Frjáls verslun - 01.03.2006, Qupperneq 36

36 F R J Á L S V E R S L U N • 3 . T B L . 2 0 0 6
Björgólfur Jóhannsson.
23. mars
Björgólfur forstjóri
Icelandic Group
Tilkynnt var á aðalfundi Icelandic
Group að Björgólfur Jóhannsson
hefði verið ráðinn forstjóri félags-
ins. Björgólfur hefur um áraraðir
verið einn af atkvæðamestu
mönnum sjávarútvegs á Íslandi.
Hann var um árabil forstjóri Síld-
arvinnslunnar í Neskaupstað og
réðst til Icelandic Group í desem-
ber sl. sem framkvæmdastjóri
viðskiptaþróunar. Þá hefur hann
verið formaður LÍÚ undanfarin
ár. Fram kom á aðalfundinum
að síðasta ár hefði verið slakt
hjá Icelandic Group og hagnaður
fyrir fjármagnsliði og afskriftir
(EBIDTA) um 1.264 milljónir
króna miðað við 2,5 milljarða
árið 2004.
23. mars
8,5 milljarða
hagnaður VÍS
Finnur Ingólfs-
son, forstjóri
eignarhaldsfé-
lagsins VÍS,
getur verið
ánægður með
árangur sinn
á síðasta ári.
Hagnaður félagsins nam tæpum
8,5 milljörðum króna og jókst
um 46% frá árinu áður. Finnur
sagði á fundinum að rekja mætti
hina góðu afkomu að mestu til
hagnaðar af hlutabréfaeign félags-
ins því afkoman af vátrygginga-
rekstri félagsins hefði ekki verið
viðunandi og verri en árið 2004.
24. mars
Páll og Lýður
Páll Gunnar
Pálsson,
forstjóri Sam-
keppniseftir-
litsins, svaraði
gagnrýni Lýðs
Guðmunds-
sonar, stjórnar-
formanns Sím-
ans, um aðkomu eftirlitsins að
fjölmiðlamarkaðinum. Lýður hafði
skotið á Samkeppniseftirlitið
og sagt að Dagsbrún væri alls-
ráðandi í fjölmiðlun á Íslandi og
að félagið hefði með kaupum á
Saga film og Storm þrengt veru-
lega að aðgengi Skjás eins að
framleiðslufyrirtækjum á íslensku
sjónvarpsefni. Páll Gunnar sagði
að Samkeppniseftirlitið hafi tekið
þessa samruna til skoðunar, sem
Lýður gerði að umtalsefni, og að
þeir hefðu verið leyfðir með skil-
yrðum.
25. mars
Lýður hættir
hjá Bakkavör
Aðeins meira af Lýð Guðmunds-
syni. Tilkynnt var á aðalfundi
Bakkavarar að hann láti af
störfum sem forstjóri Bakkavarar
síðar á árinu og taki við sem
starfandi stjórnarformaður Exista.
Bróðir Lýðs, Ágúst Guð-
Lýður Guðmundsson.
mundsson, stjórnarformaður
Bakkavarar, sagði breytinguna
komna til af því að umsvif Exista
hefðu aukist mikið undanfarin ár
og krefðist það aukinnar athygli
stjórnenda fyrirtækisins. Exista
verður líklega skráð í Kauphöll
Íslands á árinu.
26. mars
Ekki framlengt í
Bandaríkjunum
Ein helsta umræðan í viðskiptalíf-
inu undanfarnar vikur hefur verið
um að kaupendur skuldabréfa
íslensku bankanna í Bandaríkj-
unum hafi ákveðið að framlengja
ekki samninga fyrir rúmlega 1,6
milljarða Bandaríkjadala. En
það er um 124 milljarðar króna
á núverandi gengi. Þetta hefur
áhrif á endurfjármögnun bank-
anna.
Forráðamenn bankanna hafa
sagt að þetta sé ekki beint
bakslag þar sem við þessu hefði
alveg eins mátt búast og því
verði bankarnir að leita á ný
mið og finna nýja kaupendur að
þessum skuldabréfum. Þetta
geti hins vegar haft þau áhrif að
fjármögnunarkostnaður erlendis
hækki.
Upplýst var að samningar
sem ekki verða framlengdir
skiptist þannig á milli bankanna
þriggja: Glitnir 775 milljónir
Bandaríkjadala, Kaupþing banki
600 milljónir dala og Landsbank-
inn 200 milljónir dala.
D A G B Ó K I N
TEXTI: JÓN G. HAUKSSON • MYNDIR: GEIR ÓLAFSSON o.fl.
Páll Gunnar
Pálsson.
Finnur
Ingólfsson.
27. mars
ÖLLUM SAGT UPP Á VELLINUM
Allir íslenskir starfsmenn
Varnarliðsins, 592 að tölu,
hafa fengið uppsagnarbréf.
Þetta kom í kjölfar þess að
Bandaríkjamenn hafa lýst
því yfir að þeir hyggist draga
stórlega saman í umsvifum
sínum á Vellinum og séu
að fara með flugflota sinn í
burtu. Viðræður um varnar-
samstarf þjóðanna standa þó
enn yfir.
Herstöðin á Keflavíkurflugvelli.