Þjóðlíf - 01.05.1988, Qupperneq 6

Þjóðlíf
BRÉFFRÁLESENDUM
Til lesenda
Þjóðlíf vill benda lesendum sínum á að þeir
geta sent okkur bréf til birtingar svo framar-
lega sem fjallað er um efni Þjóðlífs eða því
tengdu á einhvern hátt. Einnig geta lesendur
hringt inn í sama skyni. I þessu sambandi og
að gefnu tilefni vill Þjóðlíf taka fram, að
tímaritið áskilur sér rétt til að stytta bréf, en
mun kappkosta að breyta ekki merkingu
þeirra.
Bréf skulu stfluð þannig:
Fréttatímaritið Þjóðlíf
Bréf frá lesendum
Pósthólf 1752
121 Reykjavík
s
Islenskir nasistar
Greinin í síðasta tölublaði Þjóðlífs, um ís-
lensku skáldin Gunnar Gunnarsson og Guð-
mund Kamban var firna athyglisverð. Þessi
mál hafa aldrei verið könnuð og svo virðist
sem margir vilji að ekki sé farið í saumana á
samskiptum þeirra við nasista. Eins og fram
kom í greininni hafa málin ekki verið rann-
sökuð til hlítar af fræðimönnum sem er mjög
undarlegt. Hvaðætli margargreinarog bæk-
ur hafi verið skrifaðar um samband Laxness
við Sovétríkin í tíð Stalíns? Ansi margar. er
ég hræddur um. Að manni læðist sá grunur
að það eigi ekki — og megi ekki — ræða um
tengsl við nasistana. Það er enginn að varpa
rýrð á bókmenntaverk þeirra Gunnars og
Guðmundar Kamban, en óneitanlega sér
maður ýmislegt í nýju ljósi.
Soffía, Reykjavík
Rætin umfjöllun
um skáld
Mér fannst forsíðan á síðasta blaði forkast-
anleg. Að bendla einhver bestu skáld okkar
á öldinni við nasista og hálfpartinn segja að
þau hafi verið handbendi Hitlers, það er
ósvífið! Ég sé ekki tilganginn í því að vera að
garfa í málunum nú þegar svo langt er um
liðið. Hin miklu skáldverk Gunnars Gunn-
arssonar og Guðmundar Kamban taka af all-
an vafa um drengskap þeirra gagnvart Is-
landi og íslenskri menningu. Það er ekki
þeirra sök þótt þeir hafi verið mikils metnir í
Þýskalandi, eins og svo víða annars staðar.
Þar að auki vissi enginn um níðingsverk nas-
istanna þá. Ef allir væru glæpamenn sem
höfðu samskipti við Þjóðverja þá gætuð þið
haldið áfram til eilífðar. Hvers vegna að taka
Gunnar og Guðmund út úr?
Böðvar, Reykjavík
ÍSLENSK SKÁLDVIDHIRD
Mitlrvs
Þjóðlíf
ÍSLENSK SKÁLD VIÐHIRÐ
|Citler»
Nýtt
kanasjónvarp
Upplýsingar ykkar um hlutfall íslensks efnis
af framboði sjónvarpsstöðvanna voru slá-
andi. 91% af efni Stöðvar 2 er erlent!
Og ríkissjónvarpið hefur mjög látið undan
síga á tveimur árum: Hlutfallið lækkað úr 47
í 36%. Þetta er athyglisverðar tölur, nú
þegar „frelsi" hefur ríkt í þessum málum í tvö
ár. Nú sjáum við hvað samkeppnin rómaða
hefur fært okkur: Nýtt kanasjónvarp. Ég tel
að nú verði að huga að því hvort ekki er rétt
að setja reglur um hlutfall íslensks efnis í
sjónvarpi. t.d. þannig að það verði aldrei
minna en helmingur af heildarframboði.
Metnaðarleysið virðist þvílíkt hjá sjónvarps-
furstum frelsins að þeir færa okkur á kaf í
erlendri lágkúru með þessu áframhaldi.
Kristján, Mosfellsbæ
íþróttir, takk!
Tímaritið Þjóðlíf er stundum voðalega þungt
og menningarlegt að mínu mati. Það vantar
umfjöllun um skemmtilega hluti, til dæmis
íþróttir. Ef þetta blað ætlar að standa undir
nafni getur það ekki sleppt íþróttum sem eru
stór hluti af lífi margra. Þegar þið verðið
komnir með markvissa og stöðuga íþrótta-
umfjöllun, þá segi ég: Áfram Þjóðlíf!
Nanna, Reykjavík