Ritið : tímarit Hugvísindastofnunar - 01.05.2008, Page 187

AFNEITUNARIÐNAÐURINN
úr ótilteknu tölublaði tímaritsins Science árið 1989, sem einu
heimildina fyrir því að flestir jöklar heimsins væru að skríða
fram?35
Svar Singers var áhugavert, og nokkuð óvænt.
Monbiot er á villigötum - eða fer einfaldlega með ósannindi
... hann er með fjörugt ímyndunarafl sem jaðrar við meiðyrði
... ég veit ekkert um grein í tímaritinu Science frá árinu 1989.
Þetta er sami Monbiot og kvartaði undan því ásamt öðrum
„umhverfisbaráttumönnum" í Nature (31. mars 2005) að
einhver okkar séu að koma þeirri hugmynd að hjá fólki að „mikil
óeining sé meðal loftslagsvísindamanna“ en raunin sé hins
vegar sú - skv. því sem hann segir sjálfur - að mjög mikil eining
ríki innan vísindasamfélagsins varðandi loftslagsbreytingar af
mannavöldum. Hann hefur greinilega sett eitthvað annað en
tóbak í pípuna sína.56
Lesandinn skrifaði aftur til baka:
Kæri prófessor Singer.
Þakka þér fyrir skjót svör við fyrirspurn minni. Fullyrðingar
þínar valda mér hins vegar miklum heilabrotum ... Þegar ég
leitaði með Google á www.sepp.org fann ég tvær vefsíður þar
sem haldið er fram nákvæmlega sömu atriðum og Monbiot
segir þig hafa fullvrt. Það htur út fyrir að hann fari hvorki
með ósannindi né heldur sé hann á villigötum ... Gætir þú
vinsamlegast tilgreint nákvæmlega hvaða grein í Science árið
1989 þú átt við? Það virðist mjög ólíklegt að WGMS [þ.e.
World Glacier Monitoring Service] hafi fullyrt það sem þú
heldur fram.3/
í þetta skipti var svar Singers öllu hófstilltara: hann sagði að fullyrðingin
hefði verið sett inn á vefsíðu hans af „Candace Crandall, fyrrum starfs-
manni SEPP“. Hann bætti því við að staðhæfingin „virtist vera röng og
hefði nú verið leiðrétt.“38 Hann gleymdi að geta þess að Candace Crandall
35 Tölvupóstur frá Ron Partridge til S. Freds Singer, 11. maí 2005.
36 Tölvupóstur frá S. Fred Singer til Rons Partridge, 11. maí 2005.
3' Tölvupóstur ffá Ron Partridge til S. Freds Singer, 11. maí 2005.
38 Tölvupóstur ífá S. Fred Singer til Rons Partridge sem áffamsendi hann til mín
28. maí 2005.
185