Frjáls verslun - 01.03.2006, Side 59

F R J Á L S V E R S L U N • 3 . T B L . 2 0 0 6 59
Gröfin frá auglýsingastofunni „Við fengum úrlausnir auglýs-
ingastofunnar sendar í lok nóvember,“ endurtekur Harket.
„Þá þegar vissum við hvernig nýja ímynd bankans átti að vera
í aðalatriðum. Útfærslur eins og gröf yfir augum eða andlitum
fólks komu frá auglýsingastofunni.“
Þegar Harket er spurður um hvort hann haldi að Glitnir
hafi stolið þeirra hugmynd svarar hann því afdráttarlaust
neitandi.
„Það eru eins og hverjar aðrar vangaveltur út í bláinn að
tala um þjófnað,“ segir Harket. „Ég minni líka á að herferðir
bankanna eru ekkert líkar þótt menn sjái einhvern svip við
fyrstu sýn. Þetta er ekkert líkt.“
Harket svarar á sama veg þegar hann er spurður um hvort
þeir í Fókusbanka eða á auglýsingastofunni Bates hafi fengið
lánaða hugmyndina sem Glitnir - þá Íslandsbanki - vann að.
„Það væri með ólíkindum,“ segir Harket. „Það eru svo
margir sem hafa unnið að þessari herferð um svo langan tíma.
Þetta er ekki ein hugmynd sem einn maður stelur.“
Er andi í glasinu? Þá er eftir sá möguleiki að um hugsanaflutn-
ing sé að ræða. Telepathy! Dulspekingar segjast hafa sönnur
fyrir hugsanaflutningi - og sjálfum finnst mér grunsamlegt
hve oft ég finn á mér að konan mín er um það bil að hringja
í mig. Þá legg ég farsímann á borðið og hann hringir fáum
sekúndum síðar.
Harket hlær að þessum möguleika. „Nei, þetta er ekki mín
grein. Ég hef enga trú á svona hlutum,“ segir hann. Og úr því
að Harket er í hópi hinna vantrúuðu sleppi ég að bera mögu-
leikann á sálnaflakki undir hann.
Tíðarandinn leikur lausum hala Enn er eftir sá möguleiki að
skapandi fólk komist að sömu niðurstöðu á sama tíma en á
tveimur ólíkum stöðum og án þess að samband sé á milli. Nátt-
úrufræðingarnir Charles Darwin og Alfred Russel Wallace
komust að sömu niðurstöðu um uppruna tegundanna á sama
tíma og vissi þó hvorugur af hinum enda heimsálfur og úthöf
á milli.
Getur það verið að eitthvað í tíðarandanum kalli á líkar
lausnir á ólíkum stöðum? Það sem þykir flott og nútímalegt
á einum stað þykir það einnig á öðrum. Þess vegna getur
tveimur hönnuðum dottið það sama í hug á sama tíma án þess
að það þurfi að vera dularfullt eða skrítið.
En enn hlær Harket hjá Fokus bank. „Þetta er svið sem ég
ætla ekki að hætta mér út á. Ég vil bara minna enn á að mér
finnast lausnirnar hjá okkur og Glitni ekkert sérstaklega líkar
og engin ástæða til að leita langt eftir skýringum á svip svona
við fyrstu sýn,“ ítrekar Harket.
Keppinautar norðan úr landi En þessi svipur sem þó er,
getur hann valdið bönkunum erfiðleikum? Eru Fokus bank
og Glitnir, sem eigandi BNbank í Noregi, í harðri samkeppni
á markaðnum.
„Já og nei,“ svarar Harket. „Vissulega eru við keppinautar
þótt það ríki ekki harka í þeirri samkeppni.“
Fokus bank og BNbank eiga það sameiginlegt að vera
norðan úr Þrándheimi og hafa höfuðstöðvar þar. Báðir hafa á
síðari árum fengið erlenda eigendur. Það er raunar ekki fátítt
að fólk í Noregi haldi að Fokus bank sé í eigu Íslendinga. Svo
er þó ekki því að Den Danske Bank keypti Fokus bank fyrir
um tíu árum.
En heldur Harket að norskir neytendur reki augun í lík-
indin sem eru á milli auglýsinganna frá BNbank - á vegum
Glitnis - og Fokus bank?
„Það verður bara að koma í ljós,“ segir Harket. „Við notum
ekki auglýsingar mikið í okkar herferð. Þetta var aldrei
hugsað sem auglýsingaherferð. Við vildum bara vita hvernig
banki við værum og hvað við gerðum best og hvernig við
vildum að viðskiptavinirnir litu á okkur. Og þá vildum við
gjarnan koma fram sem ung og hress og klár.“
Ring 815 44 230 eller gå inn på fokus.no
og avtal time med en av bankens rådgivere. Dine penger. Våre hoder.
Gode råd er ikke dyre. Men vanskelig å fi nne. Særlig hvis du har god økonomi, og stiller store krav til din bankforbindelse. Derfor har
vi Fokus Privatbank. En bank i banken hvor hver kunde får sin personlige rådgiver og sin egen fi nansielle plan.
Sitter du med store verdier i boligen din? Med Boligkreditt kan du enkelt overføre penger til din brukskonto. Eller kanskje du
ønsker å investere? Jeg står fritt til å anbefale fond, uavhengig av om de eies av Fokus Bank eller ikke. Vi kaller det åpen arkitektur.
Kontakt Fokus Bank, så fi nner du ut hvorfor vi vokser raskest blant mennesker med god økonomi.
Krever du mer av banken din?
B
_
T
_
S
U
N
IT
E
D
F
O
T
O
: M
O
R
T
E
N
K
R
O
G
V
O
L
D

TONE M. BRURÅS, RÅDGIVER FOKUS BANK
A U G L Ý S I N G A M Á L
Auglýsingar Fokus bank í Noregi. Starfsfólk bankans leikur í aug-
lýsingunum.