Læknablaðið - 15.11.2011, Qupperneq 51

UMFJÖLLUN O G GREINAR
Þórarinn Guðnason, Sieen Stender, Luc Joosens og Siv Friðleifsdðttir.
köfnunarefnisoxíðs og veiki þar með
varnir æðakerfisins. Köfnunarefnisoxíð
vinnur gegn æðakölkun sem aftur getur
valdið æðaþrengslum, en framleiðsla
köfnunarefnisoxíðs stjórnar blóðstreymi
um slagæðar. Því meiri framleiðsla á
köfnunarefnisoxíði, því betra blóðflæði.
Rannsóknir Stenders á áhrifum reykinga
þungaðra kvenna á blóðrás fósturs
benda í sömu átt og gefa til kynna
að þau börn fái minna blóðstreymi í
fósturlífi og þar með minni næringu
og fæðist því léttari og minni. Auk
þess geti þau verið berskjaldaðri fyrir
æðasjúkdómum síðar á lífsleiðinni en
ella.
Áhrifarikast að hækka verðið
Luc Joosens sérfræðingur Evrópusam-
bandsins í tóbaksvömum var annar
gestur Tóbaksvamaþingsins. Hann hóf
mál sitt með sláandi tölum. „Tóbak
drap 100 milljónir manna á 20. öld. A
þessari öld mun talan tífaldast nema
gripið sé strax í taumana.
í 25 löndum Evrópusambandsins
deyja 650.000 manns árlega af völdum
reykinga, 13 milljónir til viðbótar þjást
af langvinnum sjúkdómum af völdum
reykinga og tugir þúsunda deyja vegna
óbeinna reykinga. Kostnaður vegna
reykinga er metinn um 100 milljarðar
evra á ári í Evrópusambandslöndunum."
Joosens tiltók sex atriði sem öll
hafa sannað gildi sitt við að draga
úr tóbaksnotkun. Þau eru að 1)
draga úr aðgengi og setja reglur um
tóbaksnotkun, 2) vernda fólk fyrir
tóbaksreyk, 3) aðstoða reykingafólk
við að hætta reykingum. 4) vara við
hættum samfara reykingum, 5) herða
bönn við tóbaksauglýsingum, kynningum
og stuðningi tóbaksfyrirtækja, 6) hækka
opinber gjöld á tóbak.
Joosens sagði að samkvæmt áliti
Alþjóðabankans væri hækkun á verði
tóbaks áhrifaríkasta vömin. Hann
rakti ennfremur reynslu ýmissa þjóða
af því að setja strangar reglur um
sígarettuumbúðir og sagði ljóst að
því skýrari aðvaranir með myndum
af afleiðingum tóbaksreykinga ásamt
fábreyttum umbúðum, því meira
væri forvarnagildið. Rannsóknir
sýndu ennfremur að 75% allra
íbúa Evrópusambandsins væru
fylgjandi skýrum viðvörunum og
myndefni á tóbaksumbúðum. Joosens
lauk máli sínu með því að hrósa
þingsályktunartillögunni og sagði að
með henni kæmist ísland í fararbrodd
meðal þjóða heimsins um tóbaksvarnir.
Hann kvaðst binda miklar vonir við
fordæmisgildi þingsályktunartillögunnar
á alþjóðlegum vettvangi.
Er ráðstefna framundan?
Alhliða skipulagning ráðstefna og funda
Engjateigur 5 1105 Reykjavík | 585-3900 | congress@congress.is | www.congress.is
congress
™#REYKJAVÍK
LÆKNAblaðið 2011/97 631