Frjáls verslun - 01.03.2006, Síða 52

52 F R J Á L S V E R S L U N • 3 . T B L . 2 0 0 6
Unnið mikið að mati á umhverfisáhrifum
Tómas segir að það hafi verið lítið að
gera fyrir verkfræðinga fyrst eftir að hann
útskrifaðist úr Háskólanum. „Ég held að
við höfum verið þrír sem fengum vinnu
beint við verkfræði og líklega allir í gegnum
klíku. Faðir minn rak verkfræðistofu og ég
smitaðist af áhuga á greininni frá honum og
það var líka hann sem reddaði mér fyrstu
vinnunni eftir útskrift.“
Eyjólfur Árni Rafnsson, framkvæmda-
stjóri hjá Verkfræðistofunni Hönnun, kynnt-
ist Tómasi eftir að hann hóf störf hjá fyrir-
tækinu. „Tómas byrjaði að vinna hjá okkur
eftir að hann lauk námi í Bandaríkjunum.
Hann er afskaplega góður og skemmtilegur
samstarfsmaður, hugmyndaríkur og metn-
aðarfullur.“
Á meðan Tómas starfaði hjá Hönnun var
hann fyrst og fremst að sinna umhverfis-
málum og mati á umhverfisáhrifum. „Hann
vann meðal annars að mati á umhverfisá-
hrifum fyrir Bjarnarflagsvirkjun og margvís-
leg verkefni fyrir Vegagerðina.“
Eyjólfur segir að Tómas hafi fyrst kynnst
álbransanum þegar þeir unnu að mati á
umhverfisáhrifum fyrir Norðurál árið 1995.
„Hann fylgdi því máli alveg til enda og flutti
sig svo að lokum yfir til Norðuráls og starf-
aði þar þangað til fyrir tveimur árum að
hann var ráðinn sem forstjóri Fjarðaáls. Að
mínu mati á Tómas afskaplega auðvelt með
að umgangast fólk og hann á auðvelt með
að koma hlutunum frá sér
á einfaldan og skiljanlegan
hátt sem skiptir miklu máli
þegar menn eru að kynna
flókin mál.“ Þessi hæfileiki
Tómasar hefur einnig nýst
honum í kennslu sem hann
hefur stundað við verkfræði-
deild Háskóla Íslands og við
Viðskiptaháskólann að Bif-
röst.
Tómas hóf nám í umhverfisverkfræði
við Cornell háskóla í Bandaríkjunum árið
1993 og lauk meistaragráðu 1995. Á þeim
tíma hafði hann einnig mikinn áhuga á
þróunarmálum og þróunaraðstoð. „Um
tíma stóð til að fjölskyldan færi til Suður-
Afríku og starfaði þar að þróunarverkefni
sem prófessorinn minn við Cornell stóð
að fyrir Nelson Mandela. En þegar kenn-
arinn sá ljósa hárið á strákunum okkar
réð hann okkur frá því. Þetta voru miklir
umbrotatíma í Suður Afríku og það hefði
T Ó M A S M Á R S I G U R Ð S S O N Í N Æ R M Y N D
Jónmundur Guðmarsson, bæjarstjóri á Seltjarnarnesi
og vinur Tómasar í tuttugu og sjö ár, segist hafa
fylgst vel með tilhugalífinu hjá vini sínum og vænt-
anlegri eiginkonu hans. „Tómasi var mikið í mun að
ganga í augun á Ólöfu og látast vera mannalegur
þrátt fyrir að hann lifði bara á námslánum eins og við
hinir. Hann var mjög rausnarlegur á þessu tímabili og
gerði mikið af því að bjóða Ólöfu út að borða á hinum
og þessu veitingahúsum í bænum. Hann hafði reyndar
engin ráð á að standa undir þessu en fór mjög dult
með það gagnvart sinni heittelskuðu og safnaði
nokkuð skuldum á tímabili út af þessu. En það hefur
allt margborgað sig því að hjónabandið hefur lukkast
mjög vel og þau eiga fjögur falleg börn. Þetta er lík-
lega besta fjárfesting sem Tómas hefur gert.“
verið allt of hættulegt að fara með glókoll-
ana okkar þangað.“
Tómas var ráðinn sem forstjóri Alcoa
á Íslandi á afmælisdaginn sinn 1. febr-
úar árið 2004. Hann segir að starfið sé
afskaplega fjölbreytt og gef-
andi. „Eins og er felst það að
mestu í að ráða gott fólk til
starfa fyrir austan og þúsund
öðrum hlutum sem þurfa að
vera komnir á hreint áður
en álverið verður sett í gang.
Þetta er afskaplega spenn-
andi starf og eins og gefur
að skilja skiptir miklu fyrir
okkur að vanda vel til verka. Álverið á
eftir að hafa mikil samfélagsleg áhrif á
Austurlandi og ég er ekki í nokkrum vafa
um að þau verði til bóta.“
Gaman að veiða og ferðast
Tómas ferðast oft vestur um haf vegna
vinnu sinnar en segist aðallega ferðast
innan lands með fjölskyldunni þegar hann
á frí. „Við búum austur á Héraði og höfum
því mikið ferðast um Austurland og svo
eigum við sumarbústað í Borgarfirði og
förum þangað í lengri fríum.“
Thor Aspelund, æskufélagi
Tómasar, lék á móti honum í
uppsetningu Menntaskólans í
Reykjavík á Rómeó og Júlíu á
sínum tíma. Thor lék Rómeó
en Tómas París greifa. „Það
sem var óvenjulegt við samspil
okkar í leikritinu var að ég
þurfti að drepa hann á hverju
kvöldi og það eru líklega óvenju-
legustu atvikin í samskiptum
okkar og vináttu. Þetta var
öðru vísi en hefðbundið djamm
á þessum tíma.“
Thor segir að þeir hafi verið
vinir frá tólf ára aldri og verið
saman í menntaskóla og það
hafi aldrei kastast í kekki á
milli þeirra. „Tómas var afskap-
lega fjörugur nemandi, hann
var ekki beint óþægur en kenn-
ararnir þurftu oft að sussa á
hann. Þrátt fyrir áratuga vináttu
segist Thor ekki muna eftir
neinu sem hafi skyggt á. „Við
höfum aldrei þurft að metast
eða keppa okkar á milli, vinátta
okkar hefur alltaf verið hafin yfir
allt dægurþras og staðist tím-
ans tönn.“
Safnaði skuldum
í tilhugalífinu
Tómas var afskap-
lega fjörugur nem-
andi, hann var ekki
beint óþægur en
kennararnir þurftu
oft að sussa á hann.
„Drap hann á hverju kvöldi“