Skessuhorn - 26.11.2014, Side 68

68 MIÐVIKUDAGUR 26. NÓVEMBER 2014
Borgfirðingurinn Kristján Guð-
mundsson hefur starfað sem verk-
efnastjóri á Markaðsstofu Vestur-
lands síðan í september 2013, við
sameiginlega markaðssetningu
ferðaþjónustu í landshlutanum.
Hann er menntaður ferðamálafræð-
ingur frá Háskólanum á Hólum í
Hjaltadal. Kristján ólst hins veg-
ar upp á Hvanneyri þar sem hann
býr í dag ásamt Eydísi Smáradótt-
ur konu sinni sem er frá Akranesi,
og Guðmundi Móberg átta mán-
aða syni þeirra. Þegar náminu lauk
á Hólum fékk hann sumarvinnu á
upplýsingamiðstöðinni fyrir ferða-
menn í Hyrnutorgi í Borgarnesi.
Um haustið var hann svo ráðinn
sem verkefnastjóri við Markaðs-
stofuna sem er í sama húsnæði. Nú
stefnir í að hann taki við sem fram-
kvæmdastjóri Markaðsstofunnar í
upphafi nýs árs. Við tókum hús á
Kristjáni í liðinni viku.
Fyrstu kynnin af faginu
Hann segist hafa brennandi áhuga
á ferðamálum. „Ég hef eiginlega
unnið eitthvað við ferðaþjónustu
alveg frá því ég var smá gutti. Þá
var rekið hótel á sumrin í skólahús-
inu á Hvanneyri. Þegar við strák-
arnir vorum að sparka bolta og
sáum rúturnar koma með ferða-
fólkið hættum við boltaleiknum og
hlupum að þeim. Þetta voru svona
hópar af eldri borgurum, mest kon-
ur. Við buðum þeim að bera fyrir
þær ferðatöskurnar upp á herbergi
og fengum kannski hundrað krónur
fyrir hverja tösku. Stundum grædd-
um við þúsund kall fyrir töskuna ef
einhver gestanna var sérlega gjaf-
mildur og í góðu skapi. Fyrir kom
að einhver af okkur móðgaðist ef
einn fékk meira en hinir. Því vor-
um við búnir að semja um það að
setja alla peningana í einn pott og
skipta síðan jafnt á milli allra þegar
við værum búnir með verkið. Ann-
ars hefði orðið stríð. Sá sem var
elstur og stærstur í hópnum stjórn-
aði þessu þó aðeins, hvort stóru
seðlunum yrði skipt eða ekki. Þetta
voru samt ekki stórar fjárhæðir.
Við höfðum kannski eitthvað fyr-
ir nammi. En þetta voru mín fyrstu
afskipti af ferðaþjónustunni á Vest-
urlandi.“
Hann brosir við þessa end-
urminningu frá æskuárunum á
Hvanneyri. Tengslin þangað eru
sterk. „Já, ég er fæddur og uppalinn
hér. Guðmundur Sigurðsson faðir
minn starfaði um árabil sem ráðu-
nautur fyrir Búnaðarsamtök Vest-
urlands, en hefur síðan unnið und-
anfarin ár hjá þeim og Vesturlands-
skógum.“
Naut sín í náminu
Kristján nam íþróttafræði við
Verkmenntaskólann á Akureyri.
„Ég stundaði körfubolta af kappi
og fór ekki síst norður til að taka
þátt í þeirri íþrótt þar. Ég fór svo
til Bandaríkjanna einn vetur á styrk
þar sem ég var í háskóla og lék með
menntaskólaliði þar.“ Heim kom-
inn vann Kristján svo fyrir Ung-
mennasamband Borgarfjarðar í
rúmlega eitt ár. „Þá fór ég að læra
ferðamálafræðina við Háskólann á
Hólum. Það var þriggja ára nám,
ákaflega skemmtilegt og áhuga-
vert. Mér hafði alltaf þótt það kvöð
að sitja og læra. Þarna fannst mér
gaman í skólanum.“
Áður en Kristján fór í námið á
Hólum hafði hann fundið smjör-
þefinn af ferðaþjónustugeiranum í
gegnum ýmis störf innan greinar-
innar í Borgarfirði. „Fyrstu ferða-
þjónustuvinnan mín var í Fossatúni
hér í Borgarfirði hjá Steinari Berg.
Það var sumarið 2004. Þá vann ég
á tjaldstæðinu þar. Ég starfaði líka
aðeins í Landnámssetrinu í Borg-
arnesi eftir að ég kom heim frá
Bandaríkjunum. Í Húsafelli vann
ég líka á tjaldstæðinu þar. Svo vann
ég tvö sumur hjá Fosshótel í Reyk-
holti, aðallega í móttökunni. Það
var mjög góð reynsla. Ég kynntist
því hvernig ferðaþjónustan virk-
ar sem atvinnugrein. Þá á ég við
hvernig ferðaskrifstofurnar starfa,
vinnuaðferðum á hótelum, skipu-
lagi og þess háttar.“
Kristján segir að mikil fjöl-
breytni felist í því að starfa fyrir
Markaðsstofu Vesturlands. Hún sé
enda oft tengiliður milli þeirra sem
starfi í greininni innan landshlut-
ans og svo hinna sem vilja sækja
hann heim.
mþh
Fólksfækkun hefur lengi verið
vandamál margra smærri byggðar-
laga á landsbyggðinni. Ungt fólk
flytur annað til að stunda nám og
snýr gjarnan ekki aftur sökum þess
að enga vinnu er að fá sem hæf-
ir menntun. Það eru þó alltaf ein-
hverjir sem eiga þann kost að snúa
aftur til heimahaganna. Ragnar
Smári Guðmundsson, viðskipta-
fræðingur frá Grundarfirði, er einn
þeirra sem snéri aftur heim eft-
ir nám og starfar nú sem fjármála-
stjóri flutningafyrirtækisins Ragn-
ar og Ásgeir ehf. í Grundarfirði.
„Flestir sem ég þekki og hafa far-
ið annað í nám hafa ekki snúið aft-
ur. Ég tel mig því mjög heppinn að
hafa haft tækifæri til að koma aft-
ur heim og fá vinnu hjá fjölskyldu-
fyrirtækinu. Fyrir það er ég mjög
þakklátur enda vildi ég alltaf koma
aftur heim,“ segir Ragnar Smári.
Hann vonast til að fleiri störf fyrir
menntað fólk verði til í bænum svo
fleira ungt fólk snúi aftur á heima-
slóðir.
Mikilvægast að fjöl­
skyldunni líði vel
Ragnar Smári býr nú í Grundar-
firði ásamt eiginkonu sinni, Guð-
rúnu Hrönn, og tveimur sonum
þeirra hjóna, þeim Hauki Smára
og Gunnari Smára. Þau hjón eru
nýgift og segir Ragnar að fjölskyld-
unni líði afar vel í Grundarfirði.
„Strákarnir okkar eru nú tveggja
og fimm ára og báðir í leikskóla þar
sem þeir hitta fullt af krökkum sem
þeir geta leikið sér við. Guðrún er
frá Reykjavík og það er heldur ekki
sjálfgefið að fólk úr borginni venj-
ist lífinu hérna. Það hefur hins veg-
ar gengið bara mjög vel hjá henni.
Hún vinnur á hárgreiðslustofu í
bænum og er þegar farin að þekkja
fleiri hérna en ég. Það skiptir auð-
vitað mestu að okkur líði vel hérna
enda stefnum við á að búa í Grund-
arfirði í framtíðinni,“ segir Ragn-
ar.
Gengur vel að flytja fisk
Ragnar og Ásgeir ehf. flytja aðal-
lega fisk á milli staða og landshluta
og segir Ragnar Smári að vel gangi
hjá fyrirtækinu í dag. „ Ég byrj-
aði 2010 sem fjármálastjóri eft-
ir að ég kláraði viðskiptafræði í HÍ
2009. Þar sem fyrirtækið er inn-
an fjölskyldunnar þekkti ég auð-
vitað vel til starfsemi þess áður en
ég varð fjármálastjóri og hafi unnið
við útkeyrslu og fleiri störf á sumr-
in. Síðan ég tók við hafa verið litl-
ar breytingar á starfsemi fyrirtækis-
ins enda hefur gengið vel og breyt-
inga kannski ekki beint þörf,“ segir
Ragnar Smári og bendir á að fyrir-
tækið sé flutningafyrirtæki þar sem
reksturinn sé beintengdur auðlind-
um hafsins. „Eftir því sem meira
er veitt, flytjum við meira. Sem
dæmi má nefna síðustu tvö sumur
sem hafa verið einstök vegna mik-
illa veiða á makríl. Við, rétt eins og
fiskvinnslufyrirtækin, höfum náð
að vinna upp dauðan tíma yfir sum-
arið og þessi aukning skiptir auð-
vitað miklu.“
Viljum byggja liðið á
heimamönnum
Ragnar Smári var áður leikmað-
ur Víkings Ó. og á síðustu árum
hefur hann setið í meistaraflokks-
ráði knattspyrnuliðs Grundarfjarð-
ar. Meistaraflokkur Grundarfjarð-
ar í knattspyrnu dróg sig nýver-
ið úr keppni frá Íslandsmótinu og
segir Ragnar skort á mannskap or-
sök þess. „Ég hef alltaf verið mik-
ið í íþróttum og spilaði fótbolta
með Víkingi Ólafsvík frá 2003 til
2007 og fór með liðinu úr þriðju
deild upp í þá fyrstu. Það var mjög
skemmtilegt tímabil en að lokum
ákvað ég að klára námið mitt og
einbeita mér að öðru. Þegar ég kom
svo aftur heim fór ég að vinna með
fótboltanum í Grundarfirði. Síð-
asta sumar gekk ágætlega en vegna
þess hversu fáir ungir strákar eru að
koma upp í meistaraflokk hjá okkur
ákváðum við að leggja þá starfssemi
niður að svo stöddu og draga liðið
úr Íslandmótinu næsta sumar. Það
var leiðinlegt en að sama skapi vilj-
um við byggja liðið á heimastrákum
sem er hreinlega ekki í boði núna.
Við munum því reyna að einbeita
okkur að yngriflokkastarfinu og
sjáum svo hvað gerist eftir nokkur
ár,“ segir Ragnar að lokum.
jsb
Kristján Guðmundsson hjá Markaðsstofu Vesturlands:
Fékk áhuga á námi þegar hann fór að læra ferðamálafræði
Kristján Guðmundsson og Eydís Smáradóttir með soninn Guðmund Móberg á jólamarkaði Framfarafélags Borgfirðinga og
Sögu Jarðvangs í Gömlu hlöðunni Nesi í Reykholtsdal sem haldinn var laugardaginn 22. nóvember sl.
Vildi alltaf koma aftur heim
Rætt við Ragnar Smára Guðmundsson fjármálastjóra Ragnars og Ásgeirs ehf.
Ragnar Smári ásamt Guðrúni eiginkonu sinni og Gunnari og Hauki sonum þeirra.