Frjáls verslun - 01.09.2007, Blaðsíða 8

KYNNING F R J Á L S V E R S L U N • 9 . T B L . 2 0 0 7
Harðviðarval ehf. er gamalgróið fyrirtækið sem var stofnað árið 1978. Fyrirtækið hefur ætíð leitast við að bjóða viðskiptavinum sínum allt það nýjasta og besta í gólfefnum ásamt miklu úrvali innihurða. Í
versluninni að krókhálsi 4 er stærsti parketsýningarsalur landsins
og þar geta viðskiptavinir séð sýnishorn af öllum þeim vörum sem
Harðviðarval býður upp á.
Að sögn Eggerts Gottskálkssonar framkvæmdastjóra og Björns
Matthíassonar sölu- og markaðsstjóra eru seldar í versluninni vörur til
einstaklinga, verktaka, arkitekta og fyrirtækja og auk þess boðið upp
á hagstæðar heildarlausnir fyrir heimilið: „Við höfum lengi verið með
stóra hlutdeild af markaðinum og höfum verið í mikilli sókn og erum
að bæta við okkur ýmsum vöruflokkum sem gerir okkur að góðum
kosti þegar leysa þarf heildarlausnir í gólfefnum og innihurðum. Það
getur stundum komið fyrir að þörf sé á að skipta nánast öllu út og
þá bjóðum við upp á einstakar og hagsýnar heildarlausnir í þessa veru
fyrir heimilin og erum með góðar og viðurkenndar vörur.“
Þeir Eggert og Björn segja að fólk sé meira farið að hugsa um
gæði parketsins og vilji fá góða vöru: „Þetta hefur gert það að verkum
að dýrara parket er farið að seljast betur. Þá hefur færst í aukana að
fólk setji flísar á gólf. Þau efni sem við erum með koma mikið frá
Þýskalandi og eru öll mjög vel vottuð, sem skiptir miklu máli þegar
verið er að koma þeim á markaðinn.“
Allt innifalið í einum pakka
Harðviðarval hefur á síðustu árum boðið uppá svokallaða Gulllínu.
„Hugmyndin gengur út á það að menn kaupa einn pakka og honum
fylgir allt sem þeir þurfa, efni, akstur á efninu, lögn eða uppsetning.
Viðskiptavinurinn borgar eina ákveðna upphæð fyrir vöruna og
þjónustuna og enginn aukakostnaður bætist við. Það hafa ekki allir
tök á að útvega sér iðnaðarmenn eða hafa tíma til að leggja sjálfir
parket eða flísar og þess vegna fórum við í að bjóða heildarlausnir sem
hafa gengið mjög vel og er stöðugt meira um þær í rekstri okkar.
Þá má einnig nefna að lagning parkets og flísa er oft lokahnykkurinn
hjá fólki sem staðið hefur í að byggja eða kaupa sér húsnæði og þá
þykir mörgum gott að geta klárað dæmið með þeirri þjónustu sem
við bjóðum. Verkið er drifið af á eins stuttum tíma og hægt er og þess
gætt að rask verði sem minnst. Við höfum fylgt verkinu eftir og haft
samband við viðskiptavininn og spurt hvort allt hafi staðist og oftar
en ekki hefur þjónustan farið fram úr væntingum fólks og oft kemur
mest á óvart að áætlun sem sett er upp þegar þjónustan er keypt,
stenst fullkomlega.“
Breytingar í versluninni
Miklar breytingar hafa staðið yfir í versluninni að Grjóthálsi að
undanförnu. „Við tókum þá ákvörðun að stækka við okkur í flísum
og innihurðum og breytingarnar felast í að koma þeim vörum vel fyrir.
Við erum að taka til sölu tvö ný flísamerki, Etilcuoghi og Aquileia,
sem eru gríðarlega vönduð vara, mikið lagt í hönnun og endingu. Þá
finnst okkur hafa vantað á markaðinn meiri fjölbreytni í hurðum og
erum að sinna þeim markaði með breiðari línu í innihurðum, allt frá
gegnheilum hurðum yfir í glerhurðir. Allt þetta kallar á breytingar í
verslun okkar.“
Eitt af því sem Harðviðarval gerir er að styðja við skógrækt í
landinu. „Við erum í samstarfi við Skógrækt ríkisins. Það hófst þannig
að þegar við hófum að selja Gulllínuna okkar gerðum við samning
við Skógræktina um að fyrir hvern seldan fermetra í Gulllínunni
yrði gróðursettur ákveðinn græðlingur. Í kjölfarið fór Skógræktin af
stað með tilraunaverkefni að Tumastöðum í Fljótshlíð þar sem gerð
er tilraun með ræktun á eik, beyki og álmi sem eru sambærilegar
viðartegundir og við erum að selja út úr versluninni. Þetta eru
tegundir sem ekki hafa verið ræktaðar mikið hér á landi og teljum við
það verðugt og umhverfisvænt verkefni fyrir Harðviðarval og fylgjum
við því vel eftir.“
Vandaðar og viðurkenndar vörur
í gólfefnum, flísum og innihurðum
Mikið úrval innihurða er í Harðviðarvali.