Frjáls verslun - 01.03.2006, Síða 21

F R J Á L S V E R S L U N • 3 . T B L . 2 0 0 6 21
DAGBÆKUR
FORSTJÓRA
Vinnudagurinn
er tíu tímar
„Mér finnst gott að eiga rólega stund í
morgunsárið og því fer ég snemma á fætur.
Er komin á stjá þegar klukkan er tuttugu
mínútur gengin í sjö og hef því rúman tíma
til að hafa mig til, lesa blöðin og koma
dætrum mínum tveimur, sem eru átta og
tólf ára, í skólann. Einnig eigum við mað-
urinn minn oft góðan tíma saman fyrst á
morgnana, sem við notum til að skipta
með okkur verkum og skipuleggja það sem
gera þarf,“ segir Hrund Rudolfsdóttir, fram-
kvæmdastjóri L&H eignarhaldsfélags.
Tek rispu á kvöldin
Fljótlega upp úr klukkan átta er Hrund
komin á skrifstofu sína að Suðurlandsbraut
12 og hennar fyrsta verk er þá að fara yfir
fréttasíður á Netinu. „Ég tek góða skorpu á
tölvupóstinum þegar ég kem og síðan inn á
milli yfir daginn eins og tök leyfa. Dagurinn
er alla jafna mjög þéttskipaður og maður
þarf að skipuleggja sig vel. Mér finnst
alltaf best að vera frjáls fyrri hluta dagsins
og geta notað þann tíma í að yfirfara ýmis
gögn og lesa pappíra sem þarf. Alla meiri-
háttar fundi dagsins finnst mér hins vegar
best að afgreiða í eftirmiðdaginn. Mörgum
finnst aftur á móti best að funda sem
stífast á morgnana en hafa eftirmiðdaginn
frjálsan, en líklega sannar þetta bara að ég
er afar lítil morgunmanneskja.“
Hrund segir að oft sleppi
hún því að borða í hádeginu
og komi slíkt svo sem ekki
að sök. „Stundum tek ég mér
hins vegar pásu í hádeginu í
klukkustund eða svo til þess
að sinna ýmsum persónulegum
erindum. Oft eru líka haldnir
fundir á þessum tíma,“ segir Hrund sem yfir-
leitt fer heim úr vinnu á sjötta tímanum síð-
degis. Þá taka heimilisstörfin við en þegar
börnin eru komin í ró kveðst hún býsna oft
setjast við tölvuna, taka rispu í tvö til þrjá
tíma og afgreiða þau verkefni tengd vinn-
unni sem hafa beðið.
Gleymi mér í tækjunum
„Í ró og næði á kvöldin verður mér oft alveg
ótrúlega drjúgt úr verki. Ég fer líka gjarnan
í ræktina á kvöldin eða þá um helgar. Það
er sá tími sem hentar mér best og fyrir
fólk í erilsömu starfi er alveg ómissandi að
stunda einhvers konar líkamsrækt. Mér
finnst gott að gleyma viðfangsefnum dags-
ins í tækjunum eða á
hlaupabrettinu,“ segir
Hrund sem telur að
vinnudagur sinn sé að
jafnaði ekki skemmri
en tíu tímar á dag
og oft lengri. Slíkt sé
algengt hjá ungu fólki í
stjórnunarstöðum.
Utanlandsferðir segir Hrund allstóran
þátt í starfi sínu - gjarnan ein til tvær ferðir
í mánuði og stundum fleiri. „L&H eignar-
haldsfélag er með vaxandi umsvif erlendis,
svo sem í Króatíu og Rúmeníu. Flugferðirnar
reyni ég nýta eins og mögulegt er til að
lesa ýmis vinnutengd gögn, enda eru þetta
alllangar ferðir, taka nánast heilan dag. Eftir
slíkar ferðir er ég að sönnu bæði tætt og
dösuð en við slíku er lítið að gera. Slíkt ein-
faldlega tilheyrir.“
HRUND RUDOLFSDÓTTIR
Hrund Rudolfsdóttir, framkvæmdastjóri L&H eignarhaldsfélags.
„Í ró og næði á
kvöldin verður
mér oft alveg
ótrúlega drjúgt
úr verki.“