Fréttatíminn - 05.12.2014, Blaðsíða 95

86 matur & vín Helgin 5.-7. desember 2014
Jólaglögg
(óáfengt)
Fyrir 2-3
Innihald
500 ml hreinn trönuberjasafi (e. cran-
berry juice)
500 ml hreinn eplasafi
2 kanilstangir
4 negulnaglar
1-2 msk hreint hlynsíróp eða 6 dropar
stevia með kanilbragði
Safi úr hálfri sítrónu
1 lófafylli heilar möndlur
1 lófafylli rúsínur
Aðferð
1. Setjið trönuberjasafa, eplasafa, kanil-
stangir, negulnagla og hlynsíróp eða
stevia í lítinn pott. Látið suðuna koma
upp og leyfið blöndunni að malla í um
5-10 mínútur.
2. Fjarlægið negulagnala og kanil-
stangirnar.
3. Setjið sítrónusafann út í og látið malla
í 2-3 mínútur.
4. Rétt áður en bera á drykkinn fram má
bæta rúsínum og möndlum út í (einnig
getur hver og einn sett í sinn bolla).
Gott að hafa í huga
Mér finnst allt í lagi þó að negulnaglarnir
og kanilstangirnar fái að vera lengur í
pottinum en sumum finnst það of sterkt
bragð.
Ekki láta rúsínurnar og möndlurnar liggja
mjög lengi í pottinum (setjið frekar oftar
út í) nema þær megi verða mjög mjúkar.
Sumum finnst það allt í lagi en öðrum
finnst það ógirnilegt (bólgnar rúsínur eru
ekki svo fallegar).
Hugsa jafnvel meira
um hollustu um jólin
Guðlaugur A Magnússon
Skólavörðustíg 10 • Reykjavík • www.gam.is • sími 5625222
Við hönnun skeiðarinnar sóttum
við innblástur í okkar gömlu
hefðir enda ber hún emeleringu
eins og fyrstu skeiðarnar okkar.
Skeiðin fæst eingöngu í verslun
Guðlaugs á Skólavörðustíg.
Hönnun: Hanna S. Magnúsdóttir
Smíðuð úr 925 sterling silfri
Jólaskeiðin 2014
Hin eina sanna jólaskeið
okkar íslendinga í 68 ár
í 90 ár
S igrún Þorsteinsdóttir heldur úti hollustuvefnum Cafesigr-un.com þar sem til að mynda
er hægt er að nálgast hollar upp-
skriftir fyrir jólabaksturinn. Sigrún
og maður hennar, Jóhannes Erlings-
son, eiga tvö börn, Emblu, sem er
fimm ára og Nökkva, þriggja ára.
„Börnin eru byrjuð að spyrja um
jólaseríurnar í nóvember en „Jóla-
kassinn“ er opnaður í byrjun des-
ember og þá skreytum við með því
sem í honum er,“ segir Sigrún þegar
hún er spurð út í jólaundirbúning-
inn á heimilinu. „Við höfum safn-
að að okkur ýmsu dóti síðustu árin
og „Jólakassinn“ er löngu sprung-
inn. Það er reyndar engin heildræn
mynd yfir skrautinu í kassanum en
það er bara heimilislegra. Svo eru
börnin dugleg að föndra í leikskól-
anum og það fer að sjálfsögðu beint
upp á vegg eða hillur,“ segir hún.
Sigrún segir mikilvægast í undir-
búningi jólanna að passa streituna
í kringum börnin. „Það er gott að
muna að jólin koma þrátt fyrir ryk í
hornum,“ segir hún.
Henni finnst góður matur, falleg
birta af kertum og jólaljósum, óá-
feng jólaglögg, smákökur og mand-
arínur algjörlega ómissandi um
jólin.
Sigrún hugsar mikið um hollustu
allt árið um kring og ekki minna á
jólunum. „Líklega hugsa ég jafn-
vel meira um hollustu á jólunum ef
eitthvað er því tímann notum við
gjarnan í að hreyfa okkur saman,
til dæmis að fara í göngutúra, sleða-
ferðir (ef snjór er), sund og fleira,“
segir hún.
