Frjáls verslun - 01.09.2007, Blaðsíða 70

70 F R J Á L S V E R S L U N • 9 . T B L . 2 0 0 7
Jóhann Hansen rekur Gallerí Fold ásamt tengdaforeldrum sínum; Tryggva Páli Friðrikssyni og Elínbjörtu Jónsdóttur. Hann segir rekstur Gallerí Foldar vera nokkuð margþættan
þar sem um er að ræða listaverkasölu, uppboðshús og sýningarsali:
„Við erum einnig með gallerí í Kringlunni sem
er í eðli sínu smámyndagallerí. Auk þess erum
við með gott innrömmunarverkstæði sem er það
stærsta og tæknivæddasta á landinu.
Við finnum fyrir aukinni sölu og almennum
áhuga á myndlist um þessar mundir og ég nefni
sem dæmi að þrátt fyrir að tvö uppboð eigi eftir að
fara fram á árinu er veltan þegar orðin meiri nú en
allt árið í fyrra.“
Hvert telurðu að rekja megi þessi auknu umsvif
listaverkasölu?
„Aukin velmegun í þjóðfélaginu hefur að sjálfsögðu
sitt að segja. Fréttir af velgengni erlendis hafa ýtt stórlega undir áhuga
fólks. Kjarvalsverkið sem var selt í Kaupmannahöfn á um 20 milljónir
króna opnaði augu margra fyrir myndlist sem fjárfestingarkosti. Mikil
umræða er um uppgang myndlistar í fjölmiðlum og þegar verðið fer
upp á við hafa fleiri hug á að selja verk sem þeir eiga og þá koma betri
verk á markað.
Hjá okkur hefur verslun með eldri verk aukist verulega,
bæði í umfangi og sölu, sem svo togar upp verðið á verkum
samtímalistamanna.“

Hvað er á döfinni hjá Gallerí Fold?
„Núna erum við með sýningu á verkum
Sigurjóns Jóhannssonar en hann málar meðal
annars vatnslitamyndir frá síldarárunum. Þann
2. desember verðum við svo með uppboð á
Hótel Sögu. Við leggjum áherslu á að vera með
framúrskarandi úrval verka á jólauppboðinu. Síðan
er það hin árlega jólasýning þar sem úrval verka
eftir listamenn gallerísins eru til sýnis og sölu.“
Eru stór listaverk vinsæl til gjafa?
„Já, mikið er um að bæði fyrirtæki og starfsmannafélög taki sig til
og gefi vegleg myndlistarverk á merkistímamótum fólks. Vaxtalausu
listaverkalánin eru mjög vinsæl enda gera þau mörgum kleift að
eignast góð verk og þá sér í lagi yngra fólkinu.“
Vöxtur á myndlistarmarkaði
Gallerí Fold
Það er mikil umræða
um uppgang myndlistar
í fjölmiðlum og þegar
verðið fer upp á við hafa
fleiri hug á að selja verk
sem þeir eiga
og þá koma betri
verk á markað.
Jóhann Hansen hjá Gallerí Fold sér mjög aukinn áhuga fólks og aukna sölu á listaverkum.
K
YN
N
IN
G