Þjóðlíf - 01.04.1989, Blaðsíða 31

ERLENT
Hans Scheike og konurnar hans vildu
sína umheiminum hvernig hýðingarnar
hans ganga fyrir sig.
(kommunarrest). Peim er óheimilt að yfir-
gefa Malmö og verða daglega að sýna sig á
lögreglustöð í bænum. Ástæða þessa er að
mennirnir eru grunaðir um aðild að þeim
samtökum Kúrda sem PKK kallast og flokk-
ast til hryðjuverkasamtaka. Þau eru einna
þekktust fyrir það, að Hans Holmér, sem
stjórnaði rannsókn Palme morðsins fyrsta
árið, taldi og telur að innan raða þeirra sé
morðingjann að finna. Raunar hafa samtök
þessi framið nokkur morð í Evrópu en þar
mun hafa verið um að ræða liðhlaupa er talið
var að þyrfti að refsa.
Kúrdarnir í Malmö neita því að þeir séu
félagar PKK þó þeir segist hafa samúð með
samtökunum. Það var sænska öryggislög-
reglan, Sápo, sem fékk því framgengt að
Kúrdarnir fengu þetta bæjarfangelsi og var
það ríkisstjórnin sem ákvörðunina tók.
Raunar voru Kúrdarnir dæmdir til að hverfa
brott frá Svíþjóð en þar eð þeir komu frá
Tyrklandi þótti ekki fært að senda þá úr landi
að svo stöddu en bæjarfangelsið kom í stað-
inn. Enginn venjulegur dómstóll hefur fjall-
að um málið og enginn annar en Sapo, og svo
ríkisstjórnin, veit á hverju hryðjuverka-
stimpillinn hvílir.
Guillou hefur margsinnis tekið á þessu
máli án þess að fá nokkru breytt. En nú
minnti hann fólk á hversu lengi Kúrdarnir
heðu orðið að þjást án dóms og laga og verð-
ur ekki annað séð en það hafi verið þetta sem
hann átti við með tali sínu um sadískt of-
beldi. Marga grunar því að hér séu fleiri en
einn fiskur undir steini. Guillou hafi notað
þátt sinn til að sýna samfélagið í spéspegli.
Tiltölulega saklaust ofbeldi með samþykki
allra verður til þess að leiðandi menn og
konur á flestum samfélagsstigum reka upp
ramakvein. Hins vegar skipti enginn sér af
því óréttlæti og dómsmorði sem verið sé að
fremja á Kúrdunum í Malmö. Engin breyt-
ing hefur raunar orðið á högum Kúrdanna í
kjölfar þáttar Guillous, svo hafi tilgangurinn
verið að skapa umræður þar um, var verkið
unnið til einskis.
Því má svo hnýta hér aftan við að þetta
tiltæki Guillous hefur bakað honum óvin-
sældir meðal margra blómasala. Þannig er að
sá siður tíðkast hér í Svíþjóð er páskar nálg-
ast að menn kaupa hrísknippi og skreyta hí-
býli sín með. Eru knippin sett í vasa og látin
blómstra. Nú bregður hins vegar svo við að
varla þorir nokkur maður að kaupa hrís af
ótta við að vera álitinn eitthvað undarlegur
kynferðislega!
Lundi/lngólfur V. Gíslason
Mikill úrval af vorlaukum
og frœjum
Höfum opið frá 10-19. Alla
daga nema Sunnudaga 13-19
Næg bílastæði.
GARÐSHORN M
við Fossvogskirkjugarð
SUÐURHLÍÐ 35 - 105 REYKJAVÍK
SÍMI 40500
31