Skessuhorn - 26.11.2014, Blaðsíða 74
74 MIÐVIKUDAGUR 26. NÓVEMBER 2014
Skagamaðurinn Róbert Ketilsson
tók nýlega við starfi sem flugkenn-
ari hjá flugfélaginu Geirfugli. Þar
kennir hann áhugasömum að fljúga
flugvélum og taka sín fyrstu skref í
flugnámi. Ekki er ýkja langt síðan
Róbert var sjálfur í nemendasæt-
inu, en þessi 25 ára flugmaður fékk
flugdelluna snemma á lífsleiðinni
og segir það hafa kostað sitt að láta
flugdrauminn rætast. „Ég hef allt-
af haft áhuga á flugvélum. Pabbi
minn er flugvirki og þegar ég var
lítill þá fór ég stundum með honum
í vinnunna og var alltaf jafn heill-
aður af flugvélunum. Það má því
segja að pabbi eigi heiðurinn af því
að smita mig af þessari flugbakt-
eríu. Það var svo árið 2008 sem ég
ákvað að skella mér í prufutíma og
fljúga flugvél í fyrsta skipti. Síðan
þá hef ég ekki getað hætt. Þetta er
bara það allra skemmtilegasta sem
ég geri og ég vissi strax að þetta
væri það sem ég vildi gera í lífinu,“
segir Róbert.
Námið stutt
en krefjandi
Síðan að fyrsta prufutímanum lauk
árið 2008 hefur mikið vatn runn-
ið til sjávar. Róbert kláraði einka-
flugmanninn áður en hann hélt til
Bandaríkjanna þar sem hann tók
hluta af atvinnuflugnáminu. „Ég
byrjaði 2009 í einkaflugmanninum
og kláraði hann ári síðar. Ég fór svo
Aðventutónleikar Tónlistarfélags
Borgarfjarðar verða í Reykoltskirkju
fimmtudaginn 4. desember næst-
komandi. Tónleikarnir eru að venju
í samstarfi við Reykholtskirkju og
Vesturlandsprófastsdæmi og bera
yfirskriftina „Slá þú hjartans hörp-
ustrengi“. Flytjendur eru Björg Þór-
hallsdóttir sópransöngkona, Elísa-
bet Waage hörpuleikari og Hilmar
Örn Agnarsson orgelleikari.
Á efnisskránni eru íslensk og er-
lend aðventu- og jólalög. Mörg lag-
anna eru í útsetningum Hilmars
og Elísabetar en harpan og orgel-
ið töfra fram sérstakan hátíðarblæ
með söng Bjargar. Tríóið hefur
starfað saman um árabil og komið
fram á tónleikum víða hér á landi og
erlendis.
Almennur aðgangseyrir er 2000
krónur, 1000 krónur fyrir eldri
borgara og frítt fyrir börn og með-
limi Tónlistarfélagsins. Tónleikarn-
ir hefjast kl. 20.00.
-Fréttatilkynning
Á fundi sveitarstjórnar Dalabyggð-
ar þriðjudaginn 18. nóvember sl.
fékk Svavar Garðarsson í Búðardal
afhenta viðurkenningu fyrir óeigin-
gjarnt starf á sviði umhverfismála.
Í máli Jóhannesar H. Haukssonar
oddvita sveitarstjórnar þegar hann
afhenti viðurkenninguna kom fram
að Svavar hafi haft frumkvæði að því
að sveitarstjórn ráðstafar fjármagni
árlega til sjálfboðavinnuverkefna.
Sjálfur hafi Svavar verið einstak-
lega duglegur að sækja í sjóðinn til
ýmissa umhverfisverkefna í Búðar-
dal til að vinna í sjálfboðavinnu. Í
tilkynningu frá sveitarstjórn Dala-
byggðar segir að ákvörðun um að
veita Svavari viðurkenninguna hafi
verið tekin á fundi sveitarstjórnar
á degi umhverfisins 16. september
síðastliðinn.
þá
Viðurkenning vegna starfs
að umhverfismálum
Svavar Garðarsson með viðurkenninguna ásamt Jóhannesi H Jóhannessyni odd-
vita.
Slá þú hjartans hörpustrengi
Þurfa að hafa taugarnar í lagi
Rætt við Róbert Ketilsson ungan flugkennara frá Akranesi
til Flórída og var þar í heilt ár og
kláraði bóklega hluta atvinnuflugs-
ins. Þetta var mjög góð reynsla
og það var gaman að fljúga í góða
veðrinu í Flórída. Ég tel einnig að
það hafi verið gott að komast burt
frá allri truflun heima í smá tíma og
einbeita mér algjörlega að náminu.
Námið er nefnilega fremur stutt en
það er mjög krefjandi og erfitt. Ég
var að eyða á milli átta til tíu tímum
á hverjum degi í að læra. Það eina
sem ég leyfði mér var að fara í rækt-
ina og fá smá útrás,“ segir Róbert
og bendir á að námið sé mjög fjöl-
breytt þar sem flugmenn þurfa að
kunna margt annað en bara að geta
stýrt vélunum. „Í náminu er lögð
áhersla á ansi mörg og ólík fög. Til
dæmis þurfa flugmenn að læra sitt-
hvað í sálfræði, því flugmenn verða
jú að hafa taugarnar í lagi ef eitt-
hvað kemur upp á. Þá tökum við
einnig grunn í læknisfræði. Að
sjálfsögðu er svo lögð rík áhersla á
meira flugtengd fög eins og veður-
og eðlisfræði.“
Kostar í raun ekki meira
en háskólanám
Auk þess að vera krefjandi er flug-
mannsnámið fremur dýrt nám.
Getur heildarkostnaður numið á
milli tíu og tólf milljónum króna.
Róbert segir hins vegar að það eigi
ekki að horfa á þessar háu tölur
einar og sér. „Já, þetta er dýrt nám
en það getur einnig verið fremur
stutt. Ég vil meina að námið virð-
ist einungis dýrt vegna þess að þetta
er allt borgað á svo stuttum tíma.
Þetta hræðir marga en það á ekki að
gera það. Ef fólk tekur inn í reikn-
inginn hvað fimm ára háskólanám
kostar þá er ekki ólíklegt að svipuð
upphæð komi upp. Flugnám á Ís-
landi er, þótt ótrúlegt megi virðast,
ódýrt miðað við flest þau lönd sem
við berum okkur gjarnan saman
við. Það er hægt að gera þetta bæði
á stuttum og löngum tíma, það er
algjörlega undir hverjum og ein-
um komið. Ég fór sjálfur ekkert á
neinum ógnarhraða í gegnum mitt
nám. Það var kannski vegna þess að
þá var ekki hægt að fá há lán fyrir
náminu og ég þurfti að vinna með
því til að geta borga það. Það hafð-
ist að lokum og þrátt fyrir fórnir
get ég verið sáttur í dag. Fólk á að
læra það sem það vill og láta ekkert
stoppa sig,” segir Róbert.
Nú er lag að læra
að fljúga
„Flugnámið hér á landi er fyrsta
flokks og sú æfing sem flugmenn
fá við íslenskar aðstæður er óað-
finnanleg. Hér má búast við öllu
og maður lærir alltaf eitthvað nýtt
í hverju flugi,“ útskýrir Róbert.
Hann nefnir marga kosti þess að
læra til flugmanns á Íslandi og að
ungt fólk spyrji sig hvort einhverja
atvinnu sé í raun og veru að hafa að
námi loknu. Róbert segir svo vera
og að nú sé lag fyrir unga Íslend-
inga að skella sér í flugnám. „At-
vinnumöguleikar ungra flugmanna
hafa verið að batna á síðustu miss-
erum. Eftir nokkurra ára stöðnun
er komin hreyfing á markaðinn.
Margir ungir flugmenn eru nú strax
að fá vinnu eftir að hafa safnað 250
tímum í atvinnuréttindin. Marg-
ir eru að fá vinnu hjá lágfargjalda-
flugfélögum eins og Norwegian og
RyanAir eða í innanlandsfluginu
hérna heima,“ segir Róbert um þau
tækifæri sem ungir flugmenn eru að
fá í dag.
Holuhrauni ekki hægt
að lýsa með myndum
Aðspurður um hvað honum þætti
best við flugmannsstarfið segir Ró-
bert að hann fái sennilega mestu
ánægjuna við að sjá nýja hluta af Ís-
landi og um leið hversu fjölbreyti-
leg náttúra landsins sé. Hann seg-
ist vera duglegur að fara í skoð-
unarferðir og hægt sé að fara ansi
víða enda séu litlir flugvellir nánast
um allt land. „Það er svo skemmti-
legt að fljúga um Ísland. Ég er alltaf
að sjá eitthvað nýtt og sumt af því
sem ég hef séð er ólýsanlega fallegt.
Það kom mér dálítið á óvart hversu
mikið er af áhugaverðum stöðum
á Íslandi. Staðir sem ég hafði jafn-
vel aldrei heyrt um áður.“ Ferðirn-
ar eru orðnar ansi margar en það
magnaðasta sem Róbert hefur séð
úr lofti var þegar hann flaug yfir
eldgosið í Holuhrauni. „Fólk verð-
ur að sjá eldgosið í Holuhrauni
með berum augum. Það er hrein-
lega ekki hægt að sjá hvað þetta
er magnað á myndum. Kraftur og
fegurð náttúrunnar sameinast þar á
einstakan máta og er þetta sjónar-
spil sennilega það magnaðasta sem
ég hef séð á mínum flugferli.“
Frá Vatnsmýri upp á
Skaga
Róbert segir staðsetningu Reykja-
víkurflugvallar vera ástæðuna fyr-
ir því hversu gott er að fljúga á Ís-
landi. Hann segir alla flugmenn
vera á sama máli um að flugvöll-
urinn eigi að vera þar sem hann er.
Róbert á sér þó draum um nýjan
flugvöll á Íslandi sem væri jafnvel
enn betur staðsettur en sá í Reykja-
vík og hefur ekki verið mikið rætt
um. „Þó að flestir flugmenn séu á
þeirri skoðun að flugvöllurinn eigi
að vera áfram í Vatnsmýrinni þá er
það meira minn draumur að fá flug-
völl á Akranes. Þar er nóg sléttlendi
og yfirleitt besta veðrið. Það ætti
því kannski að vera kostur númer
tvö,“ segir Róbert léttur um mál-
efni flugvallarins.
Láta bara vaða!
Róbert segir við þá sem hafa í huga
að fara í flugnám að hætta að pæla í
peningum og láta vaða. „Ef það er
alvöru áhugi til staðar þá á fólk ekki
að láta neitt stoppa sig. Það er ekki
hægt að setja verðmiða á það að
geta unnið við sitt aðal áhugamál.
Það eflir mann bara og fær mann til
að standa sig vel og sinna starfinu
vel,“ segir flugkennarinn Róbert að
lokum. jsb
Róbert Ketilsson, 25 ára flugkennari við eina af flugvélunum sem notaðar eru til kennslu.
Þessa mynd tók Róbert fyrir um viku síðan þegar hann flaug yfir eldgosið í Holu-
hrauni og upplifði kraft náttúrunnar.