Þegar hún er spurð um jólahefð-
irnar segir hún að síðustu tíu árin
hafi þau hjónin verið búsett í Lond-
on en alltaf flogið heim yfir jólahá-
tíðina. „Það sköpuðust ekki sterkar
hefðir því yfirleitt vorum við búsett
á heimili annarra og jólin voru svo-
lítið í ferðatöskunum. Núna búum
við hérlendis og erum með meiri
rótfestu og þá getum við leyft okkur
að vera svolítið við sjálf. Sem þýðir
til dæmis að við getum verið á nátt-
fötunum að borða jólamatinn og
fengið okkur nýbakaðar smákökur
ef okkur dettur það í hug. Það eru
engin formlegheit hjá okkur, serví-
ettur gleymast gjarnan, við eigum
ekkert sparistell og yfirleitt gleym-
ist að kaupa jóladúk. Börnin eru afs-
löppuð og tilbúin til að njóta matar-
ins,“ segir Sigrún. „Við förum líka í
jólagraut í hádeginu á aðfangadag
til tengdó og það er afar ljúft. Á að-
fangadagskvöldi erum gjarnan með
aspassúpu í forrétt og svo hnetusteik
– og eitthvert kjöt fyrir bóndann –
dásamlegt salat, villisveppasósu og
kannski sætkartöflumús. Svo erum
við gjarnan með ís eða konfekt með
kaffinu. Allt saman heimatilbúið að
sjálfsögðu,“ segir hún.
Aðspurð segir hún uppáhalds-
jólauppskriftirnar sínar vera hnet-
usteikina sína, piparkökurnar, jóla-
konfektið og jólagjöggið – sem hún
deilir hér með lesendum Frétta-
tímans.
Sigrún Þorsteinsdóttir, sem heldur
úti hollustuvefnum Cafesigrun.
com, er tiltölulega nýflutt til Ís-
lands eftir langa veru í London og
getur loksins farið að skapa sínar
eigin jólahefðir með fjölskyldunni.
Uppáhaldsjólauppskriftirnar
hennar eru hnetusteikin, piparkök-
urnar, jólakonfektið og jólagjöggið.
Jólakonfekt
Gerir um 40 konfektmola
Innihald
100 g cashewhnetur
15 g möndlur
50 g kókosmjöl
250 g gráfíkjur
80 g döðlur
80 g rúsínur
50 g puffed rice (sprengd hrísgrjón) eða
hrískökur
3-5 msk hreinn appelsínusafi
4 msk hlynsíróp
3 msk kakó
2 msk kakónibbur (cacao nibs), má
sleppa
100 g dökkt súkkulaði, lífrænt framleitt
með hrásykri (eða carob)
Aðferð
1. Setjið möndlur, puffed rice eða hrís-
kökur, cashewhnetur hnetur og kókos í
matvinnsluvél. Malið í um 15 sekúndur
eða þangað til hneturnar eru smátt
saxaðar (en ekki duftkenndar). Bætið
kakói út í og malið aðeins áfram. Setjið í
stóra skál.
2. Skerið stilkinn af gráfíkjunum og
saxið þær gróft ásamt döðlunum. Setjið
í matvinnsluvélina ásamt rúsínum og
appelsínusafa. Blandið í 1 mínútu eða
þangað til nokkuð vel maukað. Setjið í
stóru skálina.
3. Bætið hlynsírópi út í og meiri
appelsínusafa ef illa gengur að mauka
ávextina.
4. Bætið kakónibbunum út í stóru
skálina og hrærið öllu vel saman. Gott
er að nota hrærivél og deigkrók. Ef þið
eigið ekki svoleiðis er gott að nota plast-
hanska og hnoða deiginu vel saman.
Áferðin á deiginu á að vera nokkuð þétt,
alls ekki blaut. Ef þið klípið í blönduna
á milli vísifingurs og þumalfingurs ætti
deigið að haldast saman.
5. Gott er að láta deigið bíða aðeins í
kæli, betra er að móta konfektið þannig.
6. Mótið litlar kúlur (um 14 g eða eins
og jarðarber að stærð). Gott er að slétta
botninn á hverri kúlu, hún stendur betur
á diskinum þannig.
7. Bræðið súkkulaðið yfir vatnsbaði:
Hitið vatn í potti (bara botnfylli) á
vægum hita. Setjið skál ofan í sem situr
á brúnum pottsins og brjótið súkkulaðið
ofan í. Fylgist með því og hrærið öðru
hvoru þangað til nánast bráðnað, takið
þá af hitanum. Gætið þess að súkkulaðið
ofhitni ekki og að ekki fari vatnsdropi
ofan í súkkulaðiskálina.
8. Notið tannstöngla til að stinga í flata
svæðið á konfektinu. Dýfið toppi kon-
fektsins ofan í súkkulaðið. Veltið upp úr
kókosmjöli, möndlum, kakói, kakónibb-
um eða einhverju öðru ef þið viljið.
9. Setjið konfektið í kæliskáp í svolitla
stund til að súkkulaðið storkni.
10. Hægt er að frysta molana en þeir
geymast í margar vikur í lokuðu íláti í
kæliskáp.
fonix.is • Hátúni 6a • 105 Reykjavík • S. 552 4420
Heimilistæki
HEIMILISTÆKJADAGAR 20% AFSLÁTTUR