Skessuhorn - 26.11.2014, Blaðsíða 38
38 MIÐVIKUDAGUR 26. NÓVEMBER 2014
Neyðarlínan í Reykjavík, 112, er
ekki stór vinnustaður. Þar eru átj-
án sem sinna vöktum fyrir utan
nokkra sem sinna tæknimálum
og skrifstofustörfum. Það er svo-
lítið sérstakt að meðal þeirra sem
sinna vöktum eru ung hjón á Akra-
nesi. Þetta eru þau Guðjón Hólm
Gunnarsson og Hjördís Garðars-
dóttir. Vaktirnar eru langar, 12
tímar, og síðan tekur það upp und-
ir klukkutíma að fara á milli Akra-
ness og Reykjavíkur hvora leið.
Þeir eru ekki nema fjórir dagarn-
ir sem þau eru bæði heima núna í
nóvember en verða eitthvað fleiri í
desember. Þau eru með þrjú börn
á heimilinu og það fjórða er á leið-
inni. Guðjón og Hjördís segja að
það væri ekki möguleiki fyrir þau
að stunda þessa vinnu nema eiga
góða að sem gæta barnanna þegar
þau eru bæði á vöktum.
Kynntust í vinnunni
Hjördís er Skagamanneskja en
Guðjón Hólm úr Reykjavík. Guð-
jón var búinn að starfa hjá Örygg-
ismiðstöðinni í nokkur ár þegar
hann réðst til starfa hjá Neyðarlín-
unni í apríl 2006. Hjördís byrjaði
þar í október 2007. „Við byrjuð-
um svo saman í janúar 2008. Hjör-
dís bjó í smátíma hjá mér í Reykja-
vík en svo ákváðum við að kaupa
hús á Akranesi og búa þar. Við
keyptum 27. nóvember og flutt-
um inn 3. desember. Þetta gerð-
ist allt mjög hratt,“ segir Guðjón.
Kannski í stíl við það sem gerist á
vinnustaðnum, verður blaðamanni
að orði, eða þarf ekki fljót og fum-
laus vinnubrögð á Neyðarlínunni?
„Jú, við mælum allt þar í sekúnd-
um og fólk þarf að vera skjótt í
hugsun og ákvörðunum. En þetta
þjálfast fljótt og fólk vinnur sam-
kvæmt vinnuferlum sem gerðir eru
til að hjálpa. Þetta er samt ekki
eins mikil aksjón hjá okkur eins
og ætla mætti af sjónvarpsþáttum
að dæma. Mjög lítill hluti eru stór
akútmál, um 60% tengjast tilkynn-
ingum til lögreglu án þess að kalla
þurfi til sjúkrabíl eða aðra aðstoð,“
segir Guðjón.
Vantaði vinnu
Hjördís segir að það hafi verið al-
gjör tilviljun að hún fór að vinna
hjá Neyðarlínunni. „Mig vantaði
fasta vinnu. Minn bakgrunnur var
í ferðaþjónustustörfum, árstíða-
bundnum og ótryggum. Á þessum
tíma sótti ég um á fjölda stöðum og
það var bara tilviljun að mér bauðst
starf hjá Neyðarlínunni. Það var
engin hugsun á bak við þetta önnur
en fá trygga vinnu. Ég kann bara vel
við þetta starf og enn sem komið er
lít ég á þetta sem framtíðarstarf. Ég
er búin að afla mér kennsluréttinda
í nýliðaþjálfun, bóklega hlutanum,
sem ég sótti til fyrirtækis í Banda-
ríkjunum sem sér um gæðavottun
í þessum málum,“ segir Hjördís.
Guðjón Hólm sér hins vegar um
verklega þjálfun nýliða ásamt fleir-
um og var á námskeiði núna í haust
sem veitti honum þau réttindi.
Aðspurð segja þau að það geti
verið mikið álag á starfsfólki Neyð-
arlínunnar, sérstaklega þegar stærri
mál koma upp, en sem betur fer sé
það ekki mjög oft. „Það er persónu-
bundið hvernig fólk höndlar álag.
Við leggjum mikla áherslu á úr-
vinnslu, andlega hjálp, til að minnka
þörfina á áfallahjálp. Við erum fá-
mennur vinnustaður og í raun eins
og lítil fjölskylda, höldum utan um
hvort annað. Það veitir ekki af til að
lengja líftíma í starfi. Sumir brenna
frekar hratt upp í þessu, álag og er-
ill er slítandi. Ég er í teymi sem er
að fara yfir stuðningsferla og það
stendur til að við förum í kerfi að
fyrirmynd Slökkviliðs Reykjavíkur
sem heitir félagsstuðningur,“ seg-
ir Guðjón.
