Frjáls verslun - 01.09.2007, Blaðsíða 86

Lífsstíll
86 F R J Á L S V E R S L U N • 9 . T B L . 2 0 0 7
Svo mörg voru þau orð
„Þegar maður horfir til baka finnst manni þetta hafa verið
hálfgert grín – við settum upp fundi með stórum bönkum á
borð við Barclays og Royal Bank of Scotland o.fl. og kynntum
Kaupþing og spurðum hvort menn vildu ekki lána bankanum
fé. Prósentutölurnar litu vissulega allar vel út en svo fóru
menn að spyrja: Hvað er þetta eiginlega stór banki, hvert er
eigið fé hans? Þá sögðum við með miklu stolti: „Two million
dollars“, því okkur fannst það vera ansi mikið fé en þá lá við
að hringt væri í öryggisverðina til þess að henda okkur út.“
Ármann Þorvaldsson, forstjóri Kaupthing Singer &
Friedlander. Morgunblaðið, 1. nóvember.
„En hvers vegna eru stjórnendur að kvarta undan löngum
vinnutíma? Var það ekki þeirra val að taka að sér
stjórnunarstarf? Staðreyndin er sú að þótt stjórnendur upplifi
flestir mikið ójafnvægi milli vinnu og einkalífs þá eru það samt
stjórnendur sem eru almennt ánægðastir í sínu starfi og vilja
yfirleitt ekki skipta.“
Ásta Bjarnadóttir, framkvæmdastjóri mannauðs
og gæða hjá Háskólanum í Reykjavík.
Morgunblaðið, 18. október.
„Vinnan og fjölskyldan eru
aðaláhugamálin,“ segir Kristinn
Tryggvi Gunnarsson, forstjóri
Capacent á Íslandi. „Það
finnst engum skrítið við það
að kunningjar mínir, sem spila
með Sinfóníuhljómsveitinni,
æfi sig heima á kvöldin en ég
er oft litinn hornauga ef ég sit
heima við lestur fræðibóka eða
svara pósti fram á kvöld. Það
er bara ekkert athugavert við
það að vinnan sé líka eitt af
aðaláhugamálunum.“
Eiginkona Kristins er Guðrún
Högnadóttir, þróunarstjóri
Stjórnendaskóla Háskólans í
Reykjavík. Þau eiga tvær dætur
– Kristjönu Ósk, 10 ára, og
Ingunni Önnu, 8 ára.
„Ég er í krefjandi og
skemmtilegu starfi og glími við
að samhæfa vinnu og einkalíf
eins og flestir. Hjá sumum er
þetta stanslaus jafnvægislist
og fæstir ná því jafnvægi
sem þeir sækjast eftir, oftast
hallar þá á fjölskylduna og
vinnan verður ofan á. Mér
finnst þetta líkara því að
vera fjöllistamaður sem er að
halda mörgum boltum á lofti
og þarf að passa að enginn
detti í gólfið. Maður getur
ákveðið hvað maður ætlar að
halda mörgum boltum á lofti
samtímis og þá þarf að læra
að segja nei þegar verið er að
rétta manni freistandi bolta.“
Kristinn setur fjölskylduna í
forgang og hefur af þeim sökum
útilokað tímafrekar íþróttir eins
og golf – hann kýs að verja sem
mestu af frítíma sínum með
konunni og dætrunum tveimur.
Líkamsræktina reynir hann að
tvinna saman við áhugamálin
en hann og framkvæmdastjóri
rannsóknarsviðsins halda
til dæmis vikulegu fundi
sína í Laugum þar sem
þeir lyfta lóðum og í
sumar stundaði Kristinn
sjókajaksiglingar eldsnemma
á fimmtudagsmorgnum með
nokkrum vinnufélögum úr
Capacent.
„Ég vinn markvisst að því að
segja nei og sneiða hjá hlutum
sem taka mikinn tíma frá
fjölskyldunni.“
Fjölskyldan ferðast mikið
Kristinn Tryggvi Gunnarsson. „Ég vinn markvisst að því að segja
nei og sneiða hjá hlutum sem taka mikinn tíma frá fjölskyldunni.“
Á myndinni eru frá vinstri Guðrún Högnadóttir, Kristjana Ósk
Kristinsdóttir, Ingunn Anna Kristinsdóttir og Kristinn Tryggvi
Gunnarsson. Myndin var tekin í safaríferð fjölskyldunnar til Kenýa
og er frá Lake Nakuru National Park.
Fjölskyldan:
stanslaus jafnVægislist
saman og þá oft til framandi
landa, það er farið á skíði á
veturna, í sund allan ársins
hring og fjölskyldan fer mikið
í hjóla- og gönguferðir um
Heiðmörkina sem er í næsta
nágrenni við heimilið.
„Ég er í betra jafnvægi
og betur í stakk búinn til að
takast á við áskoranir heima
og í vinnunni,“ segir Kristinn
þegar hann er spurður hvað það
gefi honum að vera meira með
fjölskyldunni en ella.
Úr Frjálsri verslun fyrir 27 árum: