
komst inn og við urðum sambýling-
ar og skásystur.“
Starfar á sjúkrahúsinu
og í sjúkrafluginu
Eftir sex ára nám í Ungverja-
landi útskrifaðist Bergþóra í júní
2013. „Síðan hef ég verið að vinna
á Sjúkrahúsinu á Akranesi, Slysa-
varðsstofunni í Reykjavík og svo
á Akureyri síðan í febrúar og verð
hér þangað til í júní á næsta ári. Ég
starfa bæði á sjúkrahúsinu og tek svo
vaktir sem læknir í sjúkrafluginu.“
Bergþóra segist strax hafa kunnað
vel við læknisstarfið. „Það er rosa-
lega fjölbreytt. Það er mikil vinna og
sjaldan dauður tími. Þetta er virki-
lega skemmtilegt starf. Í læknavís-
indunum er mikið um nýjungar og
endalaust hægt að læra meira og
rifja upp. Þetta hentar mér vel enda
sé ég ekki fyrir mér að starfa við eitt-
hvað þar sem ég þarf ekki að bæta
við mig meiri þekkingu.“ Bergþóra
segist ætla að halda áfram að afla
sér reynslu og þekkingar hér heima.
„Eins og er þykir mér líklegast að við
reynum að komast að í Svíþjóð í sér-
námi. Hvenær það verður fer eftir
aðstæðum hér heima og svona þegar
ég ákveð hvað ég ætla að verða þegar
ég verð stór. Eins og staðan er núna
er mjög freistandi að koma aftur
heim að vinna eftir sérnám. Ég vona
innilega að kjör lækna verði bætt og
heilbrigðiskerfið þannig að mað-
ur sjái sér fært að koma með þekk-
inguna heim því auðvitað vilja flestir
vera sem næst fjölskyldu og vinum.“
Grunnlaunin
ekki boðleg
Bergþóra segist elska vinnuna sína
þótt ýmsar hræringar hafi verið núna
um læknastéttina með tilheyrandi
kjaradeilu og verkföllum. „Það er
svo ótrúlega sorglegt hvað við höf-
um dregist aftur úr í launum miðað
við aðrar starfsstéttir og miðað við
löndin í kringum okkur. Það er ekki
spennandi fyrir kandidata og ung-
lækna að starfa hér heima áfram eftir
námið og fyrir nýja sérfræðilækna að
snúa heim þegar staðan er svona. Hér
er hægt að hafa það ágætt ef maður
tekur mikið af vöktum og aukavinnu
en grunnlaunin eru alls ekki boð-
leg miðað við nám og ábyrgð. Heil-
brigðiskerfið virðist líka alltaf sitja á
hakanum, sérstaklega með tilliti til
húsnæðis- og tækjamála, sem hefur
mikið að segja. Maður finnur vel fyr-
ir þreytunni í fólkinu í kringum sig.
Margir sérfræðingar vilja aftur út og
margir unglæknar vilja fyrr út. Það
vill enginn þurfa að fara í verkfall og
mjög skrýtið að það sé ekki meira
gert til að koma til móts við lækna
og heilbrigðiskerfið.“
Áhugamálin tengd
hreyfingu
Bergþóra segir nauðsynlegt fyr-
ir alla að hafa áhugamál fyrir utan
vinnuna. „Ég elska að hreyfa mig og
geri það á hverjum degi hvort sem
það er að hlaupa, lyfta eða stunda
jóga. Hef þetta sem fjölbreyttast
svo ég fái ekki leið á neinu. Svo er
það auðvitað þetta sem öllum þykir
svo ljúft; að ferðast, hitta góða vini
og fjölskyldumeðlimi, borða góðan
mat, lesa góðar bækur, horfa á góðar
myndir og fara í ísbíltúr svo eitthvað
sé nefnt,“ segir ungi læknirinn eld-
hressi, Bergþóra Þorgeirsdóttir.
hbBergþóra og Arnar í Kaupmannahöfn
fyrr á þessu ári.
Ásamt bekkjarsystrum á leið í sýnikennslu í skurðlækningum.
Bergþóra og Ragnheiður Friðriksdóttir frá Akranesi, „peppari“, fyrrverandi starfs-
stúlka á E-deild sjúkrahúsinu á Akranesi og núverandi læknir.
