Frjáls verslun - 01.09.2007, Blaðsíða 40

40 F R J Á L S V E R S L U N • 9 . T B L . 2 0 0 7
É
g er ekki ósátt við minn hlut en
ég er ósátt við að ég veit að við
í Starfsgreinasambandinu stóðum
ekki saman. Það er veikleiki okkar.
Við stöndum ekki saman meðan aðrir gera
það,“ segir Signý Jóhannesdóttir, formaður
Verkalýðsfélagsins Vöku á Siglufirði. Hún beið
lægri hlut í kosningu um varaforsetaembættið
hjá Alþýðusambandi Íslands á þinginu í
haust og þar með var staðfest enn og aftur
að sjálfur verkalýðurinn er í minnihluta í
verkalýðshreyfingunni.
„Við í Starfsgreinasambandinu - við sem
eigum að berjast fyrir hina ófaglærðu og
það er stöðugt vaxandi hópur - við erum
einfaldlega ekki eins félagslega sterk og samtök
iðnaðarmanna og verslunarmanna. Það er
sundrung hjá okkur. Það eru vonbrigði þegar
þetta sannast aftur og aftur,“ segir Signý.
Ósigurinn í forsetakjörinu sýnir, að mati
Signýjar, að iðnaðarmenn og verslunarmenn
ráða nú sem fyrr ferðinni innan ASÍ.
förum frá borðinu
Kristján Gunnarsson, formaður Starfs-
greinasambandsins, - SGS - vill ekki endilega
kenna ósætti innan SGS um að ekki tókst að
ná varaforsetaembættinu. En það er ósætti
innan ASÍ.
„Sundrungin innan ASÍ veikir laun-
þegahreyfinguna,“ segir Kristján.
Hann segir að afleiðingin sé ósamstæð
kjarabarátta. „Ef þetta heldur svona áfram
veikir það sambandið. Það er samkomulag
um að halda okkur utan við. Það kann að
draga dilk á eftir sér,“ segir Kristján. Og hvað
á hann við með því?
„Við hjá SGS finnum fyrir því að okkur
hefur verið hafnað. Það vilja ekki allir hafa
okkur við borðið og þó erum við stærsta
sambandið innan ASÍ og það sem vex örast.
Það getur komið að því að við verðum ekkert
við borðið; kjósum bara með fótunum og
göngum út.“
Frjáls verslun bar þessi orð Kristjáns undir
Ingibjörgu R. Guðmundsdóttur, formann
Landsambands íslenzkra verzlunarmanna. Er
það virkilega svo að samstaða verslunarmanna
og iðnaðarmanna gegn SGS leiði að lokum
til klofnings ASÍ?
„Þetta er sagt í hita leiksins,“ segir
Ingibjörg. „Ég trúi ekki að nokkuð svona
gerist fyrr en ég tek á því.“
flestir í minnihluta
Starfsgreinasambandið hefur innan sinna
vébanda 43 prósent félaga Alþýðusambandsins
– það eru 53.000 manns í vinnu bæði hjá hinu
opinbera og einkafyrirtækjum. 39,9 prósent
kusu Signýju og hún segist hafa fengið hluta
af sínu fylgi utan Starfsgreinasambandsins
– SGS. Því vanti í raun enn meira upp á
samstöðuna innan SGS er niðurstaðan bendi
til.
„Ég sagðist bjóða mig fram í þeirri trú
að samstaða væri innan okkar samtaka um
framboðið. Svo reyndist ekki vera. Hins
vegar get ég í sjálfu sér vel við unað og
það er alls enginn ósigur að fá 40 prósent
atkvæðanna. Það var ekki óvænt niðurstaða.
Ég kem úr einu af minnstu félögunum,“
segir Signý.
eins og í gamla alþýðubandalaginu
Þegar hún er beðin að útskýra nánar þetta
samstöðuleysi innan SGS hlær hún og segir:
fréttaskýring: gísli kristjánsson • Myndir: mbl o. fl.
„Það vilja ekki allir hafa okkur við borðið. Því getur komið að því að við kjósum með
fótunum og göngum út,“ segir Kristján Gunnarsson, formaður starfsgreinasambandsins.
Það eru átök innan alþýðusambands Íslands og iðnaðarmenn og verslunarmenn sakaðir
um að vera í órjúfanlegu bandalagi gegn verkalýðnum. Endar það með klofningi?
VaXaNdi suNdruNG iNNaN aLÞýðusamBaNds ÍsLaNds:
Hóta að kljúfa
alþýðusambandið
á t ö k i n í a s í