Frjáls verslun - 01.09.2007, Blaðsíða 17

F R J Á L S V E R S L U N • 9 . T B L . 2 0 0 7 17
Forsíðuviðtal
HOtEL D´AnGLEtERRE -
GimStEinninn í SAfninu
Gísli Þór reynisson HjÁ NoRDIc PaRTNERS
Í E INkaVIðTaLI V Ið FRjÁLSa VERSLuN:
j
á, svona er lífið,“ segir Gísli Þór Reynisson, og spyr hvort
ekki megi bjóða upp á samloku úr eldhúsinu meðan við
spjöllum saman um óvænta frægð hans sem fjárfestis.
Samloku úr eldhúsi Hotel D´Angleterre við Kongens
Nytorv í hjarta Kaupmannahafnar. Jú takk, ætli að ekki.
Þetta er veitingastaður sem Kaupmannahafnarblaðið
Berlingske Tidende hefur rétt nýverið gefið fimm stjörnur
(og ekki sex af því að blaðið gefur mest fimm stjörnur, sagði
þar) og hér hafa frægustu skáld, listamenn, skemmtikraftar
og valdamenn sinnar samtíðar verið gestir í 250 ár – sofið í
herbergjunum, snætt í veitingasalnum. Menn eins og Halldór
Kiljan Laxness og grínarinn Danny Kay svo aðeins tveir séu
nefndir.
Það dregst ofurlítið að Gísli komi með samlokurnar úr
eldhúsinu en þegar hann kemur afsakar hann sig og segir:
„Bara smáuppákoma. Mary, krónprinsessa Dana, kom
með vinkonu sína, greifynju, að borða. Alltaf einhverjar
öryggisráðstafanir þegar fólk úr konungsfjölskyldunni
kemur,“ segir Gísli og við blaðasnápar sættum okkur við að
krónprinsessur og greifynjur hafa forgang á Hotel D´Angleterre.
Þannig hefur það verið í 250 ár.
Frægasta hótel Norðurlanda
En við erum að tala um lífið og hótelið og frægðina við
Kópavogsbúann Gísla Þór Reynisson.
„Það er bara svo, að kaup á einu frægu hóteli vekja miklu
meiri athygli en aðrar fjárfestingar í húsnæði,“ segir Gísli því
hann og fjárfestingafélagið sem hann á stofnaði og á meirihluta
í – Nordic Partners ehf. – hefur starfað í mörg ár og náð
Gísli Þór Reynisson