Læknablaðið - 15.10.2005, Qupperneq 69

LIFEYRISMAL / STYRKIR
Lífeyrissjódur lækna
Póstkosningar
Dagana 10.-31. október 2005 ferfram póstkosning hjá Lífeyrissjóði lækna um
sameiningu Lífeyrissjóðs lækna og Almenna lífeyrissjóðsins. Á kjörskrá eru allir
sjóðfélagar sem áttu réttindi í sjóðnum þann 31. desember 2004. Síðasti skiladagur
atkvæðaseðla er 31. október 2005 og verða atkvæðaseðlar að vera með póststimpil
í síðasta lagi þann dag. Talning atkvæða fer fram 11. nóvember 2005.
Kjörgögn verða send til sjóðfélaga þann 10. október. Lífeyrissjóðurinn hvetur þá
sjóðfélaga sem ekki hafa fengið send kjörgögn þann 15. októbertil að hafa
samband við lífeyrissjóðinn í síma 440 4960 eða með því að senda tölvupóst á
ll@llaekna.is.
Stjórn Lífeyrissjóðs lækna
L L
LÍFEYRISSJÓÐUR
LÆKNA
Kirkjusandi, 155 Reykjavík, sími 440 4960,
ll@llaekna.is, www.llaekna.is
Krabbameinsfélagið
Kristínarsjóður
Hjá Krabbameinsfélagi íslands er Kristínarsjóður sem ber
nafn stofnandans, Kristínar Björnsdóttur. Tilgangur sjóðsins
er að rannsaka krabbamein í börnum og unglingum og að
hlynna að þeim. Upphaflegt stofnfé er til komið vegna ákvæða
í erfðaskrá Kristínar sem ánafnaði rausnarlegri upphæð til
málefnisins. Höfuðstól sjóðsins má ekki skerða og ber að
ávaxta vel en heimilt er að úthluta tekjum hans eftir sérstökum
reglum. Sjóðsstjórn, þau Vilhelmína Haraldsdóttir formaður,
Guðrún Jónsdóttir og Hermann Eyjólfsson, auglýsir árlega eftir
umsóknum í sjóðinn. Umsóknarfrestur er til 17. október 2005,
sjá nánar á www.krabb.is
En hver var Kristín Björnsdóttir og hvernig stóð á því að hún
gat í erfðaskrá sinni gefið svo höfðinglega fjárupphæð til þessa
góða málefnis? Kristín fæddist á Litlu-Giljá í Húnavatnssýslu
árið 1909. Hún starfaði að loknu námi á Landsímastöðinni en
hélt 1937 út í hinn stóra heim og dvaldist víða, meðal annars
í Englandi, Frakklandi og á Ítalíu. Hún var á Ítalíu þegar seinni
heimsstyrjöldin braust út og lenti í stríðsfangabúðum fasista í
þrjú ár. Að heimsstyrjöldinni lokinni fór Kristín til New York og hóf
störf hjá IBM en þegar ísland varð formlega aðili að Sameinuðu
þjóðunum var henni boðið starf þar. Það var Kristín sem dró
í fyrsta skipti íslenska fánann að húni fyrir utan höfuðstöðvar
Sameinuðu þjóðanna árið 1946. Hún starfaði hjá Sameinuðu
þjóðunum í meira en tvo áratugi og trúði á hugsjón samtakanna
enda voru henni falin mörg ábyrgðarstörf. Hún var heimskona
og jafnvíg á mörg tungumál. Hún fluttist heim til íslands þegar
hún fór á eftirlaun og hún lést ógift og barnlaus áriðl 994.
Læknablaðið 2005/91 785