Frjáls verslun - 01.09.2007, Blaðsíða 28

28 F R J Á L S V E R S L U N • 9 . T B L . 2 0 0 7
16. október
Hlutabréf í Ericsson
hrundu um 24%
Það er stundum sagt að þegar
Wall Street í New York hnerri
þá fái heimurinn kvef. Það er
hægt að heimfæra þetta upp á
sænska hlutabréfamarkaðinn
þar sem Ericsson hefur verið
risinn í Kauphöllinni. Hlutabréf
í Ericsson hrundu um 24%
þennan dag og við það fór
hrollur um sænska markaðinn.
Hlutabréf í Ericsson hafa
ekki verið lægri í þrjú ár en
ástæða lækkunarinnar er
samdráttur í tekjum sem
virðist hafa komið stjórnendum
fyrirtækisins og sérfræðingum
á markaðnum í opna skjöldu.
Verðmætasta fyrirtækið í
sænsku Kauphöllinni er núna
tískuverslanakeðjan H&M.

Risinn stendur undir nafni.
17. október
Hagnaður Coca-Cola
eykst um 13%
Vænkast hagur Búkollu. Það
voru fremur óvænt tíðindi
þegar sagt var frá því að
hagnaður Coca-Cola, stærsta
drykkjarvörufyrirtækis í heimi,
hefði aukist um 13% á þriðja
ársfjórðungi. Var þetta mun
meiri hagnaður heldur en
greiningardeildir höfðu gert ráð
fyrir. Það hefur gengið á ýmsu
hjá fyrirtækinu á undanförnum
árum og samkeppnin á
kólamarkaðnum er stöðugt að
aukast.
18. október
Landic Property:
Vilja tvöfaldast
á tveimur árum
Landic Property, sem
áður hét Stoðir og á m.a.
fasteignafélagið Keops og
D A G B Ó K I N
TExTi: Jón G. Hauksson • MYNDiR: Geir ólafsson o.fl.
Atlas Ejendomme í Danmörku,
stefnir á miklar fjárfestingar
á næstu tveimur árum. Fram
kom í fréttum að félagið
ætlaði sér að tvöfaldast á
tveimur árum og að það leitaði
að fjárfestingartækifærum
í Danmörku, Finnlandi,
Þýskalandi og í
Eystrasaltsríkjunum.
Skarphéðinn Berg Steinarsson,
forstjóri Landic Property.
25. október
Ekstrablaðinu
mun svíða
Ef fram fer sem horfir í máli
Kaupþings gegn Ekstrablaðinu,
þá mun Ekstrablaðinu svíða,
samkvæmt því sem Berlingske
Tidende segir. Kaupþing
höfðaði mál fyrir breskum
dómstólum vegna greinaflokks
sem blaðið birti um Kaupþing
og íslenskt fjármálalíf í fyrra.
Berlingske Tidende segir að
málskostnaður Ekstrablaðsins
gæti orðið yfir 120 milljónir
króna þótt það yrði sýknað –
og hvað þá ef það myndi tapa
málinu fyrir dómstólum.
Í greinunum fullyrti
Ekstrablaðið að Kaupþing
færi á svig við skattalög og
nýtti sér ýmis skattaskjól
í viðskiptum sínum.
Lögfræðistofa Kaupþings í
Lundúnum er Schillings Royalty
House.
Kaupþing krefst þess að
Ekstrablaðið dragi greinarnar
til baka og biðjist afsökunar á
þeim. Þá krefst bankinn einnig
ótilgreindra skaðabóta.
Ekstrablaðinu mun svíða.
Sigríður Á. Andersen.
17. október
Sigríður formaður
Spænsk-íslenska
Sagt var frá því að
Sigríður Á. Andersen
héraðsdómslögmaður
hefði verið kjörin formaður
Spænsk-íslenska
viðskiptaráðsins. Hún tók
við formennsku af Úlfari
Steindórssyni sem verið hafði
formaður síðastliðin 4 ár. Í
fréttum var sagt að þetta
væri í fyrsta sinn í sögu
millilandaráða Viðskiptaráðs
Íslands sem kona væri kjörin
formaður. Átta millilandaráð
eru í Viðskiptaráði Íslands.
17. október
„Taka TVö“ Hjá FroSTa
Upphafsmaðurinn að fyrirtækinu Opnum
kerfum, Frosti Bergsson, hefur eignast
félagið að nýju. Það er eignarhaldsfélag
hans, OK2 ehf., sem keypti fyrirtækið af
Opnum kerfum Group hf. Segja má að OK2
standi því fyrir „taka tvö“ hjá honum.
Frosti stofnaði ásamt fleirum Opin kerfi
1984 en það hét þá HP á Íslandi og var dótturfélag Hewlett
Packard frá Danmörku. Opin kerfi keyptu öll hlutabréf í HP á
Íslandi 1995 og 1997 var félagið skráð í Kauphöll Íslands.
Árið 2004 keypti Kögun, undir stjórn Gunnlaugs
Sigmundssonar, öll hlutabréf í Opnum kerfum af Frosta
Bergssyni og öðrum hluthöfum.
Þorsteinn Gunnarsson, forstjóri Opinna kerfa, verður áfram
forstjóri félagsins.
Frosti Bergsson.