Frumkvöðull í að safna
fyrir Lúkösum
Guðjón Hólm hefur komið
nokkuð við sögu á Vesturlandi
síðasta árið varðandi það að bæta
við búnaði í sjúkraflutningsbíl-
um. Það var hann sem var upp-
hafsmaður þess að safnað var
fyrir tækjum til að veita hjarta-
hnoð, svokölluðum Lúkösum,
í tvo sjúkrabíla á Akranesi. Það
var byrjun á því og síðan tóku
aðrir upp merkið og safnað hefur
verið fyrir Lúkösum í sjúkrabíla
víða á Vesturlandi. Á starfssvæði
HVE eru nú bara Borgarnes og
Hólmavík án Lúkasa, sem og
Grundarfjöður en hjartahnoð-
tækið er til staðar bæði í Stykkis-
hólmi og Ólafsvík, sem og í Búð-
ardal og á Hvammstanga. „Þetta
byrjaði þannig að ég frétti af því
að félagi minn í Slökkviliðinu á
Suðurnesjum hefði ýtt af stað
söfnun fyrir Lúkasi á því svæði.
Ég greip hugmyndina og hafði
samband við Gísla og hann síð-
an við Sigurð Má í sjúkraflutn-
ingunum hérna á Akranesi. Þeg-
ar við fórum að kynna þessa
söfnun urðu viðbrögðin tals-
vert fram úr björtustu vonum
þótt svo við vissum að málefnið
væri gott. Fyrirtækin sem studdu
söfnunina gerðu það svo rausn-
arlega að tækin urðu tvö en ekki
eitt sem safnað var fyrir. Að auki
var hægt að kaupa viðbótarbúnað
í bílana,“ segir Guðjón.
Klæðir sig úr vinnunni
Spurð hvort að þessi vinna sé ein
af þeim sem fólk taki með sér
heim, segja þau að það sé sjálfsagt
einstaklingsbundið. „Það er held
ég kostur fyrir okkur að vinna
sömu vinnu. Við fáum stundum
útrás í því að ræða saman ef eitt-
hvað situr eftir að degi loknum
og svo er það bara búið,“ seg-
ir Hjördís og Guðjón bætir við.
„Mér finnst mjög gott að hafa
fataskipti á vinnustaðnum, þá er
hreinlega eins og ég sé að klæða
mig úr vinnunni. Ég hef hvatt
mína vinnufélaga til að gera það
sama,“ segir Guðjón. „Ég hef
reyndar ekki farið að þessu ráði
hans. Fyrir mig skiptir það engu
máli hvort ég fer í vinnufötunum
heim eða ekki,“ segir Hjördís og
brosir.
Þau Guðjón og Hjördís segj-
ast þurfa að skipuleggja hlut-
ina vel fram í tímann og það sé
algjörlega stórfjölskyldan sem
geri þeim kleift að sinna þessum
störfum. Vinna þarf önnur hver
jól og það verða einmitt vinnujól
núna. „Á aðfangadag er ég í fríi
og Guðjón að vinna. Hann kem-
ur heim klukkan átta um kvöld-
ið og þá á hann jól í stuttan tíma
með strákunum. Svo þurfum við
að koma þeim í pössun á jóla-
dagsnótt og jóladag. En það vill
til að þeir eru bara spenntir og
ánægðir með að fá að vera hjá
ömmu og afa,“ segir Hjördís að
endingu.
þá
Ung hjón á Akranesi vinna bæði hjá Neyðarlínunni
Sjúkraflutningamenn í Ólafsvík við móttöku hjartahnoðtæki í bíl þeirra. Fyrir
aftan standa Erling Pétursson og Axel Davíðsson. Fyrir framan þá eru Þórarinn
Steingrímsson, Guðbjörn Ásgeirsson og Elías Róbertsson. Ljósm. af.
Rjómabúið Erpsstaðir framleiðir ýmiskonar ljúfmeti
sem hentar í eftirrétti eða bara sem ábætir milli mála
Ljúffengur rjómaís margar bragðtegundir • Skyrkonfekt og gómsætir ostar
Einnig hið rómaða gamaldags skyr sem hentar vel í ostakökur og deserta
Njótið jólanna
Gleðileg Jól
Gerum okkur
glaðan dag um jólin
Rjómabúið Erpsstöðum • erpsstaðir.is • rjomabu@simnet.is • 868 0357
S
K
E
S
S
U
H
O
R
N
2
01
3
Hjördís Garðarsdóttir og Guðjón Hólm Gunnarsson. Ljósm. þá.
Félagarnir Sigurður Már og Guðjón Hólm höfðu frumkvæði að söfnun fyrir fyrstu
hjartahnoðtækjunum á Vesturlandi. Söfnunin gekk framar vonum og hefur víðar í
landhlutanum verið safnað og gefið með góðum árangri.