Frjáls verslun - 01.09.2007, Blaðsíða 41

F R J Á L S V E R S L U N • 9 . T B L . 2 0 0 7 41
„Mér finnst ég stundum stödd í gamla
Alþýðubandalaginu!“ Og hún segist nota
það fremur sem samlíkingu en að gamla
Alþýðubandalagið lifi beinlínis í Starfs-
greinasambandinu.
„Það eru margir smákóngar, sumir ungir
en þó einkum gamlir. Þeir hafa ekki allir
mestan áhuga á samstöðu. Þetta er sundurleit
hjörð,“ segir Signý.
Hún segist hafa verið í Alþýðubandalaginu
á lokaárum þess. „Ég kannast við svona átök
frá þeim tíma,“ segir hún.
„Ég get staðfest að allt sem Margrét
Frímannsdóttir hefur sagt um starfsandann
og átökin í Alþýðubandalaginu er rétt,“ segir
Signý.
axla ekki ábyrgð
Og hvað varðar Starfsgreinasambandið segir
Signý að það séu verkalýðsfélagið Efling og
Flóabandalagið sem ekki vilji axla ábyrgð í
samtökunum.
„Efling er það stórt félag að það þarf
ekki á Starfsgreinasambandinu að halda. Og
Efling er eins og gamla Dagsbrún var í því að
láta ekki frá sér samningsumboðið til stærri
samtaka,“ segir Signý.
Hún segir að innan SGS valdi margvísleg
sjónarmið og hagsmunir togstreitu. Það er
togstreita milli karla og kvenna, milli lands-
hluta og milli starfsstétta. Og niðurstaðan
er að þótt SGS sé stærsta sambandið innan
ASÍ og það samband sem er í mestu vexti þá
er styrkur þess minni en Samiðnar, samtaka
iðnaðarmanna, og Landsambands íslenzkra
verzlunarmanna.
„Það er einfaldlega vegna meiri félags-
þroska að iðnaðarmenn og verslunarmenn ná
saman og skipta með sér forystuhlutverkunum
í ASÍ,“ segir Signý. Iðnaðarmenn fá forsetann
og verslunarmenn varaforsetann. Og núna
eru það Grétar Þorsteinsson og Ingibjörg R.
Guðmundsdóttir.
Neyðarlausn?
Tilraunir til að breyta þessu og hleypa SGS
að í forystu hafa mistekist á síðustu þingum.
Núna koma fram tillaga um að bæta við
einum varaforseta og tryggja þannig að þrjú
stærstu samböndin hefðu forsetaembætti. En
sú tillaga féll.
„Þetta var tilraun til málamiðlunar en ég
held að hún hafi komið of seint fram. Það
gafst ekki tími til að kynna hana. Þetta leit út
eins og einhver neyðarlausn fyrir meirihluta
fulltrúanna og féll,“ segir Signý. Hún minnir
þó á að áður hafi verið tveir varaforsetar svo
ekki var verið að rjúfa gamla hefð.
„Annars veit ég ekki hvort meiri kynning
hefði dugað. Það hafa áður verið lagðar til
lagabreytingar og þær kynntar ítarlega en
samt verið felldar,“ segir Signý.
„Við í SGS verðum bara að reyna að
taka okkur saman í andlitinu. Iðnaðarmenn
og verslunarmenn eru félagslega sterkari en
við og lagnari við að mynda bandalög og
fara þess vegna með sigur af hólmi,“ segir
Signý.
Ingibjörg R. Guðmundsdóttir, formaður
Landsambands íslenzkra verzlunarmanna,
segir að hennar samband hafi stutt tillöguna
um tvo varaforseta. Það hafi verið gert með
heiðarlegum hætti, en tillagan féll meðal
annars vegna þess að Starfsgreinasambandið
var ekki allt með.
„Þegar tillagan var fallin bauð ég mig fram
enda var þá ljóst að varaforseti yrði aðeins
Ingibjörg R. Guðmundsdóttur, varaforseti og Grétar
Þorsteinsson forseti ASÍ.
á t ö k i n í a s í
Kristján Gunnarsson, formaður Starfsgreinasambandsins, og Signý Jóhannesdóttir
formaður Verkalýðsfélagsins Vöku á Siglufirði, telja átakavetur framundan í ASÍ.