Fréttatíminn - 05.12.2014, Blaðsíða 67

S
kipuleggjendur há-
tíðarinnar eru þeir
Davíð Lúther Sig-
urðarson og Gestur
Steinþórsson hjá
viðburðafyrirtækinu
Silent Media. Þeir eru búnir að
undirbúa The Color Run í hálft ár
og hafa gert þriggja ára samning
um skipulagningu viðburðarins.
„Color Run byrjaði í Bandaríkj-
unum árið 2011. Hugmyndin er sú
að sameina íþróttaviðburð við Holi
hátíðina í Indlandi,“ segir Gestur.
„Þetta hefur svo verið haldið yfir
200 sinnum í 40 löndum þar sem
yfir 2 milljónir keppanda hafa tekið
þátt. Þetta var svo haldið í fyrsta
sinn á þessu ár á Norðurlöndunum,
í Danmörku og Svíþjóð, og á næsta
ári verður þetta haldið í Noregi,
Finnlandi og Íslandi.“
„Við sáum þetta á netinu fyrir
tveimur árum síðan og heillaði
okkur um leið,“ segir Davíð. „Ég
setti sem markmið að taka þátt
í þessu sem ég svo gerði í Dan-
mörku á síðasta ári. Við funduðum
með þeim sem eiga þetta konsept
og við náðum samningum. Undan-
farna 6 mánuði erum við búnir að
vinna að þessu og fara í nokkur
hlaup til þess að læra þetta,“ segir
Davíð. „Miðað við viðtökurnar sem
miðasalan hefur
fengið, sem byrjaði
í síðustu viku, þá er
útlit fyrir að þetta
verði gríðarlega
skemmtilegt.“
The Color Run
verður haldið í
Reykjavík laugar-
daginn 6. júní og er
undirbúningur nú
þegar hafinn.
Getið þið útskýrt
hvað þetta er nánar,
hvað er Color Run?
„Hlaupið virkar
þannig að þú mætir
á staðinn. Nærð í
þinn bol og þína liti,
sem fylgja með. Þú
ferð í upphitunina
og svo hefst hlaupið
sjálft. Hlaupið er
aðeins 5 kílómetrar.
Á hlaupaleiðinni eru
4 litahlið og þegar
þú ferð í gegnum
hvert hlið er hent
yfir keppendur
litum sem festast
á fötum og líkama.
Þegar í markið er komið tekur við
tveggja til þriggja tíma taumlaus
skemmtun með tónlist og miklum
litasprengjum,“ segir Davíð. „Þetta
er ekki keppni og það er ætlast til
þess að fólk taki börnin sín með
sér í þetta.“
Hluti aðgangseyrisins rennur
alltaf til góðgerðamála og ekki er
búið að ákveða til hvaða málefnis
féð mun renna hér á landi, en það
verður tilkynnt fljótlega. „Ef það
verður full þátttaka, þá eru þetta
um 5 milljónir sem fara í góðgerða-
mál eftir hlaupið,“ segir Davíð.
„Eins og staðan er núna þá gerum
við ráð fyrir 6 þúsund þátttak-
endum. Miðað við hvernig miða-
salan hefur farið af stað þá verður
það niðurstaðan. Það hafa margir
hópar og fyrirtæki haft samband
og tekið frá miða.“
Má þá ekki búast við því að það
þurfi að stækka hópinn árið 2016, ef
hlaupið verður svona vinsælt?
„Kannski þurfum við að stækka
Reykjavík,“ segir Davíð. „Þetta
veltur á hlaupaleiðinni líka,“ segir
Gestur. „Við erum í samstarfi við
Reykjavíkurborg og það er bara
eitthvað sem við myndum skoða,
ef af því verður.“
Hvernig taka yfirvöld í þetta, er
ekkert vandamál að dreifa lit um
borgina?
„Liturinn er gerður úr náttúru-
legu efni og þvæst auðveldlega úr.
Liturinn er framleiddur í Þýska-
landi og við þurfum að panta
nokkur tonn til landsins,“ segir
Davíð. „Þess vegna er einmitt svo
mikilvægt að byrja miðasöluna
svona snemma, því tonn til og frá
er mikið magn.“
„Það er komin reynsla á þetta í
40 löndum og það hefur sýnt sig að
þetta hefur aldrei verið vesen, bara
gleði,“ segir Gestur. „Við erum
gríðarlega spenntir fyrir þessu og
viðtökurnar á samfélagsmiðlunum
hafa verið langt fram úr okkar
vonum.“
„Það er gríðarleg vinna fólgin í
þessari skipulagningu og við erum
þakklátir því að Alvogen hefur
gerst bakhjarl hlaupsins og mun
því viðburðurinn heita The Color
Run Alvogen. Svo eru Bai5 og
Nýherji samstarfsaðilar og hjálpa
okkur að láta þetta verða að veru-
leika,“ segir Davíð. Allar upplýs-
ingar um viðburðinn má finna á fa-
cebook síðu hlaupsins: The Color
Run Iceland.
Hannes Friðbjarnarson
hannes@frettatiminn.is
 litahlaup Í fyrSta Sinn á ÍSlandi
Litasprengja í Reykjavík næsta sumar
Fyrirbærið The Color Run verður haldið í fyrsta sinn hér á landi árið 2015. The Color Run var haldið fyrst árið 2011 og tengdist það Holi hátíð Indverja sem haldin er
ár hvert. Hlaupið verður haldið í byrjun júní á næsta ári og segja skipuleggjendur hlaupið vera taumlausa skemmtun fyrir alla fjölskylduna.
Gestur Steinþórsson og
Davíð Lúther Sigurðar-
son hjá Silent standa að
The Color Run Alvogen á
næsta ári. Mynd/Hari
Þetta er ekki
keppni og það
er ætlast til
þess að fólk
taki börnin
sín með sér í
þetta.
58 viðtal Helgin 5.-7. desember 2014