Frjáls verslun - 01.09.2007, Blaðsíða 83

Lífsstíll
F R J Á L S V E R S L U N • 9 . T B L . 2 0 0 7 83
Albert Þór Magnússon. „Það sem mér finnst mest spennandi við
frjálsar íþróttir er að maður er algjörlega á eigin forsendum. Sigur
og tap er undir mér sjálfum komið enda er þetta einstaklingsíþrótt í
húð og hár.“
Albert Þór Magnússon,
framkvæmdastjóri Atlantsolíu,
byrjaði að stunda frjálsar íþróttir
þegar hann var 11 ára og þá
varð ekki aftur snúið. Hann
þjálfaði meðal annars um tíma
hjá frjálsíþróttadeild ÍR.
„Það sem mér finnst mest
spennandi við frjálsar íþróttir er
að maður er algjörlega á eigin
forsendum. Sigur og tap er
undir mér sjálfum komið enda
er þetta einstaklingsíþrótt í húð
og hár.“
Albert Þór bendir á að
íþróttin móti einstaklinginn, að
hann hafi orðið sjálfstæðari í
hugsun auk þess sem íþróttin
hafi hjálpað honum að móta
sjálfstæða ímynd á sjálfum sér.
„Frjálsar íþróttir hafa skapað
stóran hluta af því sem ég er.“
Albert Þór stundar
líkamsrækt fjórum sinnum í viku
og hluti af því er að skokka.
,,Það er mjög gaman að fara út
og tæma hugann. Mér finnst
sérlega gaman að skokka
í rigningu þegar allt er svo
ferskt.“
Frjálsar íþróttir:
Varð sjálfstæðari í hugsun
Hrund Rudolfsdóttir,
framkvæmdastjóri hjá
Milestone, stundaði á sínum
tíma nám í alþjóðaviðskiptum
í Danmörku. Hún bjó þá á
stúdentagarði í Kaupmannahöfn
og segir að hún hafi þurft að
finna sér eitthvað til dundurs
þegar skólabókunum sleppti.
„Íslensk hjón bjuggu í
næsta húsi og þau kenndu mér
bridge. Þetta er kúnst. Þetta
er sport sem maður verður
aldrei fullnuma í. Þessu fylgir
heilaleikfimi, miklir útreikningar
og kænska. Ég finn sífellt
nýjar hliðar í spilinu,“ segir
Hrund og bætir við að hún
fái tækifæri til að hitta
skemmtilegt fólk í gegnum
spilamennskuna. Eiginmaðurinn
er oftast makkerinn og eru þau
í bridgeklúbb ásamt þremur
öðrum pörum sem eru vinir
frá Kaupmannahafnarárunum.
„Þegar við hittumst, sem er ekki
nógu oft, borðum við saman
kvöldmat og spilum fram á
rauða nótt.“
Bridge:
Útreikningar og kænska
Hrund Rudolfsdóttir. „Þetta er
kúnst. Sport sem maður verður
aldrei fullnuma í. Þessu fylgir
heilaleikfimi, miklir útreikningar
og kænska. Ég finn sífellt nýjar
hliðar í spilinu.“
Æskumyndin
Æskumyndin er
af Guðnýju Rósu
Þorvarðardóttur,
framkvæmdastjóra
Parlogis, og tveimur
bræðrum hennar.
Guðný Rósa var fimm
ára þegar myndin var
tekin.
„Ég og bræður
mínir tveir vorum
send á ljósmyndastofu í jólafötunum og mér fannst mikilvægt
að líta vel út við það tækifæri. Ég dundaði mér því við að
snyrta sjálf á mér hártoppinn á meðan foreldrarnir voru að
sinna bræðrunum. Útkoman var ekki alveg í takt við væntingar
enda gripið inn í áður en ég náði að klára klippinguna.
Í minningunni er skemmtilegasta tímabil uppvaxtaráranna
hins vegar aðeins síðar eða um 10 ára aldurinn þegar ég bjó
í Hlíðahverfinu. Margir hressir krakkar bjuggu í götunni og
toppurinn var að fá að vera úti fram eftir kvöldi í bófaleikjum
og brennó.“