Frjáls verslun - 01.10.2008, Síða 79

80 F R J Á L S V E R S L U N • 1 0 . T B L . 2 0 0 8
Bílar
Páll Stefánsson reynsluekur Ford Expedition
TExTI OG LJóSMYNd:
páLL stefánsson
Ford Expedition, stór og stæðilegur.
Stæðilegur
Það eru fáir bílar eins stórir og Ford Expedition
en það er alveg furðulegt hve stærðin venst fljótt.
Ávinningurinn af stærðinni er gríðarlega stórt skott og
gott rými fyrir bílstjóra og farþega – þannig að langferð
á bílnum með fullt af búnaði og dóti er leikur einn;
það þrengir ekki að. En stærðinni fylgja auðvitað líka
ókostir. Hann er ekki lipur í snatti í 101; það þarf bæði
smá útsjónarsemi og heppni að leggja í þröngt stæði
við stöðumæli; þetta er stæðilegur bíll.
Fordinn fellur ekki í þá pólitísku rétthugsun að
bílar eigi vera litlir, eyðslugrannir, óöruggir og leið-
inlegir í akstri. Það kom mér raunar mest á óvart hvað
Expeditioninn var nettur með bensíndropann. Þrátt
fyrir stærðina eyddi hann ekki nema um 12 lítrum á
hundraðið hjá mér í langkeyrslu. Miklu minni eyðsla
en ég hafði búist við. Þegar sest er upp í þetta gímald
skreppur hann saman. Mælaborðið er snyrtilegt, en
verulega amerískt. Það tekur smástund að átta sig á
því hvernig stjórntækin virka. Það eina sem ég sakn-
aði var hitamælir, en það er þarft og gott öryggistæki í
vetrarakstri.
Framsætin, stór og mjúk, eru eiginlega hálfgerðir
Lazy Boy stólar. aftursætið er veigaminna, en með
feikigóðu plássi. Vélin er 5,4 lítra Tríton og 310 hest-
afla; það er feikinóg fyrir þennan mikla og stæðilega
bíl. Sex gíra sjálfskiptingin er einstaklega þægileg og
mjúk – sem og fjöðrunin sem er sjálfstæð, á öllum
hjólum.
Fyrsta kynslóð Ford Expedition kom á markaðinn
fyrir ellefu árum. Þessi var rúmlega ársgamall, af þriðju
kynslóðinni, og notar sama undirvagn og T1 og Ford
F-150 sem hefur verið fram að þessu mest seldi bíl-
inn í Bandaríkjunum í meira en áratug. dráttgóður er
Expeditioninn; hann er gerður fyrir fjögurra tonna drátt.
Gott fyrir hestamenn. Og verðið, hagstætt miðað við
sambærilega bíla.