Dag ur í lífi...
Nafn: Aníta Dögg Stefánsdóttir
Fjölskylduhagir/búseta: Ég bý
á Akranesi með eiginmanninum
Benedikt Ölver Eymarssyni og
fimm börnum; Óðni Má 16 ára,
Victoríu Ósk 12 ára, Jasmín Ósk
4 ára og tvíburunum Eymari og
Heiðari 9 mánaða. Svo á ég tvö
stjúpbörn, Gilmar Þór 15 ára og
Gabríel Mána 7 ára.
Starfsheiti/fyrirtæki: Er heima-
vinnandi húsmóðir í fæðingaror-
lofi.
Áhugamál: Fjölskyldan, hreyfing
og útivera og Taekwondo.
Fimmtudagurinn 20. nóvember.
Klukkan hvað vaknaðirðu og
hvað var það fyrsta sem þú
gerðir? Fyrst vakna ég um 5 leyt-
ið til að gefa strákunum að drekka.
Svo sofnum við aftur. Ég vaknaði
klukkan 6:30 á fimmtudaginn. Þá
var ég vakin af tvíburunum og við
fórum fram. Ég gaf þeim að borða
og svo fórum við að leika okkur.
Klukkan 7:30 vakti ég hin börn-
in og kom þeim í skólann og leik-
skólann.
Hvað borðaðirðu í morgunmat?
Ég fékk mér Herbalife shake með
smákökubragði.
Fyrstu verk dagsins: Eftir að
krakkarnir voru farnir í skólann
voru fyrstu verkin að þrífa eldhús-
ið. Tvíburarnir eru mjög góðir í
því að sulla því sem þeir borða út
um allt.
Hvað varstu að gera klukkan
10? Þá fóru þeir að sofa í vagnin-
um. Þegar þeir eru sofnaðir byrja
ég á því að setjast niður og fá mér
Herbalife te, svo fer ég bara að
gera það sem þarf að gera á heim-
ilinu. Á fimmtudögum er ég yfir-
leitt að þvo, það eru þvottadagar
hjá mér.
Hvað gerðirðu í hádeginu? Þá
eru strákarnir vaknaðir aftur og fá
brjóst. Svo fara þeir að leika sér að-
eins og fá svo að borða.
Hvað varstu að gera klukkan
14: Klukkan 14 fóru tvíburarn-
ir aftur að sofa. Ég reyni yfirleitt
að nota þennan tíma til að setjast
aðeins niður og fá mér að borða.
Ég er yfirleitt orðin svöng á þess-
um tíma. Svo kláraði ég heimilis-
verkin.
Hvenær hætt og það síðasta sem
þú gerðir í vinnunni? Ég hætti
aldrei, þetta er full vinna allan sól-
arhringinn!
Hvað var í kvöldmat og hver
eldaði? Kjúklingur sem ég eldaði.
Hvernig var kvöldið? Eftir mat
henti ég þessum þremur yngstu í
bað, svo í náttföt og tannburstaði
þau. Svo á milli 20 og 21 svæfði
ég strákana en Jasmín Ósk sofnar
sjálf. Þá átti ég eftir að ganga frá
í eldhúsinu eftir matinn. Svo skúr-
aði ég yfir allt og ryksugaði það
sem þurfti. Svo settist ég að lokum
niður og slakaði á, fór á Facebook
og horfði á sjónvarpið.
Hvenær fórstu að sofa? Um kl.
23.
Hvað var það síðasta sem þú
gerðir áður en þú fórst að hátta?
Tannbursta mig.
Hvað stendur uppúr eftir dag­
inn? Eyrnabólga hjá Heiðari.
Hann var að byrja að verða veik-
ur á fimmtudaginn og var mjög
pirraður. Við hjónin skiptumst því
á að ganga með hann um gólf um
nóttina, þurftum að fara með hann
fram svo hann myndi ekki vekja
Eymar.
Eitthvað að lokum? Nei, ekkert
sem mér dettur í hug.
Tvíburamömmu í fæðingarorlofi
Stund milli stríða í sumarsólinni á sjúkrahúsinu á Akureyri.