Frjáls verslun - 01.10.2008, Side 86

Fólk
F R J Á L S V E R S L U N • 1 0 . T B L . 2 0 0 8 87
Alda J. Rögnvalds-
dóttir: „Við fórum til
Möltu í síðasta fríi
okkar erlendis, en við
bjuggum þar á árunum
2002–2005 og dóttir
okkar er fædd þar. Svo
það eiga eftir að verða
fleiri ferðir þangað í
framtíðinni.“
Nafn: Alda J. Rögnvaldsdóttir.
Fæðingarstaður: Reykjavík,
8. janúar 1967.
Foreldrar: Þórey Erla
Ragnarsdóttir og Rögnvaldur
Ólafsson (látinn)
Maki: Arne Sólmundsson.
Börn: Alex Berg Arneson, 7 ára
og Jana Ruth Arnedóttir, 5 ára.
Menntun: B.A. í Commercial Art
(grafískur hönnuður).
Alda J. Rögnvaldsdóttir hefur starfað hjá Almennu verkfræðistofunni í þrjú ár, fyrst sem kynningarstjóri og er nú
mannauðsstjóri: „Almenna verkfræðistofan
var stofnuð 1971 en á rætur að rekja til árs-
ins 1941. Frá stofnun fyrirtækisins hefur
Almenna verið þátttakandi í mörgum af
stærstu verkefnum sem ríki, sveitarfélög og
ýmis fyrirtæki víðs vegar um landið hafa ráðist
í og m.a. annast áætlanagerð, verkefnisstjórn,
hönnun, framkvæmdaeftirlit, jarðfræðiráð-
gjöf og mat á umhverfisáhrifum. Almennu
verkfræðistofunni er skipt í fjögur markaðs-
svið: byggingar og iðnaður, orka og veitur,
umhverfi og skipulag og verkefnastjórnun.
Starf mannauðsstjóra er krefjandi og fjöl-
breytt og felst í, eins og nafnið gefur til kynna,
utanumhaldi á starfsmannamálum. Þar sem
ég er grafískur hönnuður að mennt sé ég jafn-
framt um hönnun á kynningarefni fyrirtæk-
isins. Hjá fyrirtækinu starfa 90 manns, flestallir
hámenntaðir sérfræðingar. Fyrirtækið hefur
verið í stöðugri þróun og farið ört vaxandi á
undanförnum árum. Vistvæn hönnun mann-
virkja er meðal nýrra viðfangsefna hjá okkur
og má þar t.d. nefna Náttúrufræðistofnun og
Árnastofnun en nýlega var umhverfisstjórn-
unarkerfi fyrirtækisins vottað. Við höfum getið
okkur góðan orðstír í hönnun glers en það er
mikið notað í stórum mannvirkjum í dag og
ekki margir sérfræðingar í gleri hér á landi. Við
sáum t.d. um hönnun glers í Háskólatorgi og í
Háskólanum í Reykjavík.“
Sambýlismaður Öldu er Arne Sólmunds-
son, Price Manager hjá Actavis og eiga þau
tvö börn: „Ég útskrifaðist frá The American
College for the Applied Arts (sem heitir í
dag AIU - American InterContinental Uni-
versity) í Los Angeles, með B.A.-gráðu í
„Commercial Art“ eða grafískri hönnun.“
Þegar kemur að áhugamálum segir Alda
að sameiginlegt áhugamál fjölskyldunnar sé
ferðalög og útivera: „Við fórum til Möltu í
síðasta fríi okkar erlendis, en við bjuggum
þar á árunum 2002–2005 og dóttir okkar
er fædd þar. Svo það eiga eftir að verða fleiri
ferðir þangað í framtíðinni. Ég sjálf hef mik-
inn áhuga á allri hönnun, hvort heldur það er
innanhúsarkitektúr, húsgagnahönnun, iðn-
hönnun og eða listmálun. Krakkarnir mála oft
með mér og finnst þeim sérstaklega skemmti-
legt að mála á striga með olíu. Skíðaáhuginn
er að kvikna hjá krökkunum en maðurinn
minn hefur verið duglegur að kynna fyrir
þeim íþróttina. Þannig að það styttist í að ég
fari að rifja upp gamla takta.“
Mannauðsstjóri hjá Almennu verkfræðistofunni
AldA J. RögnvAldsdóttiR
TExTI:
hiLmAr
kArLsson
MYNDIR:
geir
óLAFsson