Læknablaðið - 15.11.2008, Síða 51

UMRÆÐUR 0 G FRÉTTIR
HEILBRIGÐISSVIÐ HÍ
dósentar í 37% starfi heldur hafi eina stöðu sem
tekur til beggja stofnana og felur hvorttveggja í
sér, klíník og kennslu. Þessu til viðbótar má spyrja
hvernig við búum til tíma fyrir sérfræðingana
til að sinna meira kennslu og rannsóknum. Það
held ég að felist í betra skipulagi innan spítalans,
menn skipti meira með sér verkum, stjórnunarleg
ábyrgð sé færð meira á hendur þeirra sem stjórna
einstökum einingum innan spítalans og sú krafa
gerð til þeirra að menn geti losað sig úr klínískum
störfum til að sinna rannsóknum eða kennslu.
Þetta er gert annars staðar og hví skyldi það ekki
vera gert hér líka. Ég er sannfærður um að þetta
er hægt með betra skipulagi en nú er. Þá loks má
spyrja um allar stofumar og göngudeildirnar sem
læknar eru að sinna ofan á allt annað og þetta
hafa menn stundum nefnt sem eina ástæðu þess
að treglega hefur gengið að gera Landspítala að
því háskólasjúkrahúsi sem hann sannarlega á að
vera. Ég veit ekki hvort það er rétt en hitt veit ég
að það er alveg nauðsynlegt að læknar sinni ekki
bara rúmliggjandi sjúklingum. Ég vil hins vegar
sjá sem mest af þessari þjónustu undir hatti spít-
alans og þannig náum við að skapa það fjölþætta
spítalaumhverfi sem hæfir háskólasjúkrahúsi."
Sóknarfæri í núverandi stöðu
Það er kannski ekki hluti af þínu starfi að hugsa um
kaup og kjör heilbrigðisstarfsfólks en mig langar
samt að heyra hvort þér þyki ekki mótsagnakennt
að leggja ofuráherslu á góða menntun og ítarlega
þjálfun, tala jafnvel um besta heilbrigðisstarfsfólk í
heimi, og launa það svo ekki að verðleikum þegar
út í starf er komið.
„Þetta er auðvitað mótsagnakennt en um leið
algjörlega pólitísk spurning og því ekki á mínu
valdi að svara. Stjórnvöld verða auðvitað að svara
þessu ef ætlunin er að halda úti þjónustu af þeim
gæðum sem talað er um. Það er einnig ljóst að ein
af leiðunum til að tryggja sér öflugasta fólkið er að
launa því vel. Það er ekki eina leiðin en klárlega
ein af þeim. Þetta hefur líka áhrif á námsval ungs
fólks og þótt heilbrigðisgreinar höfði til hugsjóna
og samkenndar með manneskjunni verðum við
að gera okkur grein fyrir því að til að halda góðu
fólki í akademíunni skipta kaup og kjör miklu
máli. Það er alveg ljóst að við uppskerum einsog
við sáum í þessu efni. Gott dæmi er reynsla Finna
sem gengu í gegnum efnahagsþrengingar fyrir 20
árum og þurftu að skera niður víða í samfélaginu
nema í rannsóknum og menntun. Þar héldu þeir
sínu striki og bættu frekar í. Það er alveg á hreinu
að þeir uppskera nú margfalt af þeirri sáningu.
Ég ætla að vona að við berum gæfu til hins sama
einmitt núna. Ef það fyrsta sem okkur dettur í hug
er að skera niður menntun og rannsóknir förum
við áratugi aftur í tímann. Ég vona svo innilega að
sú leið verði ekki fyrir valinu. Það felast tækifæri
í okkar stöðu. Galdurinn er að sjá þau og nýta
þau."
Velkomin til Danmerkur
( samvinnu við danskar heilbrigðisstofnanir hefur Daniajob verið falið
að kanna hvort einhverjir íslenskir læknar gætu hugsað sér að sækja um
þau margvíslegu störf sem í boði eru í Danmörku.
Áhugasamir þurfa aðeins að senda tölvupóst með nafni og menntun
á info@daniajob.dk titlað starf. í framhaldi af þeim upplýsingum verður haft
samband við viðkomandi og farið verður yfir þær stöður sem í boði eru.
[ byrjun 2009 mun Daniajob skipuleggja ferðir umsækjanda til Danmerkur
þar sem haldnir verða fundir með umsækjandum og yfirmönnum þeirra
stofnana sem teljast áhugaverðar.
Ferðin til Danmerkur er viðkomandi
að kostnaðarlausu.
Farið er með allar upplýsingar og
samskipti sem trúnaðarmál.
info@daniajob.dk J
LÆKNAblaðið 2008/94 763