Ritið : tímarit Hugvísindastofnunar - 01.05.2008, Side 47

GRÓÐURHÚSAÁHRIF
Aratugalangar sveiflur eru í djúpsjávarmyndun í Atlantshafinu og þeirri
hafhringrás sem henni tengist en gögn benda hvorki til þess að dregið hafi
úr djúpsjávarmyndun né að hægt hafi á hringrásinni.
Frá 1961 til 2003 hækkaði yfirborð sjávar að meðaltali um 1,8 mm á ári
og frá 1993 um 3,1 mm á ári (sjá mynd 2). Þáttur varmaþenslu í hækkun
sjávarborðs er um 0,47 mm á ári fyrir tímabilið 1961-2003 en 1,6 mm
á ári eftir 1993. Þótt gögn um sjávarstöðu fyrr á tíð séu brotakennd er
vitað með mikilli vissu að hraði sjávarborðshækkunar jókst á tímabilinu
1871-2000.
Ofangreind atriði eru stutt ágrip af þeim breytingum sem raktar eru í
fjórðu skýrslu IPCC. Það er eitt að rekja hvaða breytingar hafa átt sér stað
og annað að rekja orsakir þeirra. Næst verður stuttlega rætt hvaða breyt-
ingar tahð er að rekja megi til athafna manna.
Orsakir loftslagsbreytinga
Við mat á orsökum loftslagsbreytinga notar milliríkjanefndin kvarðað
orðalag sem er ætlað að lýsa óvissu. Ef unnt er að meta líkur á einhverri
atburðarás eða niðurstöðu með tölfræðilegum aðferðum eru notaðir
flokkar sem eru skilgreindir eins og sýnt er í töflu 1.
Niðurstaðan í fjórðu úttekt milliríkjanefhdarinnar er sú að breytingar
í lofthjúpnum, hafi, jöklum og ís og lífríki beri óumdeilanleg merki um
hlýnun jarðar.
Stig Líkur
Nánast öruggt meira en 99%
Afar líklegt .... 95-99%
Mjög líklegt .... 90-95%
Líklegt .... 66-90%
Eins líklegt og ekki .... 33-66%
Ólíklegt .... 10-33%
Mjög ólíklegt .... 5-10%
Afar ólíklegt .... 1-5%
Með ólíkindum minna en 1 %
Tafla 1. Skilgreining á orðalagi sem notað er til þess að lýsa líkum í flórðu úttekt
IPCC.
45