Frjáls verslun - 01.10.2008, Side 55

56 F R J Á L S V E R S L U N • 1 0 . T B L . 2 0 0 8
Bjarni Kristinn Grímsson
Kirkjan er eitt
af hugðarefnunum
Aðalsteinn Steinþórsson. „Ég ráðlegg fólki
að prófa að vera í útlöndum um jól en mér
finnst það auka samverustundir með fjöl-
skyldunni enn meira en ella. Maður skiptir
alveg um gír.“
Aðalsteinn Steinþórsson
„Maður
skiptir
alveg um gír“
Aðalsteinn Steinþórsson, framkvæmda-
stjóri Lyfjavers, hefur tvisvar sinnum verið
á Kanaríeyjum um jólin og segir hann það
vera góða tilbreytingu. „Það var gott að
losna við ys, þys og stressið sem er fyrir
jólin á Íslandi. Þetta er allt öðruvísi úti.“
Aðalsteinn spilaði golf á aðfangadag
í þessi tvö skipti og fór út að borða á
aðfangadagskvöld í bæði skiptin – góð
steik varð fyrir valinu en sérstakur jólamat-
seðill hafði verð útbúinn í annað skiptið.
„Léttleikinn yfir ferðamönnum og góð
stemning er minnisstæðast. Ég ráðlegg
fólki að prófa að vera í útlöndum um jól en
mér finnst það auka samverustundir með
fjölskyldunni enn meira en ella. Maður
skiptir alveg um gír.
Minni voru gjafirnar og ekkert jóla-
skrautið í hótelíbúðinni. Við fengum í
annað skiptið reyndar gjöf frá hótelinu – lít-
inn jólasvein sem kerti var sett inn í.“
Bjarni Kristinn Grímsson. „Það er mjög gott fólk í kirkjunni. Kirkjan höfðar til
mín og er eitt af mínum hugðarefnum. Það er þægilegt að vera í kirkjunni.“
Bjarni Kristinn Grímsson viðskipta-
fræðingur starfar hjá Fjársýslu
ríkisins, hann er í meistaranámi
í heilsuhagfræði og er formaður
sóknarnefndar í Grafarvogskirkju.
Þar sem sóknin er fjölmenn eru
fjórir prestar starfandi við kirkjuna
og eru haldnar þrjár messur á
aðfangadagskvöld, klukkan 18 og
23 – í Grafarvogskirkju og klukkan
18 í Borgarholtsskóla. Níu manns
eru í sóknarnefnd og eru vara-
menn nefndarinnar einnig níu.
„Það þarf að huga að ýmsum
hlutum sem snúa að kirkjustarf-
inu,“ segir Bjarni þegar hann er
spurður um verkefni sín í kirkj-
unni. „Ég sé mest um ákvarð-
anatökur og hef fólk sem sér
um stóran hluta af því að fram-
kvæma. Hvað varðar messurnar
yfir hátíðarnar þarf ég að fylgjast
með og aðstoða eftir þörfum en
ég reyni að verða að gagni við
þjónustuna eins og hægt er. Við í
sóknarnefnd sjáum til að mynda
um að taka á móti kirkjugestum
og við afhendum messuskrár og
kerti þegar það á við.“
Bjarni sótti sunnudagaskólann
þegar hann var barn og ungl-
ingur og segist almennt taka þátt
í félagsstörfum. Þegar hann er
spurður hvað það gefi honum að
vera í sóknarnefnd segir hann:
„Það er mjög gott fólk í kirkjunni.
Kirkjan höfðar til mín og er eitt
af mínum hugðarefnum. Það er
þægilegt að vera í kirkjunni.“
Jólin koma