Læknablaðið - 15.02.2005, Qupperneq 76

ÞING
Vísindaþing Geðlæknafélags íslands
Vísindaþing Geðlæknafélags fslands verður haldið á Hótel KEA á Akureyri helgina 25.-27. febrúar.
Á þinginu munu íslenskir vísindamenn á geðheilbrigðissviði kynna rannsóknir sínar með stuttum erindum og veggspjöldum.
Tveir íslenskir gestafyrirlesarar sem starfa erlendis munu halda fyrirlestra. Það eru þeir Anton Pétur Þorsteinsson geðlæknir sem
starfar í Rochester New York og Páll Matthíasson geðlæknir í London.
Dagskrá þingsins hefst eftir hádegi föstudaginn 25. febrúar klukkan 15:00 með léttum veitingum á Hótel KEA. Fyrirlestrar hefjast
klukkan 16:30 og lýkur dagskrá föstudagsins með sameiginlegum kvöldverði klukkan 19:30.
Laugardagurinn 26. febrúar hefst með fyrirlestrum frá 09:00-12:30. Að loknum hádegisverði verður skíðafrí fram til klukkan
16:00 og verður frítt í skíðalyftur fyrir ráðstefnugesti. Dagskráin hefst aftur með léttum veitingum og fyrirlestrum til klukkan
19:00. Sameiginlegur kvöldverður verður klukkan 20:00.
Á sunnudeginum 27. febrúar hefst dagskráin klukkan 10:00 með erindum og lýkur þinginu klukkan 13:00.
Gert er ráð fyrir því að ráðstefnugestir ferðist á eigin vegum til Akureyrar. Boðið verður upp á niðurgreidda gistingu og fríar máltíðir
samkvæmt dagskrá á Hótel KEA fyrir félaga í GÍ og fyrirlesara á þinginu. Ráðstefnugestir sjá sjálfir um að bóka gistinguna.
Skráning fer fram við greiðslu skráningargjalds sem er 5000 kr og greiðist inn á reikning 0111-26-000351 í Landsbanka
Islands.
Frestur til skráningar rennur út 15. febrúar.
Verð GÍ/fyrirlesarar Aðrir
Skráningargjald 5000 5000
Gisting 2 nætur 5000 16500
Stjórn Geðlæknafélags íslands
216 Læknablaðið 2005/91